آج کا شعر - 5

[راجہ صاحب]

مجھ سے مت کہہ "تُو ہمیں کہتا تھا اپنی زندگی"
زندگی سے بھی مرا جی اِن دنوں بیزار ہے

(غالب)

 

[محمداحمد]

زندگی کس طرح بسر ہو گی
دل نہیں لگ رہا محبت میں

جون ایلیا

 

[راجہ صاحب]

چمن میں گل نے جو کل دعویِ جمال کیا
جمالِ یار نے منہ اُس کا خوب لال کیا
(میر)

 

[محمداحمد]

اللہ رے حسنِ یار کی خوبی کہ خود بہ خود
رنگینیوں میں ڈوب گیا پیرہن تمام

 

[راجہ صاحب]

لیتا ہوں مکتبِ غمِ دل میں سبق ہنوز
لیکن یہی کہ 'رفت' گیا اور 'بود' تھا

(غالب)

 

[راجہ صاحب]

آنکھ کی تصویر سرنامے پہ کھینچی ہے کہ تا
تجھ پہ کُھل جاوے کہ اِس کو حسرتِ دیدار ہے

(غالب)

 

[محمداحمد]

سرمہء مفت نظر ہوں، مری قیمت یہ ہے
کہ رہے چشمِ خریدار پہ احساں میرا

غالب

 

[راجہ صاحب]

تالیفِ نسخہ ہائے وفا کر رہا تھا میں
مجموعۂ خیال ابھی فرد فرد تھا

(غالب)

 

[محمداحمد]

ہم نے وفا کے نام پر کارِ وفا نہیں کیا
خود کو ہلاک کر لیا، خود کو فدا نہیں کیا

جون ایلیا

 

[حسن]

وہی میں ہوں ، وہی ہے تیرے غم کی کار فرمائی
کبھی تنہائی میں محفل ، کبھی محفل میں تنہائی

 

[راجہ صاحب]

کیوں کر نہ مصلحت کا مصلّہ لپیٹ دیں
ہر آدمی خدا ہو تو کیا چُپ رہے کوئی
لیاقت علی عاصم

 

[محمد وارث]

آواز کو تو کون سمجھتا کہ دُور دُور
خامشیوں کا درد شناسا نہیں ملا

مصطفٰی زیدی

 

[راجہ صاحب]

اسد بسمل ہے کس انداز کا، قاتل سے کہتا ہے
“تو مشقِ ناز کر، خونِ دو عالم میری گردن پر“
غالب

 

[کاشفی]

اچھا ہوا محفل میں مجروح نہ کچھ بولا​

وہ حال اگر کہتا تو کس سے سُنا جاتا​

(میر مہدی مجروح)​

 

[کاشفی]

بپا محشر میں ہے اک تازہ محشر​

رُخِ جاناں سے پردہ اُٹھ گیا کیا​

(میر مہدی مجروح)​

 

[کاشفی]

ہم کو اُس سے اُمید اُلفت ہے​

جو نہیں جانتا ، ہے کیا اخلاص​

(میر مہدی مجروح)​

 

[حسن]

کون و مکاں پہ جاری ہے انوار کا نزول
عالم ہے خوش کہ آتا ہے اب آخری رسول (ص)
"17 ربیع الاول"

 

[غ۔ن۔غ]

زبانِ زدِ عام ہونے لگی ہیں
بہت ساری باتیں ہماری تمھاری
شبِ ہجر اپنی مِرے نام کر دو
شبِ وصل ساری کی ساری تمھاری

 

[پپو]

دل سے وصالِ یار کا ارمان بھی گیا
دیکھا جو گھر اداس تو مہمان بھی گیا​

 

[کاشفی]

غضب میں، قہر میں، جور و جفا میں​

مزا ملتا ہے اُن کی ہر ادا میں​

(میر مہدی مجروح)​