آج کا شعر - 5

[قرۃالعین اعوان]

تو مہرِ جہاں تاب ہے ،میں شبنمِ گریاں
ملنا بھی ستم تیرا،نہ ملنا بھی ستم ہے

 

[قرۃالعین اعوان]

حسرتِ ترکِ تمنّا بھی تمنّا نکلی
بڑھ گئی اور خلش ترکِ تمنّا کرکے

 

[نیرنگ خیال]

تو بھی دنیا کا فرد ہی نکلا
تو بھی مجھکو کہاں سمجھتا ہے

 

[کاشفی]

اللہ دیتا ہے عزّت بھی ذلّت بھی
جھوٹی شان میں کیا رکھّا ہے سچ بولو
(افتخار راغب)

 

[انیس الرحمن]

دعوہ بہت بڑا ہے ریاضی میں آپ کو​

طولِ شبِ فراق ذرا ناپ دیجئے​

 

[صائمہ شاہ]

یہ بھی نہیں کہ دستِ دعا تک نہیں گیا
میرا سوال---- خلقِ خدا تک نہیں گیا

 

[محمداحمد]

یوں نہ پڑھیے کہیں کہیں سے ہمیں​

ہم بھی انسان ہیں کتاب نہیں​

 

[عاطف بٹ]

واقعہ کل تو کوئی شہر میں ایسا نہ ہوا
یہ تو اخبار کے دفتر کی خبر لگتی ہے
(جانثار اختر)

 

[محمداحمد]

پسِ گردِ جادۂ درد نور کا قافلہ بھی تو دیکھتے​

جو دلوں سے ہو کے گزر رہا ہے وہ راستہ بھی تو دیکھتے​

یہ دھواں جو ہے یہ کہاں کا ہے وہ جو آگ تھی ہو کہاں کی تھی​

کبھی راویانِ خبر زدہ پسِ واقعہ بھی تو دیکھتے​

افتخار عارف​

​

 

[نیرنگ خیال]

اب سنورتے رہو بلا سے میری​

دل نے سرکار خودکشی کر لی​

 

[محمداحمد]

خود کشی بھی حرام ہے یعنی​

یہ بھی ممکن نہیں کہ مر جاؤ​

​

انور شعورؔ​

 

[نیلم]

گفتگو کیجئے که یه فطرت انساں هے شکیب
جالے لگ جاتے هیں جب بند مکاں هوتے هیں

 

[محمداحمد]

ہم تو جیسے وہاں کے تھے ہی نہیں​

بے اماں تھے، اماں کے تھے ہی نہیں​

​

اس گلی نے یہ سن کے صبر کیا​

جانے والے یہاں کے تھے ہی نہیں​

​

ان کو آندھی میں ہی بکھرنا تھا​

بال و پر آسماں کے تھے ہی نہیں​

​

ہم کہ ہیں تیری داستاں یکسر​

ہم تری داستاں کے تھے ہی نہیں​

​

اب ہمارا مکان کس کا تھا​

ہم کہ اپنے مکاں کے تھے ہی نہیں​

​

جون ایلیا​

​

​

 

[نیلم]

میں اور التجائے کرم ۔۔۔۔۔۔۔ آپ سے کروں؟
یہ بھیک اس کو دیجیے جس کا خدا نہ ہو

 

[جنید اقبال]

میں اور التجائے کرم ۔۔۔ ۔۔۔ ۔ آپ سے کروں؟
یہ بھیک اس کو دیجیے جس کا خدا نہ ہو

واہ

 

[محمداحمد]

نہ کر کسی پہ بھروسا کہ کشتیاں ڈوبیں​

خدا کے ہوتے ہوئے نا خدا کے ہوتے ہوئے​

 

[جنید اقبال]

نہ کر کسی پہ بھروسا کہ کشتیاں ڈوبیں
ایک راوی میں ڈوبی ایک چناب میں

 

[نیرنگ خیال]

نہ کر کسی پہ بھروسا کہ کشتیاں ڈوبیں
ایک راوی میں ڈوبی ایک چناب میں

یہ جھوٹ ہے جنید کے کشتیاں ڈوبیں
ریت میں تو چیونٹی بھی ڈوبا نہیں کرتی

 

[جنید اقبال]

بھائی ممکن ہو سکتا ہے آج کل بارشیں ہو رہی ہیں ناں

 

[نیرنگ خیال]

آج بھی یاد ہے اظہار محبت کا وہ پل​

کہ میری بات کی لکنت پہ وہ ہنستا جاتا​