آج کا شعر - 5

[عرفان سرور]

سُنتے ہو زاہد و ناصح جو ہیں سمجھاتے مجھے
کیا بدل دیں گے یہ اور میں بدل جاؤں گا
(ذوق)

 

[عرفان سرور]

کیوں نہ لوں نامِ خدا اُس بُت کی صورت دیکھ کر
لوگ کہتے ہیں کہ کلمہ پڑھ کے مرنا چاہیئے
(اکبر الہ آبادی )

 

[عرفان سرور]

ناز ہے گُل کو نزاکت پہ چمن میں اے ذوق
اُس نے دیکھے ہی نہیں ناز و نزاکت والے
(ذوق)

 

[غ۔ن۔غ]

وہ پکارے تو فضا خواب سی ہو جاتی ہے
اسکی آواز سے رشتہ ہے ہمارا کیسا
( ثمینہ راجہ)

 

[عرفان سرور]

توبہ تو کر چکا ہوں مگر پھر بھی اے عدم
تھوڑا سا زہر لا کہ طبیعت اداس ہے

 

[عرفان سرور]

حضرتِ زاہد ہماری چھیڑ کی عادت نہیں
گدگدی ہوتی ہے دل میں پارسا کو دیکھ کر
داغ

 

[غ۔ن۔غ]

ہو خوشی بھی ان کو حاصل یہ ضروری تو نہیں
غم چھپانے کے لیے بھی مسکرا لیتے ہیں لوگ

 

[ایم اے راجا]

وہ جو دربار سے وابستہ ہیں لب بستہ ہیں
شکر ہے میرے سخن آج بھی بر جستہ ہیں

( ذاکر رحمان )

 

[غ۔ن۔غ]

بنا کر فقیروں کا ہم بھیس غالب
تماشا ئے اہل کرم دیکھتے ہیں

 

[کاشفی]

جس روز کسی اور پہ بیداد کروگے​

یہ یاد رہے ہم کو بہت یاد کرو گے​

(سودا)​

 

[کاشفی]

بھر نظر تجھ کو نہ دیکھا کبھی ڈرتے ڈرتے​

حسرتیں جی کی رہیں جی ہی میں مرتے مرتے​

(سودا)​

 

[کاشفی]

عشق سے تو نہیں ہوں میں واقف​

دل کو شعلہ سا کچھ لپٹتا ہے​

​

غنچہ سمٹے تو سمٹے ممکن ہے​

دل جو بکھرے تو کب سنبھلتا ہے​

(سودا)​

 

[کاشفی]

اس شوخ کے جانے سے عجب حال ہے میرا​

جیسے کوئی بھولا ہوا پھرتا ہے کچھ اپنا​

(میر غلام حسن)​

 

[کاشفی]

میں حشر کو کیا روؤں کہ اُٹھ جانے سے تیرے​

برپا ہوئی اک مجھ پہ قیامت تو یہیں اور​

(میر غلام حسن)​

 

[کاشفی]

دل کو کھویا ہے کل جہاں جا کر​

جی میں ہے آج جی بھی کھو آؤں​

(میر غلام حسن)​

 

[کاشفی]

حسن دیتا ہے تو کیوں جی بتوں پر​

ملا دیں گے تجھے یہ کیا خُدا سے​

(میر غلام حسن)​

 

[عرفان سرور]

بچپن سے ہی یہ کہتے ہیں انداز آپ کے
جو اہلِ دل ہیں وہ ہمیں دلبر بنائیں گے
(جلیل بانکپوری)

 

[عرفان سرور]

بے عذر وہ کر لیتے ہیں وعدہ یہ سمجھ کر
یہ اہلِ مرّوت ہیں تقاضہ نہ کریں گے
(شیفتہ)

 

[عرفان سرور]

بُت کو بُت اور خدا کو جو خدا کہتے ہیں
ہم بھی دیکھیں کہ تجھے دیکھ کے کیا کہتے ہیں
(داغ رحمتہ اللہ علیہ)

 

[عرفان سرور]

بات کرنی تک تمہیں آتی نہ تھی
یہ ہمارے سامنے کی بات ہے
(داغ رحمتہ اللہ علیہ)