آج کا شعر - 5

[نیرنگ خیال]

شائد ابھی پہنچی نہ ہو باب قبول تک
ساقی ذرا سی اور کہ توبہ سفر میں ہے

 

[نیرنگ خیال]

لے کر اس پار نہ جائے گی جدا راہ کوئی
بھیڑ کے ساتھ ہی دلدل میں اترنا ہوگا

 

[حسان خان]

نہ چھوڑ تو کسی عالم میں راستی کہ یہ شے
عصا ہے پیر کو اور سیف ہے جواں کے لیے
(ذوق)

 

[حسان خان]

دشنامِ یار طبعِ حزیں پر گراں نہیں
اے ہم نشیں نزاکتِ آواز دیکھنا
(مومن)

 

[مدیحہ گیلانی]

دل خوں ہو چکا ہے جگر ہو چکا ہے خاک ۔۔۔۔۔
باقی ہوں میں، مجھے بھی کر اے تِیغ زن تمام ۔۔۔۔!
حسرت موہانی

 

[حسان خان]

رہے کیونکر نہ دل ہر دم نشانہ ناوکِ غم کا
کہ ہے میرا تولد ہفتمِ ماہِ محرم کا
(ناسخ)

 

[اوشو]

میں وہاں ہوں جہاں جہاں تم ہو
تم کرو گے کہاں کہاں سے گریز

 

[موجو]

میانِ عاشق و معشوق ہیچ حائل نیست
تو خود حجابِ خودی حافظ از میاں بر خیز
(حافظ شیرازی)

 

[حسان خان]

ِیا رب اداس سینے میں رہتا ہے دل بہت
مل جائے دل لگی کو کوئی دلربا مجھے
(مولوی محمد رستم علی خان ادیبؔ)

 

[حسان خان]

تھا ازل سے مجھ کو تا وقتِ ولادت خوابِ عیش
کھل گئیں آنکھیں مری شورِ مبارکباد سے
(ناسخ)

 

[محمد وارث]

تیرے ہر ذرّے پہ تا روزِ قیامت سجدہ ریز
ہم رہیں گے، اے زمینِ کوچہٴ جانانہ، ہم

احسان دانش

 

[السید کامل عباس الجعفري]

درمیان کچھ تو ہو
چاہے فاصلہ ہی سہی

فرحانہ صادق

 

[السید کامل عباس الجعفري]

پگھل گئے تو جہنم بجھا کے دَم لینگے
جلا کے بیٹھ گئے ہیں الاؤ برف کے لوگ

ادریس آزاد

 

[مدیحہ گیلانی]

اہل ِ جہاں ہیں سارے ترے جیتے جی تلک
پُوچھیں گے بھی نہ بات جہاں تُو عدم ہُوا
میر تقی میر

 

[محمد وارث]

کچھ حسن و عشق میں فرق نہیں، ہے بھی تو فقط رسوائی کا
تم ہو کہ گوارا کر نہ سکے، ہم ہیں کہ گوارا کرتے ہیں

استاد قمر جلالوی

 

[حسان خان]

ہے نہ کچھ دشمن کا کھٹکا اور نہ کچھ رہزن کا خوف
وجہِ راحت ہے مری بے ساز و سامانی مجھے
(حکیم عبدالعلی خان عابد بریلوی)

 

[حسان خان]

دیکھا ہے یک نگہ میں حقیقت کے ملک کوں
جب بے خودی کی راہ میں دل نے سفر کیا
(ولی دکنی)

 

[مدیحہ گیلانی]

ہے موجِ بحرِ عشق وہ طوفاں کہ الحفیظ
بے چارہ مشتِ خاک تھا انسان بہہ گیا
محمد ابراہیم ذوقؔ

 

[السید کامل عباس الجعفري]

کتاب جمہور کا اک اور باب ختم ہوا
خطاب ختم ہوا اک عذاب ختم ہوا

 

[معاویہ وقاص]

کسی جانب تو ہونا ہی پڑے گا
محبت درمیاں کا راستہ نہیں ہے

شاعر : نامعلوم