آج کا شعر - 5

[محمداحمد]

یہ رہا میں ۔۔۔ غائب تو خود ہو

 

[showbee]

سلسلے توڑ گیا وہ سبھی جاتے جاتے
ورنہ اتنے تو مراسم تھے کہ آتے جاتے

شکوہِ ظلمتِ شب سے تو کہیں بہتر تھا
اپنے حصے کی کوئی شمع جلاتے جاتے

کتنا آساں تھا ترے ہجر میں مرنا جاناں
پھر بھی اک عمر لگی جان سے جاتے جاتے

اُسکی وہ جانے اُسےپاسِ وفا تھا کہ نہ تھا
تم فراز اپنی طرف سے تو نبھاتے جاتے

سلسلے توڑ گیا وہ سبھی جاتے جاتے

 

[showbee]

ضبط کا عہد بھی ہے شوق کا پیمان بھی ہے
عہد و پیماں سے گزر جانے کو جی چاہتا ہے

درد اتنا ہے کہ ہر رگ میں ہے محشر برپا
اور سکوں ایسا کہ مر جانے کو جی چاہتا ہے

فیض احمد فیض​

ضبط کا عہد بھی ہے شوق کا پیمان بھی ہے
عہد و پیماں سے گزر جانے کو جی چاہتا ہے

درد اتنا ہے کہ ہر رگ میں ہے محشر برپا
اور سکوں ایسا کہ مر جانے کو جی چاہتا ہے

فیض احمد فیض​

یہ مجھے چین کیوں نہیں پڑتا
ایک ہی شخص تھا جہاں میں کیا
(جون ایلیا)

 

[showbee]

شاید مجھے کسی سے محبت نہیں ہوئی
لیکن یقین سب کو دِلاتا رہا ہوں میں

 

[شیزان]

ہم سے نہیں رشتہ بھی، ہم سے نہیں ملتا بھی
ہے پاس وہ بیٹھا بھی، دھوکہ ہو تو ایسا ہو

وہ بھی رہا بیگانہ، ہم نے بھی نہ پہچانا
ہاں اے دل دیوانہ ، اپنا ہو تو ایسا ہو​

 

[شیزان]

کوئی اور تو نہیں ہے پسِ خنجر آزمائی !
ہمیں قتل ہو رہے ہیں، ہمیں قتل کر رہے ہیں

عبید اللہ علیم​

 

[مغزل]

سنتے ہیں عشق نام کے گزرے ہیں اک بزرگ

ہم لوگ بھه مرید اسی سلسلے کے ہیں....

نامعلوم

 

[طاہر شیخ]

ہم عشق میں یوں بے باک ہوئے، سو بار گریباں چاک ہوئے
اب راہِ طلب میں خاک ہوئے، اس خاک کو تو برباد نہ کر

نامعلوم

 

[showbee]

کیسا دل اور اسکے غم جی
یوںہی باتیں بناتے ہیں ھم جی
ہار دنیا سے مان لی شاید
دل ہمارے میں اب نہی دم جی

 

[showbee]

بہت دور تک جانا مگر واپس لوٹ آنا
مجھے تم سے تمہی تک کے فاصلے اچھے لگتے ہیں

 

[showbee]

شاید مجھے کسی سے محبت نہیں ہوئی
لیکن یقین سب کو دلاتا رہا ہوں میں

اک حسن بے مثال کی تمثیل کے لیے
پرچھائیوں پہ رنگ گراتا رہا ہوں میں

اپنا مثالیہ مجھے اب تک نہ مل سکا
ذروں کو آفتاب بناتا رہا ہوں میں

کیا مل گیا ضمیر ہنر بیچ کر مجھے
اتنا کہ صرف کام چلاتا رہا ہوں میں

کل دوپہر عجیب سی اک بے دلی رہی
بس تیلیاں جلا کے بجھاتا رہا ہوں میں

 

[فلک شیر]

وہ دن گئے کہ آنکھیں دریا سی بہتیاں تھیں
سُوکھا پڑا ہے اب تو مدت سے یہ دوآبا
میر​

 

[فلک شیر]

اس جگہ بنک نہیں ہوتا تھا
اک کتابوں کی دکاں ہوتی تھی
منیر سیفی
​

 

[showbee]

یہ جو اصل میں ھم بولتے نہی ہیں نا
یہ دراصل ہم تم کو سنتے ھیں

 

[محمداحمد]

اس جگہ بنک نہیں ہوتا تھا
اک کتابوں کی دکاں ہوتی تھی
منیر سیفی
​

کیا خوب شعر ہے۔

ایک مکمل نوحہ ہے اس شعر میں۔

 

[صائمہ شاہ]

جمالیات کے پرچے میں آٹھ نو نمبر
فقط شگفتگی و دلکشی کےہوتے ہیں

انور شعور

 

[showbee]

اِس قحطِ دوستی میں کوئی مجھ سے کیا ملے
خود اپنے آپ کو بھی میسر نہیں ہوں میں!

 

[showbee]

نہ کرو بحث ہار جاؤ گی
حسن اتنی بڑی دلیل نہیں

 

[showbee]

جمالیات کے پرچے میں آٹھ نو نمبر
فقط شگفتگی و دلکشی کےہوتے ہیں

انور شعور

نہ کرو بحث ہار جاؤ گی
حسن اتنی بڑی دلیل نہیں

 

[showbee]

عالمِ محبت میں
اِک کمالِ وحشت میں
بےسبب رفاقت کا
دکھ اٹھانا پڑتا ہے
تتلیاں پکڑنے کو
دور جانا پڑتا ہے