آج کا شعر - 5

[عینی شاہ]

ارشاد کیا جائے ۔۔۔ ۔۔۔ ۔۔۔ ۔صرف شعر

لیں منے بھائی ایک ہی شعر آتا تھا ۔۔وہ عرض کیا ہے کہ ۔۔
یاران جہاں کہتے ہیں کشمیر ہے جنت
جنت کسی کافر کو ملی ہے نا ملے گی ۔

 

[محمد بلال اعظم]

بری بات ہے ۔ یہ لڑی اشعار کے لئے۔ محفل کا ساتواں سنہرا اصول یاد کیجے۔

ان میں آپ کے کمنٹس بھی شامل ہیں۔

 

[عینی شاہ]

بری بات ہے ۔ یہ لڑی اشعار کے لئے۔ محفل کا ساتواں سنہرا اصول یاد کیجے۔

جی جی جا رہی ہوں سوری فار ڈسٹربنس۔

 

[محمد بلال اعظم]

لیں منے بھائی ایک ہی شعر آتا تھا ۔۔وہ عرض کیا ہے کہ ۔۔
یاران جہاں کہتے ہیں کشمیر ہے جنت
جنت کسی کافر کو ملی ہے نا ملے گی ۔

عرض کیا ہے کہ

ابھی سے برف اُلجھنے لگی ہے بالوں سے
ابھی تو قرضِ ماہ و سال بھی اُتارا نہیں

افتخار عارف

 

[محمداحمد]

جی جی جا رہی ہوں سوری فار ڈسٹربنس۔

ارے ہم جانے کو تو نہیں کہا۔۔۔! بس ہر دھاگے میں موضوع کی مناسبت سے بات ہوتی رہے تو اچھا رہتا ہے۔

شعر لکھیے اور نہیں تو شعر پڑھیے اور داد دیجے۔

 

[محمداحمد]

ان میں آپ کے کمنٹس بھی شامل ہیں۔

جی! میں معذرت چاہتا ہوں۔

 

[محمداحمد]

ابھی تاروں سے کھیلو، چاند کی کرنوں سے اٹھلاؤ​

ملے گی اُس کے چہرے کی سحر آہستہ آہستہ ​

​

مصطفیٰ زیدی​

 

[شیزان]

مال و متاعِ درد زیادہ ہے اِن دِنوں​

لُٹنے کا اپنا پھر سے اِرادہ ہے اِن دِنوں​

​

خلوت میں اپنے آپ کو دُہرا رہا ہوں میں​

گزرے ہوئے دنوں کا اعادہ ہے اِن دِنوں​

​

باقی احمد پوری​

 

[عرفان سرور]

اب یہاں کوئی نہیں ہے، کس سے باتیں کیجیے،
یہ مگر چپ چاپ سی تصویر آتش دان پر.

شکیب جلالی

 

[محمداحمد]

دل گیا تھا تو یہ آنکھیں بھی کوئی لے جاتا​

میں بھلا ایک ہی تصویر کہاں تک دیکھوں​

​

احمد ندیم قاسمی​

 

[عرفان سرور]

مرے صحن_ فکر میں روشنی ہے گھٹی گھٹی،
کہیں تیرے بازو کی چوڑیوں میں خلا نہ ہو

اقبال رمیض

 

[عرفان سرور]

قصور وار بڑے آدمی کا بیٹا ہے،
نسیم اس کو یقینا" سزا نہیں ھو گی.

نسیم عباسی

 

[عرفان سرور]

کہیں سے ہاتھ آ جائے تو ہم کو بھی کوئی لا دے،
سنا ہے اس جہاں میں شادمانی، اب بھی ہوتی ہے.

اختر شیرانی

 

[محمداحمد]

قصور وار بڑے آدمی کا بیٹا ہے،
نسیم اس کو یقینا" سزا نہیں ھو گی.

نسیم عباسی

کہیں سے ہاتھ آ جائے تو ہم کو بھی کوئی لا دے،
سنا ہے اس جہاں میں شادمانی، اب بھی ہوتی ہے.

اختر شیرانی

بہت خوب۔۔۔!

 

[معاویہ وقاص]

ملے جس وقت تم مجھ کو یہ پوچھا میں نے یزداں سے​

ہمیں جنّت میں بھیجا ہے ؟ کہ جنّت سے نکالا ہے !!​

عبدالحمید عدم​

 

[معاویہ وقاص]

شامل ہوں کھیل میں تری تفریح کے لئے​

بازی تو کتنی دیر سے ہارا ہوا ہوں میں​

عبدالحمید عدم​

 

[معاویہ وقاص]

جس شے میں خامیاں تھیں چمکدار تھی عدم​

جس شے میں کوئی عیب نہیں تھا سیاہ تھی​

عبدالحمید عدم​

 

[عرفان سرور]

جس شے میں خامیاں تھیں چمکدار تھی عدم​

جس شے میں کوئی عیب نہیں تھا سیاہ تھی​

عبدالحمید عدم​

بہت خوب اچھا انتخاب ہے آپ کا

 

[معاویہ وقاص]

کر کر کے انتخاب عدم تھک چکا ہوں گو​

پھر بھی لگی ہوئی ہوس انتخاب ہے​

عبدالحمید عدم​

 

[معاویہ وقاص]

تو وہ شاعر ہے عدم جس کا تغزل سن کر​

غالب و میر کا انداز بیاں رقص میں ہے​

عبدالحمید عدم​