آج کا شعر - 5

[چودھری ناصر حسین]

خُود اپنے لیے بیٹھ کے سوچیں گے کِسی دِن​

یُوں ہے کہ تجھے بُھول کے دیکھیں گے کِسی دن​

امجد اسلام امجد​

 

[صائمہ شاہ]

وہ کیا قدر جانیں دلِ عاشقاں کی !
نہ عالم نہ فاضل نہ دانا نہ بینا
حسرت موہانی

 

[صائمہ شاہ]

جن میں بوے وفا نہیں ناصر
ایسے لوگوں سے ہم نہیں ملتے

ناصر کاظمی

 

[محمداحمد]

ہمیں تم سے نہ ملنے میں
کئی مجبوریاں ہوں گی
تمھیں یہ سوچنا تو تھا

 

[محمداحمد]

زندگی دل کا سکوں چاہتی ہے​

رونقِ شہرِ سبا کیا دیکھیں​

​

باقی صدیقی​

 

[محمداحمد]

لُطف صبح نشاط مجھ سے پوچھ​

میں نے شامِ الم گذاری ہے​

​

قابل اجمیری​

 

[محمداحمد]

زمانہ دوست ہے کس کس کو یاد رکھو گے​

خدا کرے کہ تمہیں مجھ سے دشمنی ہو جائے​

​

قابل اجمیری​

 

[صائمہ شاہ]

اُف ری گرمئی محبت کہ ترے سوختہ جاں
جس جگہ بیٹھ گئے آگ لگا کے اُٹھے
مومن

 

[صائمہ شاہ]

کتنا باوضع ہے خیال اس کا
بیکسی میں بھی آئے جاتا ہے
داغ دہلوی

 

[فرحت کیانی]

پہرے ہیں خیالات پہ تالے ہیں لبوں پہ
کہنے کو میرے پاؤں میں زنجیر نہیں ہے

 

[سید عاطف علی]

اب رخ پر بکھری رہتی ہیں دن چھوٹے لمبی راتیں ہیں
اف گرمی ء ذوق ِ جلوہ گری ۔ ۔وہ زلفیں بنانا بھول گئے

 

[شوکت پرویز]

نہ جانے کس لئے امّیدوار بیٹھا ہوں
اک ایسی راہ پہ جو تیری رہگزر بھی نہیں
(فیض)

 

[مدیحہ گیلانی]

کسی کے پاس حرفِ دلنشیں باقی نہیں ورنہ
قبول اب بھی دلوں کی خاک میں رد سے زیادہ ہے
___ (خورشید رضوی ) __

 

[حسان خان]

جس کو روا سمجھتے ہو تم اے جنابِ شیخ
مارا ہوا ہوں میں اسی پہلی نگاہ کا
(صفی اورنگ آبادی)

 

[سید شہزاد عالم]

لوٹ آتی ہے میری شب بھر کی عبادت خالی
جانے کس عرش پہ رہتا ہے خدا شام کے بعد
(فرحت عباس شاہ)

 

[صائمہ شاہ]

دیوارِ دل سے اتری ہیں تصویریں سینکڑوں
پس ماندہ خواہشوں سے اُسے اختلاف تھا
سلطان اختر

 

[حسان خان]

تمہاری ٹھوکریں یاد آئیں گی بہت پسِ مرگ
کسی کا پاؤں پڑے گا جو کاسۂ سر پر
(تعشق لکھنوی)

 

[نیلم]

پرچھائیوں کے شہر کی تنہائیاں نا پوچھ
اپنا شریک غم کوئی اپنے سوا نا تھا....

 

[کاشفی]

ہر ایک شخص کو انسان میں سمجھتا تھا
بہت ہی مہنگی پڑی ہے مجھے یہ سچائی
(رزّاق اثر شاہ آبادی - شاہ آباد، ہندوستان)

 

[صائمہ شاہ]

میں اسے ڈھونڈ رہا تھا کہ تلاش اپنی تھی
اک چمکتا ہوا جذبہ تھا کہ جعلی نکلا
ساقی فاروقی