آج کا شعر - 5

[فرخ منظور]

مجھ ایسے رند کو بھی تُو نے حشر میں یارب
بلا لیا ہے تو کچھ انتظام ہو جائے​

(نامعلوم)​

 

[کاشفی]

ناصحو! آپ میں جراتؔ نہ رہا​

اب سمجھ کر اسے سمجھائیے گا​

(جرات)​

 

[فرخ منظور]

حضرتِ زاہد ہماری چھیڑ کی عادت نہیں
گدگدی ہوتی ہے دل میں پارسا کو دیکھ کر
( داغؔ)​

 

[کاشفی]

اب نہیں کوئی بات خطرے کی
اِن سبھی کو سبھی سے خطرہ ہے
(جون ایلیا)​

 

[کاشفی]

لفظ پتھرا گئے ہیں ہونٹوں پر
لوگ کیا کہہ گئے ہیں کانوں میں
(امیر قزلباش)

 

[سلمان دانش جی]

نہ پھر کچھ ہو سکے گا چل پڑی کشتی جو دھارے پر
ابھی یہ سوچ لو تم، ساتھ میرے ڈوبنا ہو گا

 

[کیفی]

میری خموشی اگرچہ میرا بیاں نہیں
میں بے زباں سہی، تاریخ بے زباں نہیں
(سلیم کوثر)

 

[کاشفی]

حقیقت کو چھپایا ہم سے کیا کیا اس کے میک اپ نے
جسے لیلیٰ سمجھ بیٹھے تھے وہ لیلیٰ کی ماں نکلی
(راغب مرادآبادی)​

 

[سید لبید غزنوی]

ہم ہیں آفتاب کو ذرّوں میں سمونے والے
صدیوں بیٹھ کر رؤئیں گے اب ہمیں کھونے والے

 

[کاشفی]

تمہارے ساتھ ہوں، تم میں سے کوئی اک نہیں ہوں میں
بڑھالو فاصلے یہ میرے اپنے درمیاں اب بھی
(شاعر: مجھے معلوم نہیں، مقیم: کراچی)

 

[کاشفی]

یادوں کی میز پر کوئی تصویر چھوڑ دو
کب سے ہمارے ذہن کا کمرہ اُداس ہے
(شاعر: مجھے معلوم نہیں، مقیم: کراچی)

 

[مدیحہ گیلانی]

میں عکس کیسے اتاروں کہ تیرے چہرے پر
حیا کے رنگ ہیں ، تصویر میں نہیں آتے .. !
مجید اختر

 

[کاشفی]

وہ آدمی تھا کتنا بھلا، کتنا پُرخلوص
اس سے بھی آج لیجئے، ملاقات ہوگئی
(ندا فاضلی)

 

[کاشفی]

میرا ایمان علی ہے، میری پہچان علی ہے​

زمانے والوں سن لو میرا سلطان علی ہے​

 

[زونی]

اب اپنی حقیقت بھی "ساغر" بے ربط کہانی لگتی ھے
دنیا کی حقیقت کیا کہیئے، کچھ ئاد رہی کچھ بھول گئے

 

[کاشفی]

وہ کس جہاں کے ہوئے جو زمیں پہ بستے تھے
یہ آدمی تو نہیں، آدمی سے لگتے ہیں

اُتر رہا ہے زمیں پر یہ کس طرح کا عذاب
کہ گھُپ اندھیرے بھی اب روشنی سے لگتے ہیں
(افتخار امام)

 

[کاشفی]

نہ رہنماؤں کے حلقے میں لے چلو مجھ کو
میں بےادب ہوں ہنسی آگئی تو کیا ہوگا
۔۔۔۔
یہ فکر کر کہ ان آسودگی کے دھوکوں میں
تیری خودی کو جو موت آگئی تو کیا ہوگا
۔۔۔۔
جوان خون نئے کھیت کو مفید تو ہے
زمیں فصل کو خود کھا گئی تو کیا ہوگا
(احسان دانش)

 

[کاشفی]

رہ گئے کس جگہ نہیں معلوم!
منزلوں تک جو ساتھ ساتھ آئے!
(روحی دہلوی)

 

[کاشفی]

بات حق ہے تو پھر قبول کرو
یہ نہ دیکھو کہ کون کہتا ہے
(دواکر راہی)

 

[کاشفی]

وقت برباد کرنے والوں کو
وقت برباد کر کے چھوڑے گا
(دواکر راہی)