آج کا شعر - 5

[محمد اسامہ سَرسَری]

 

[عرفان سرور]

مفلسی حس_ لطافت کو مٹا دیتی ہے،
بھوک آداب کے سانچوں میں نہیں ڈھل سکتی.

ساحر لدھیانوی

 

[عرفان سرور]

وہ پیٹ برگزیدہ ہیں میری نگاہ میں،
جو بیچتے ہیں عزتیں خوراک کے عوض.

منصور آفاق

 

[کاشفی]

دل کو کراچی سمجھ رکھا ہے تم نے
آتے ہو، جلاتے ہو، چلے جاتے ہو
(شاعر: نامعلوم، ماخذ- کتابی چہرہ - بوکی فیس)

 

[اوشو]

ہونا تو وہی ہے جو مقدر میں لکھا ہے
لیکن وہ میرے خواب! میرے خواب! میرے خواب!

 

[محمداحمد]

خواب مسافر لمحوں کے ہیں ساتھ کہاں تک جائیں گے​

تم نے بالکل ٹھیک کہا ہے میں بھی اب کچھ سوچوں گا​

 

[صائمہ شاہ]

میں کبھی سود کا قائل تو نہیں تھا لیکن
زندگی اور بتا کتنا زیاں باقی ہے
فریاد آزر

 

[محمداحمد]

اب بھی اوجھل ہے نگاہوں سے نشانِ منزل ​

زندگی تو ہی بتا کتنا سفر باقی ہے​

 

[صائمہ شاہ]

پھر گئیں ہم سے یار کی آنکھیں
گردشِ روزگار کے مانند

مصحفی

 

[محمداحمد]

اونچی عمارتوں سے مکاں میرا گھر گیا​

کچھ لوگ میرے حصّے کا سورج بھی کھا گئے​

​

جاوید اختر​

 

[مانی عباسی]

دل سی چیز کے گاہک ہونگے دو یا ایک ہزار ک بیچ
انشاء جی کیا مال لئے بیٹھے ہو بازار کے بیچ۔۔۔۔۔۔۔۔

 

[مانی عباسی]

قصور وار بڑے آدمی کا بیٹا ہے،
نسیم اس کو یقینا" سزا نہیں ھو گی.

نسیم عباسی

بھائی یہ نسیم عبّاسی کدھر کے ہیں؟؟؟؟؟؟

 

[صائمہ شاہ]

بہکا تو بہت بہکا سنبھلا تو ولی ٹھہرا
اس چاک گریباں کا ہر رنگ نرالا تھا
عزیز نبیل

 

[مدیحہ گیلانی]

پڑے ہو کون سے گوشے میں تنہا ۔۔۔۔۔۔۔
یگانہ کیوں، خدائی ہو چکی بس؟
یگانہ چنگیزی

 

[عرفان سرور]

یہی کبھی تو چمن میں بہار لائیں گے،
یہ اشک آنکھ میں جو شبنمی سے پھرتے ہیں.

مختار ملسیانی

 

[فرخ منظور]

بے ججابانہ چلے آئیے کاشانے میں
آپ کے غم کے سوا کون ہے‌ غم خانے میں

فتنہ انگیز نہ ہو گیسوئے مشکیں کو نہ کھول
تابِ زنجیر نہیں ہے ترے دیوانے میں
(عبدالقادر جیلانی یعنی غوث الاعظم کے فارسی اشعار کا منظوم ترجمہ)

 

[محمداحمد]

ٹوٹا تو کتنے آئینہ خانوں پہ زد پڑی
اٹکا ہوا گلے میں جو پتھر صدا کا تھا

احمد ندیم قاسمی

 

[صائمہ شاہ]

سیدھے رستے پہ چلوں تو کیسے
بھولی بھٹکی ہوئی دانائی ہوں

احمد ندیم قاسمی

 

[محمداحمد]

اُن کے بھی قتل کا الزام ہمارے سر ہے
جو ہمیں زہر پلاتے ہوئے مر جاتے ہیں

عباس تابش

 

[مدیحہ گیلانی]

ایک پتھًر ادھر آیا ہے تو اس سوچ میں ہوں -
میری اس شہر میں کس کس سے شناسائی ہے
(رضی اختر شوق)