آج کا شعر - 5

[صائمہ شاہ]

وہ اس کمال سے کھيلا تھا عشق کي بازي کہ​

ميں خود کو فاتح سمجھتا رہا مات ہونے تک​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ اس کمال سے کھیلا تھا عشق کی بازی
میں اپنی فتح سمجھتا تھا مات ھونے تک
تاجدار عادل

 

[محمد ساجد]

ہمکو اچھا نہیں لگتا کوئی ہمنام تیرا
کوئی تجھ سا ہو تو پھر نام بھی تجھ سا رکھے
احمد فراز

 

[محمد ساجد]

گر بازی عشق کی بازی ہے جو چاہے لگا دو در کیسا
گر جیت گئے تو کیا کہنا ہارے بھی تو بازی مات نہیں
فیض احمد فیض

 

[صائمہ شاہ]

اس شرط پہ کھیلوں گی میں پیار کی بازی
جیتوں تو تجھے پاوں ہاروں تو پیا تیری

 

[فرخ منظور]

اس شرط پہ کھیلوں گی میں پیار کی بازی
جیتوں تو تجھے پاوں ہاروں تو پیا تیری

شاعر پروین شاکر کا چوری شدہ شعر اصل شعر "میرا بائی" کا ہے۔

 

[محمد ساجد]

کہتے ہیں عشق نام کے گزرے ہیں اک بزرگ
ہم لوگ بھی مرید اسی سلسلے کے ہیں

 

[کاشفی]

ہوشیاری ہے فریبِ عاشقی کھانے کا نام​

عاشقی ہے بند آنکھیں کر کے لُٹ جانے کا نام​

​

قیس اور فرہاد نے تعظیم کا سجدہ کیا​

بزمِ وحشت میں جو آیا تیرے دیوانے کا نام​

​

سرفروشی عاشقی میں کامیابی کا ہے راز​

شمع کل روتی رہی سُن سُن کے پروانے کا نام​

​

خام کارِ عشق ہیں دلدادہء شہرت ریاض​

عاشقی ہے بندہ پرور گھُٹ کے مرجانے کا نام​

(ریاض خیرآبادی)​

 

[مہ جبین]

کس کو آنا تھا نہ جانے منتظر کس کا رہا
ایک ویراں سے دریچے میں دیا جلتا رہا
حزیں صدیقی

 

[مہ جبین]

یہ نفرتوں کی فصیلیں ، جہالتوں کے حصار
نہ رہ سکیں گے ہماری صدا کے رستے میں
حبیب جالب

 

[مہ جبین]

حسرت سی برستی ہے درو بام پہ ہر سو۔۔۔!
روتی ہوئی گلیاں ہیں سسکتے ہوئے گھر ہیں
حبیب جالب

 

[مہ جبین]

بک جائیں جو ہر شخص کے ہاتھوں سر بازار
ہم یوسف کنعاں ہیں نہ ہم لعل و گہر ہیں
حبیب جالب

 

[مہ جبین]

ہم لوگ ملیں گے تو محبت سے ملیں گے
ہم نزہت مہتاب ہیں ہم نور سحر ہیں
حبیب جالب

 

[محمداحمد]

کس کو آنا تھا نہ جانے منتظر کس کا رہا
ایک ویراں سے دریچے میں دیا جلتا رہا
حزیں صدیقی

نہ اس طرح کوئی آیا نہ کوئی آتا ہے
مگر وہ ہے کہ مسلسل دیئے جلاتا ہے

سلیم کوثر

 

[کاشفی]

خدا سے مانگ جو کچھ مانگنا ہو اے اکبر​

یہی وہ در ہے کہ ذلّت نہیں سوال کے بعد​

(اکبر الہ آبادی)​

 

[کاشفی]

جُوش اُس کو کہتے ہیں کہ جو پیری میں بھی رہے​

تقویٰ وہ ہے کہ جس کا اثر ہو جوان پر​

(اکبر الہ آبادی)​

 

[زبیر مرزا]

کچھ امتحانِ دستِ جفا کر چکے ہیں ہم
کچھ ان کی دسترس کا پتا کر چکے ہیں ہم
اب احتیاط کی کوئی صورت نہیں رہی
قاتل سے رسم و راہ سوا کر چکے ہیں ہم​

فیض احمد فیض​

 

[کاشفی]

مذہب کا ہو کیونکر علم و عمل، دل ہی نہیں بھائی ایک طرف​

کرکٹ کی کھلائی ایک طرف، کالج کی پڑھائی ایک طرف​

​

کیا ذوقِ عبادت ہو اُن کو، جو مس کے لبوں کے شیدا ہیں​

حلوائے بہشتی ایک طرف، ہوٹل کی مٹھائی ایک طرف​

(اکبر الہ آبادی)​

 

[کاشفی]

کیا کہیں اوروں کو یہ ایسے ہیں وہ ایسے ہیں​

سچ جو پوچھو تو ہمیں کون بہت اچھے ہیں​

​

جانتے ہیں کہ اجل سر پہ کھڑی ہے لیکن​

محو ہیں انجمنِ دہر میں خوش بیٹھے ہیں​

​

عقل حیران ہے پروانوں کی اس حالت پر​

شمع کو حس نہیں یہ جان دئے دیتے ہیں​

(اکبر الہ آبادی)​

 

[حسن]

رموزِ عشق و محبت سے میں نہیں واقف

رہی ہے اُس کی ضرورت مجھے ہوا کی طرح

(اختر حسین شیخ)

 

[کاشفی]

میں جو کہتا ہوں کہ مرتا ہوں تو فرماتے ہیں​

کارِ دنیا نہ رُکے گا ترے مرجانے سے​

(اکبر الہ آبادی)​