آج کا شعر - 5

[عرفان سرور]

جفا کے ذکر پہ تم کیوں سنبھل کے بیٹھ گئے
تمہاری بات نہیں بات ہے زمانے کی
مجروح سلطانپوری

 

[عرفان سرور]

تبسم ہے وہ ہونٹوں پر جو دل کا کام کر جائے
انھیں اس کی نہیں پروا کوئی مرتا ہے مرجائے

پریشان بال کرتے ہیں انھیں شوخی سے مطلب ہے
بکھرتا ہے اگر شیرازہ عالم، بکھر جائے

حیات ِدائمی کی لہر سے اس زندگانی میں
اگرمرنے سے پہلے بن پڑے تو جوش مرجائے
(جوش ملیح آبادی)

 

[عرفان سرور]

کسی حادثے کی خبر ہوئی تو فضا کی سانس اکھڑ گئی
کوئی اتفاق سے بچ گیا تو خیال تیری طرف گیا

ترے ہجر میں‌خور و خواب کا کئی دن سے ہے یہی سلسلہ
کوئی لقمہ ہاتھ سے گر پڑا تو خیال تیری طرف گیا

لیاقت علی عاصم

 

[عرفان سرور]

ورق تمام ہوا اور مد ح با قی ہے
سفینہ چاہئے اس بحرِبیکراں کے لئے
(غالب)

 

[عرفان سرور]

اُن مریضوں میں مرے عیسیٰ نے رکھا ہے مجھے
جن کے حق میں درد اچھا ہے دوا اچھی نہیں

 

[عرفان سرور]

یہ تری چشم فسون گر میں کمال اچھا ہے
ایک کا حال بُرا ایک کا حال اچھا ہے
(داغ)

 

[عرفان سرور]

دل مرا، آنکھ تری، دونوں ہیں بیمار مگر
ایک کا حال بُرا ایک کا حال اچھا ہے
(جلال)

 

[عرفان سرور]

وہ عیادت کا مرے آتے ہیں لو اور سنو
آج ہی خوبیء تقدیر سے حال اچھا ہے
(داغ)

 

[عرفان سرور]

موت کیوں پوچھے گی پھر آنکھ کے بیماروں کو
جب تمہیں دیکھ کے کہتے ہو کہ حال اچھا ہے
(جلال)

 

[کاشفی]

آئے جو مرے پاس تو منہ موڑ کے بیٹھے​

یہ آج نیا آپ نے دستور نکالا​

(شیخ قلندر بخش جراءت)​

 

[کاشفی]

دل ہی اُس کافر کا پتھر ہو تو کوئی کیا کرے​

ورنہ ایسی آہ سوزاں بے اثر میری نہیں​

(شیخ قلندر بخش جراءت)​

 

[کاشفی]

اب بھی دماغِ رفتہ ہمارا ہے عرش پر​

گو آسماں نے خاک میں ہم کو ملا دیا​

(میر تقی میر)​

 

[کاشفی]

یہ سُن کے نصف شب کو درِ میکدہ کھُلا
مانگی ہے اک بزرگِ تہجد گزار نے
(ریاض خیرآبادی)​

 

[کاشفی]

موت سے کس کو رستگاری ہے​

آج وہ، کل ہماری باری ہے​

(شوق لکھنوی)​

 

[کاشفی]

مرے ہی سامنے دامن اُٹھا کر ناز سے چلنا​

مجھ ہی سے پھر گلہ اُلٹا مرے چاکِ گریباں کا​

(امیر مینائی رحمتہ اللہ علیہ)​

 

[عرفان سرور]

مرے ہی سامنے دامن اُٹھا کر ناز سے چلنا​

مجھ ہی سے پھر گلہ اُلٹا مرے چاکِ گریباں کا​

(امیر مینائی رحمتہ اللہ علیہ)​

بہت خوب جناب کیا کہنے ہیں اس شعر کے

 

[عرفان سرور]

وہ ڈھل رہا ہے تو یہ بھی رنگت بدل رہی ہے
زمین سورج کی انگلیوں سے پھسل رہی ہے

 

[عرفان سرور]

دنیا تو ایک برف کی سل سے سوا نہ تھی
پہنچی ذرا جو آنچ تو دنیا تمام شد

 

[عرفان سرور]

مشاہداتء حوادث میں مبتلا تھی نگاہ
تری ادا ، تری انگڑائیوں کو شکوہ تھا

 

[عرفان سرور]

وہ جبر تھا کہ میرے خواب تک نہ تھے آزاد
مرے خیال کی تنہائیوں کو شکوہ تھا