آج کا شعر - 5

[غ۔ن۔غ]

( saima shah ) صائمہ بہن ۔۔ مجھے اپنا شعر یاد آگیا۔۔

اپنی غزل ( غ۔ن۔غ ) کی نذر کرتا ہوں ۔۔ آپ بھی ملاحظہ کیجے ۔

میں سراپا نماز ہوں اے عشق
تو اذاں دے رہا ہے حیرت ہے
م۔م۔مغل

اُسے کہو کہ بہت نامُراد شے ہے جنوں​

اُسے کہو کہ مجھے ہے بہت جنوں اُس کا​

 

[پپو]

کہا تھا اُس نے کہ اپنا بنا کے چھوڑےگا​

ہُوا بھی پھر یونہی اپنا بنا کے چھوڑ گیا​

 

[غ۔ن۔غ]

مغزل کے نام ۔۔۔۔۔
تو جان بھی مانگے تو میں ہنس کر تجھے دے دوں
تیری تو کوئی بات بھی ٹالی نہیں جاتی

 

[امیداورمحبت]

پھر تجھے اور مجھے ا ور کہیں جانا ہے ​

ہم سفر ساتھ تو چل جتنی سڑک باقی ہے ​

شکیل جاذب​

 

[مغزل]

مغزل کے نام ۔۔۔ ۔۔
تو جان بھی مانگے تو میں ہنس کر تجھے دے دوں
تیری تو کوئی بات بھی ٹالی نہیں جاتی

خدائے عمر سے مانگی تھی ایک مہلتِ شب
وہ جس میں تیرے مرے بخت کا ستارہ تھا
م۔م۔مغل
(مغزل کے نام )

 

[پپو]

وہ اس کمال سے کھيلا تھا عشق کي بازي کہ
ميں خود کو فاتح سمجھتا رہا مات ہونے تک​

 

[غ۔ن۔غ]

ساعتِ دید کے عارض ہیں گلابی اب تک
اوّلیں لمحوں کے گلنار حجابوں کی طرح

 

[غ۔ن۔غ]

جنوں پسند ہے دل اور تجھ تک آنے میں
بدن کو ناؤ لہو کو چناب کر دے گا

 

[مغزل]

تم غزل ہو غزالِ دشتِ سخن
سارے دشت اور بن تمھارے ہیں
تم ہمارے ہو ہم سخن یعنی
اب ہمارے سخن تمھارے ہیں
تم ہی تم ہو نگارِ قدرت میں
تتلیوں کے بدن تمھارے ہیں
م۔م۔مغل
(مغزل کے نام)

 

[پپو]

وہ کیا ہیں، آج اُن کے فرشتے بھی آئیں گے
وعدے کی شب نہیں ہے، یہ دن ہے حساب کا​

 

[غ۔ن۔غ]

تم غزل ہو غزالِ دشتِ سخن
سارے دشت اور بن تمھارے ہیں
تم ہمارے ہو ہم سخن یعنی
اب ہمارے سخن تمھارے ہیں
تم ہی تم ہو نگارِ قدرت میں
تتلیوں کے بدن تمھارے ہیں
م۔م۔مغل
(مغزل کے نام)

وہ میرا نام لیے جائے اور میں اس کا
لہو میں گونج رہا ہے پکار کا موسم
وہ روز آ کے مجھے اپنا پیار پہنائے
میرا غرور ہے بیلے کے ہار کا موسم

 

[فرخ منظور]

بٹھا دیا مجھے دریا کے اُس کنارے پر
جدھر حبابِ تہی دام بھی نہیں آتا

(غلام محمد قاصر)

 

[حسن]

نہیں ہوتا کبھی جو رابطہ اس سے مرا محسن
میں خود میں ڈوب جاتا ہوں، وہ مجھ کو مجھ میں ملتا ہے

 

[پپو]

نظر اُٹھا کہ ذرا دیکھ تو سہی اِک بار
کہ تیرے درد نے کتنا بدل دیا مجھ کو​

 

[محمد وارث]

سیہ گلیم ہوں لازم ہے میرا نام نہ لے
جہاں میں جو کوئی فتح و ظفر کا طالب ہے
ہوا نہ غلبہ میسّر کبھی کسی پہ مجھے
کہ جو شریک ہو میرا ، شریکِ غالب ہے

 

[امیداورمحبت]

• ترےقریب رہ کربھی دل مطمئن نہ تھا

گزری ہے مجھ پہ یہ قیامت کبھی کبھی ​

​

ناصر کاظمی​

 

[حسن]

یہ موسم میرے جذبوں کی ترجمانی کرے
کیا کروں میں جو اٹھکیلیاں جوانی کرے

 

[پپو]

اپنوں سے بے وفائی اچھی نہیں حضور
اب دیر ہو چلی ہے ذرا لوٹ آئیے​

 

[زبیر مرزا]

فکر معاش، عشق بتاں، یاد رفتگاں​

اس زندگی میں اب کوئی کیا کیا کرے​

(شاعر: مرزا محمد رفیع سودا)​

 

[پپو]

ہمیں بھی عرضِ تمنا کا ڈھب نہیں آتا
مزاجِ یار بھی ہے سادہ کیا کیا جائے​