آج کا شعر - 5

[معاویہ وقاص]

تیری نگاہ میں اک رنگ اجنبیت تھا​

کس اعتبار سے ہم کھل کے گفتگو کرتے​

عبدالحمید عدم​

 

[فرخ منظور]

یہ کعبہ سے نہیں بے وجہ نسبتِ رخ ِیار​

یہ بے سبب نہیں مردے کو قبلہ رُو کرتے​

نہ پوچھ عالمِ برگشتہ طالعی آتش​

برستی آگ، جو باراں کی آرزو کرتے​

(آتش)​

 

[فرخ منظور]

زلفیں بکھیر تاکہ زمانے کو علم ہو
ظلمت حسین تر ہے شبِ ماہتاب سے

(نامعلوم)

 

[معاویہ وقاص]

کس حسن اتفاق سے کیا ہو گیا ہوں میں​

تکتے ہی تجھ کو ، تجھ پہ فدا ہو گیا ہوں میں​

عبدالحمید عدم​

 

[معاویہ وقاص]

بے رحم آئینے کی طرح کائنات کو
پہلو بدل بدل کے دکھایا گیا ہوں میں

عبدالحمید عدم​

 

[محمداحمد]

شام ہی سے بجھا سا رہتا ہے
دل ہوا ہے چراغ مفلس کا

میر

 

[فرخ منظور]

پیہم سجود پائے صنم پر دمِ وداع
مومن خدا کو بھول گئے اضطراب میں
(حکیم مومن خان مومن)

 

[فرخ منظور]

خود کو بڑھا چڑھا کے بتاتے ہیں یار لوگ
حالانکہ اِس سے فرق تو پڑتا نہیں کوئی
(روحی کنجاہی)

 

[فلک شیر]

تم جو لکھتے ہو وہ دنیا کہیں ملتی ہی نہیں
کون سے شہر میں رہتے ہو، کہاں لکھتے ہو
(عرفان صدیقی)

 

[فرخ منظور]

عکسِ جمالِ یار بھی کیا تھا کہ دیر تک
آئینے قمریوں کی طرح بولتے رہے

(سراج الدین ظفر)

 

[غ۔ن۔غ]

میری دھڑکنوں میں محبت ہے تیری
میری زندگی اب امانت ہے تیری
تمنا ہے جن راستوں پر چلے تو
نشاں ہو وہاں پر میری بندگی کا

 

[اوشو]

زندگی تجھ سے ہر اک سانس پہ سمجھوتا کروں
شوق جینے کا ہے مجھ کو مگر اتنا تو نہیں
مظفر وارثی

 

[نیرنگ خیال]

مرے ایک گوشۂ فکر میں، میری زندگی سے عزیز تر
مرا ایک ایسا بھی دوست ہے جو کبھی ملا نہ جدا ہوا

 

[شیزان]

​

مشقِ تخریبِ وطن میں ہر کوئی مصرُوف ہے​

ایک بھی پہلُو نظر آتا نہیں تعمیر کا​

​

باقی احمد پوری​

​

 

[عرفان سرور]

رہے گی یاد انہیں بھی، مجھے بھی، وصل کی رات
کہ ان سا شوخ نہیں، مجھ سا بیقرار نہیں۔۔۔

ریاض خیر آبادی

 

[عرفان سرور]

کتنی آساں ہے صبر کی تلقین.
کتنا مشکل ہے دل پہ سل رکھنا

سعود عثمانی

 

[سلیمان اشرف]

جی میں آتا ہے الٹ دیں انکے چہرے سے نقاب
حوصلہ کرتے ہیں لیکن حوصلہ ہوتا نہیں
ساغر صدیقی !

 

[نیرنگ خیال]

رہے گی یاد انہیں بھی، مجھے بھی، وصل کی رات
کہ ان سا شوخ نہیں، مجھ سا بیقرار نہیں۔۔۔

ریاض خیر آبادی

واہ
عمدہ

 

[فرخ منظور]

اپنے انعامِ حسن کے بدلے
ہم تہی دامنوں سے کیا لینا
آج فرقت زدوں پہ لطف کرو
پھر کبھی صبر آزما لینا
(فیض)

 

[شیزان]

​

اب کیا یقین آئے کہ شک رہگذر میں ہے​

منزل کا اعتبار بھی شامل خبر میں ہے​

​

افسوس یہ نہیں ہے کہ وعدے بُھلا دیئے​

حیرت یہ ہے، وہ اب بھی صفِ معتبر میں ہے​

​

محسن بھوپالی​