آج کا شعر - 5

[حسان خان]

ہو گئی اُس کی نظر جبکہ تلے سے اوپر
دونوں عالم نظر آئے تہ و بالا مجھ کو
(ناسخ)

 

[محمداحمد]

گو فلک پہ نہیں، پلک پہ سہی
دو ستارے ہیں جگمگائے ہوئے

انور شعور

 

[طارق شاہ]

قمر اچها نہ۔یں گیس۔و رُخِ روش۔ن پ۔ہ آ جانا
گ۔ہن ج۔ب ب۔ھی ل۔گا ہےچ۔ان۔د کی ت۔نویر بگڑی ہے

اُستاد قمرجلالوی

 

[طارق شاہ]

یہ نکمّا پن جمودِ دل کا اک انجام ہے
دل سے کوئی کام لے، دل کام کا ہو جائے گا

سیماب اکبرآبادی

 

[طارق شاہ]

اِس مصیبت کا، نہ ہے کوئی مداوا نہ علاج ​

کیا بُرا روگ ہے دل دے کے پریشاں ہونا ​

​

سیماب اکبرآبادی​

 

[غلام مجتبیٰ ملک]

کس لئے دیکھتی ہو آئینہ؟
تم تو خود سے بھی خوبصورت ہو

(جون ایلیاء)

 

[محمداحمد]

کس لئے دیکھتی ہو آئینہ؟
تم تو خود سے بھی خوبصورت ہو

(جون ایلیاء)

داستاں ختم ہونے والی ہے
تم مری آخری محبت ہو

جون ایلیا

 

[طارق شاہ]

فرقت میں اک تُجھی سے بہلتا ہے جی مِرا
دل سے تو اے تصوّرِ جاناں جُدا نہ ہو

مست گیاوی

 

[کاشفی]

دل کی بات لبوں پر لاکر اب تک ہم دکھ سہتے ہیں
ہم نے سنا تھا اس بستی میں دل والے بھی رہتے ہیں
(حبیب جالب)

 

[شیزان]

میری پونجی میرے اپنے ہی لہوُ کی تھی کشید
زندگی بھر کی کمائی میرے اپنے غم تھے

آنسوؤں نے عجب انداز میں سیراب کیا
کہیں بھیگے ہوُئے دامن، کہیں باطن نَم تھے


احمد ندیم قاسمی

 

[محمداحمد]

خوب ہے مشغلہ فرقت میں بہلنے کے لئے ​

سر ہے دُھننے کے لئے، ہاتھ ہیں ملنے کے لئے​

​

چیر کر سینہ مرا ایسی ادا سے بولے ​

لے جگہ کی ترے ارمان نکلنے کے لئے​

دوسرا شعر ٹھیک سے یاد نہیں سو کچھ "کاریگری" کرنی پڑی، اگر کسی دوست کے علم میں ہوتو تصیح کر دے۔

 

[کاشفی]

وطن سے اُلفت ہے جرم اپنا یہ جرم تازندگی کریں گے
ہے کس کی گردن پہ خونِ ناحق یہ فیصلہ لوگ ہی کریں گے
(حبیب جالب)

 

[صائمہ شاہ]

یا تو مجھ سے وہ چھڑا دے گا غزل گوئی ظفر
یا کسی دن صاحبِ دیوان کر دے گا مجھے

ظفر اقبال

 

[صائمہ شاہ]

بجز اپنے میسر ہے مجھے کیا
سو خود سے اپنی جیبیں بھر رہا ہوں

جون ایلیا

 

[عرفان سرور]

میخانۂ سخن کا گدائے قدیم ہوں
ہر رنگ کی شراب پیالے میں ہے مرے


سیماب اکبر آبادی

 

[عرفان سرور]

منہ لگایا تو وہ گستاخ ہوا
ورنہ ملتا تھا ادب سے پہلے

صابر ظفر

 

[عرفان سرور]

روز جاتے ہوئے اک اینٹ گرا جاتے ہیں
چند لوگوں سے مرا گھر نہیں دیکھا جاتا

نوشیروان عادل

 

[شیزان]

جنگ جاری رہے گی دریا سے​

پانیوں پر قدم جمانے تک​

​

جیتنے کی ہر ایک دل میں نجیب​

آس رہتی ہے ہار جانے تک​

​

نجیب احمد​

​

 

[چودھری ناصر حسین]

ناصر تیرا میت پرانا
تجھ کو یاد تو آتا ہوگا​

دیوان ناصر کاظمی​

 

[چودھری ناصر حسین]

امجد ہے یہی اب کہ کفن باندھ کے سر پر
اُس شہرِ ستم گار میں جائیں گے کسی دن
امجداسلام امجد