آج کا شعر - 5

[کاشفی]

کیا ہنسی آتی ہے مجھ کو حضرتِ انسان پر
فعلِ بَد تو اُن سے ہو، لعنت کریں شیطان پر
(اِنشاء اللہ خاں "انشا")

 

[کاشفی]

شیخی اتنی نہ کر، اے شیخ، کہ رندانِ جہاں
اُنگلیوں پر تجھے چاہیں تو، نچا سکتے ہیں
(اِنشاء اللہ خاں "انشا")

 

[مدیحہ گیلانی]

بس ایک موتی سی چھب دیکھا کر، بس ایک میٹھی سی دھن سنا کر
ستارہ ٔ شام بن کے آیا، برنگ خواب سحر گیا وہ
ناصر کاظمی

 

[غ۔ن۔غ]

ہر ایک لفظ نہیں تیرے نام میں شامل
ہر ایک لفظ محبت کا استعارہ نہیں

تابشؔ

 

[غ۔ن۔غ]

یہ قربتیں بہت اذیتیں دیتی ہیں فراز
کسی سے واسطہ رکھنا تو دور کا رکھنا

 

[کاشفی]

جب تصّور میں بغیر علم آجاتے ہو تم
ایک نامعلوم عالم میں چلا جاتا ہوں میں
(ساغر نظامی)

 

[کاشفی]

محبت میں شکایت ہورہی ہے
یہ کیوں توہینِ الفت ہورہی ہے

بس اب شکوہ کی اصلیّت نہ پوچھو
مجھے خود بھی ندامت ہورہی ہے

زمانے میں بہت کافر ہیں ساغر
مجھ ہی کو کیوں نصیحت ہورہی ہے
(ساغر نظامی)

 

[مدیحہ گیلانی]

موسیٰ سے کیف بادۂ توحید کا نہ پوچھ
لکنت زباں میں آ گئی جس کے سرور سے
سالکؔ

 

[محمداحمد]

گھر میں تو اب کیا رکھا ہے، ویسے آؤ تلاش کریں
شاید کوئی خواب پڑا ہو، اِدھر اُدھر کسی کونے میں

رئیس فروغ

 

[غ۔ن۔غ]

روز ہے دردِ محبت کا نرالا انداز
روز دل میں تری تصویر بدل جاتی ہے

فانی بدایونی

 

[غ۔ن۔غ]

عجیب لوگ ہیں میری تلاش میں مجھ کو
وہاں پہ ڈھونڈ رہے ہیں جہاں نہیں ہوں میں

راحت اندوری

 

[محمداحمد]

اسلم بڑے وقار سے ڈگری وصول کی
اور اُس کے بعد شہر میں خوانچہ لگا لیا

اسلم کولسری

 

[غ۔ن۔غ]

اسلم بڑے وقار سے ڈگری وصول کی
اور اُس کے بعد شہر میں خوانچہ لگا لیا

اسلم کولسری

کوئی ریٹنگ نہیں ملی جو اس شعر کا حق ادا کر سکتی۔۔۔۔۔۔
کوئی بھی نہیں ۔ ۔ ۔بس صرف ایک گہری سوچ ایک گہرا دکھ اور خاموش زبان ۔ ۔ ۔ ۔

غمِ حیات سے بے شک ہے خود کشی آسان
مگر جو موت بھی شرما گئی تو کیا ہوگا
احسان دانش

 

[محمداحمد]

کوئی ریٹنگ نہیں ملی جو اس شعر کا حق ادا کر سکتی۔۔۔ ۔۔۔
کوئی بھی نہیں ۔ ۔ ۔بس صرف ایک گہری سوچ ایک گہرا دکھ اور خاموش زبان ۔ ۔ ۔ ۔

غمِ حیات سے بے شک ہے خود کشی آسان
مگر جو موت بھی شرما گئی تو کیا ہوگا
احسان دانش

واقعی ! یہ ایک بہت بڑا المیہ ہے جسے شاعر نے محض دو لائنز میں لکھ دیا ہے۔

احسان دانش کا شعر بھی لاجواب ہے۔

ہمارے مغل بھیا کہاں ہیں آج کل؟

 

[جاسمن]

جس پیڑ کی چھاؤں بھی لگے دھوپ کی مانند
اس پیڑ پہ پنچھی بھی بسیرا نہیں کرتے

 

[خالد محمود چوہدری]

اے وقت کے لقمان! ہے کوئی میرا علاج ؟
مجھ کو میرے خلوص نے کئی بار ڈس لیا

 

[جاسمن]

عدم خلوص کے بندوں میں ایک خامی ہے
ستم ظریف بڑے جلد باز ہوتے ہیں

 

[خالد محمود چوہدری]

وفا میں اب یہ ہنر اختیار کرنا ہے
وہ سچ کہے نہ کہے اعتبار کرنا ہے

 

[جاسمن]

آگہی کا عذاب ڈس لے گا
زندگی بھر کتاب سے بچنا
سارے پھولوں کا تذکرہ کر کے
اُس کا ذکرِ گلاب سے بچنا

 

[جاسمن]

وہ اور ہوں گے کہ جن کو امجد نئے مناظرکی چاہ ہو گی
میں اُس کے چہرے کو دیکھتا ہوں،میں اُس کے چہرے کو دیکھتا تھا