آج کا شعر - 5

[صائمہ شاہ]

خدا کی شان وہ میرا تڑپنا دل لگی سمجھیں
کسی کی جان جاتی ہے کسی کا دل بہلتا ہے
اکبر الہٰ آبادی

 

[باباجی]

گر سیاہ بخت ہی ہونا تھا نصیبوں میں میرے
زُلف ہوتا یا تیرے رُخسار پہ میں تِل ہوتا

 

[نیرنگ خیال]

یہی آنا جانا ہے زندگی، کہیں دوستی کہیں اجنبی
یہی رشتہ کار ِ حیات ہے، کبھی قرب کا کبھی دور کا

ملے اس میں لوگ رواں دواں، کوئی بے وفا کوئی با وفا
کٹی عمر اپنی یہاں وہاں، کہیں دل لگا کہ نہیں لگا

 

[زبیر مرزا]

انجان سی راہوں پہ نکلے جو کبھی ہم
ہرگام پہ کھوئی ہوئی اک یاد ملی ہے

 

[زبیر مرزا]

ہم خستہ دل ہیں تجھ سے بھی نازک مزاج تر
تیوری چڑھائی تُو نے تو یاں جی نکل گیا

 

[نیرنگ خیال]

اور میرے پاس کیا ھے دینے کو؟
دیکھ کر تجھکو رؤے دیتا ھوں

(خدائے سخن میر تقی میر)

 

[قرۃالعین اعوان]

اے دردِ عشق !ہے گہرِ آب دار تو
نا محرموں میں دیکھ نا ہو آشکار تو!

 

[قرۃالعین اعوان]

عشق کے مضراب سے نغمئہ تارِ حیات
عشق سے نورِحیات،عشق سے نارِ حیات

 

[کاشفی]

یہ کیا مذاق فرشتوں کو آج سوجھا ہے
ہجومِ حشر میں لے آئے ہیں پلا کے مجھے

تمام عمر کے شکوے مٹائے جاتے ہیں
وہ دیکھتے ہیں دمِ نزع مُسکرا کے مجھے
(ریاض خیر آبادی)

 

[قرۃالعین اعوان]

اے ذوقِ طلب عشق کی منزل نہیں کوئی
کیا غم ہے جو منزل کا نشاں کچھ بھی نہیں ہے

کیفی جو شکستہ نہ ہو وہ شیشئہ دل کیا
جو درد نہ ہو راحتِ جاں کچھ بھی نہیں ہے

 

[نیرنگ خیال]

دل کی باتیں نہ کہہ سکا تجھ سے
تیرا شاعر غضب کا بزدل تھا

 

[کاشفی]

حسینوں کی بھری محفل ہو، ہم ہوں
ریاض اک چلبلا سا دل ہو، ہم ہوں
(ریاض خیرآبادی)

 

[نیرنگ خیال]

دم آخر تیرا دیوانہ تڑپا ہے کہ زنداں میں
پڑے ہیں جابجا ٹوٹی ہوئی زنجیر کے ٹکڑے

 

[قرۃالعین اعوان]

اچھّا ہے دل رہے یونہی نا کا مِ تمنّا
بنتے ہوئے دیکھا ہے محبّت کو ہوس بھی

 

[زبیر مرزا]

وہ بھی رودے گا اُسے حال سنائیں کیسے​

موم کاگھرہے چراغوں کوجلائیں کیسے​

ڈب ڈبائی ہوئی آنکھوں کاخیال آتاہے​

اُٹھہ کہ محفل سےتیری جائیں توجائیں کیسے​

 

[مدیحہ گیلانی]

سیف انداز بیاں رنگ بدل دیتا ہے
ورنہ دنیا میں کوئی بات نئی با ت نہیں ...

 

[نیرنگ خیال]

آج بھی گاؤں میں کچھ کچے مکانوں والے
اپنے ہمسائے کے گھر فاقہ نہیں ہونے دیتے

مجھکو جھکنے نہیں دیتا ہے ضرورت کا پہاڑ
میرے بچے مجھے بوڑھا نہیں ہونے دیتے

 

[قرۃالعین اعوان]

اب رنگِ التفات بھی ہے چشمِ ناز میں
اے دل سنبھل! یہ عشق کا نازک مقام ہے

 

[نیرنگ خیال]

آواز دے کر دیکھ لو شائد وہ مل ہی جائے
ورنہ یہ عمر بھر کا سفر رائیگاں تو ہے

 

[کاشفی]

رہنے کیا آئے تھے دُنیا میں امیر
سیر کرلی اور اپنے گھر چلے
(امیر مینائی)