آج کا شعر - 5

[showbee]

تو پھر آپ نے باتوں کے جال میں بھنسایا ہے۔۔۔۔ہاہاہا۔۔

نہ جی نہ

 

[ادب دوست]

تم میرا دکھ بانٹ رہی ہو اور میں دل میں شرمندہ ہوں

اپنے جھوٹے دکھ سے تم کوکب تک دکھ پہنچاؤں گا

تم تو وفا میں سرگرداں ہو شوق میں رقصاں رہتی ہو

مجھ کو زوالِ شوق کا غم ہے میں پاگل ہو جاؤں گا

جیت کے مجھ کو خوش مت ہونا میں تو اک پچھتاوا ہوں

کھوؤں گا ، کڑھتا رہوں گا ، پاؤں گا ،پچھتاؤں گا

عہدِ رفاقت ٹھیک ہے لیکن مجھ کو ایسالگتا ہے

تم میرے ساتھ رہو گی میں تنہا رہ جاؤں گا

شام کہ اکثر بیٹھے بیٹھے دل کچھ ڈوبنے لگتا ہے

تم مجھ کو اتنا نہ چاہوں میں شاید مر جاؤں گا

عشق کسی منزل میں آ کر اتنا بھی بے فکر نہ رہو

اب بستر پر لیٹوں گا میں لیٹتے ہی سو جاؤں گا

یہ کس کا کلام ہے جناب ؟

 

[showbee]

یہ کس کا کلام ہے جناب ؟

جون ایلیا

 

[ادب دوست]

جون ایلیا

شکریہ
کسی کسی شعر میں ٹائپو ہے شائد

 

[showbee]

خواب کی طرح بکھر جانے کو جی چاہتا ہے
ایسی تنہائی کہ مر جانے کو جی چاہتا ہے
گھر کی وحشت سے لرزتا ہوں مگر جانے کیوں
شام ہوتی ہے تو گھر جانے کو جی چاہتا ہے
ڈوب جاؤں تو کوئی موج نشاں تک نہ بتائے
ایسی ندی میں اتر جانے کو جی چاہتا ہے
کبھی مل جائے تو رستے کی تھکن جاگ پڑے
ایسی منزل سے گزر جانے کو جی چاہتا ہے
وہی پیماں جو کبھی جی کو خوش آیا تھا بہت
اُسی پیماں سے مکر جانے کو جی چاہتا ہے

 

[showbee]

جب آنکھ میں خواب دمکتے تھے
جب دل میں داغ چمکتے تھے
جب پلکیں شہر کے رستوں میں
اشکوں کا نور لٹاتی تھیں،
جب سانسیں اجلے چہروں کی
تن من میں پھول سجاتی تھیں
جب چاند کی رم جھم کرنوں سے
سوچوں میں بھنور پڑ جاتے تھے
جب ایک تلاطم رہتا تھا !
اپنے بے انت خیالوں میں
ہر عہد نبھانے کی قسمیں
خط، خون سے لکھنے کی رسمیں
جب عام تھیں ہم دل والوں میں
اب اپنی اجڑی آنکھوں میں
جتنی روشن سی راتیں ہیں،
اس عمر کی سب سوغاتیں ہیں
جس عمر کے خواب خیال ہوئے
وہ پچھلی عمر تھی بیت گئی
وہ عمر بتائے سال ہوئے
اب اپنی دید کے رستے میں
کچھ رنگ ہے گزرے لمحوں کا
کچھ اشکوں کی باراتیں ہیں،
کچھ بھولے بسرے چہرے ہیں
کچھ یادوں کی برساتیں ہیں
پچھلے عشق کی باتیں ہیں

 

[showbee]

دلوں میں دُوریاں اب تک پرانی تلخیوں کی ہیں
مرے پاؤں میں زنجیریں مری مجبوریوں کی ہیں
کسی پتھر کے تکیئے ہی پہ رکھ کر سر کو سو جاؤں
لہو کی ڈوریاں آنکھوںمیں شب بیداریوں کی ہیں
کہیں چہروں کی رعنائی کو فاقے چاٹ جاتے ہیں
کہیں فرمائشیں گھر میں کھنکتی چوڑیوں کی ہیں
بناؤں کون سی تصویر کاغذ پر، کہ آنکھوں میں
ابھی تک صورتیں رقصاں مرے ہم جولیوں کی ہیں
کمر خم کھا گئی جن سے، حریصانِ جہاں دیکھو
لکیریں پشت پر قائم ابھی ان بوریوں کی ہیں
صباؔ اُن انگلیوں سے پوچھ لذّت سوئی چبھنے کی
خریداروں میں تعریفیں کشیدہ کاریوں کی ہیں

 

[showbee]

تِنک کنکری پڑت نین میں
نین ہوت بے چین
اُن نینن میں چین کہاں
جن نینن میں نین

 

[showbee]

میرے پاس اتنے سوال تھے میری عمر سے نہ سمٹ سکے
تیرے پاس جتنے جواب تھے تیری اِک نگاہ میں آ گئے

 

[showbee]

ثبات بحر جہاں میں اپنا فقط مثال حباب دیکھا
نہ جوش دیکھا نہ شور دیکھا نہ موج دیکھی نہ آب دیکھا

ہماری آنکھوں نے بھی تماشا عجب عجب انتخاب دیکھا
برائی دیکھی بھلائی دیکھی عذاب دیکھا ثواب دیکھا

نہ دل ہی ٹھہر ا نہ آنکھ جھپکی نہ چین پایا نہ خواب آیا
خدا دکھائے نہ دشمنوں کو جو دوستی میں عذاب دیکھا

 

[showbee]

اتنی خاموشی کیوں رہتی ہے ہر وقت یہاں

 

[showbee]

کتنے برسوں کا سفر خاک ہوا
اُس نےجب پوچھا، کیسے آنا ہوا

 

[امین عاصم]

صحن غربت میں قضا دیر سے مت آیا کر
خرچ تدفین کا لگ جاتا ہے بیماری پر

جون ایلیا

محترم عرفان سرور صاحب
آپ نے جو شعر درج کیا ہے ایک تو غلط ہے دوسرا یہ شعر جون ایلیا کا بھی نہیں ہے
درست شعر یوں ہے
خرچ تدفین کا بیماری پہ ہو جاتا ہے
صحن ِ غربت میں قضا دیر سے مت آیا کر
شاعر : شوکت رضا شوکت ، ملتان

 

[showbee]

آگہی! مُجھ کو کھا گئی ورنہ
میں نےجینا تھا، اپنے مرنے تک

 

[showbee]

دل ملے نہ ملے
ہاتھ ملاتے رہیئے

 

[showbee]

سامنے ہو کے دل نشیں ھوتا
تو بھی اے جان ِ جاں یہیں ھوتا

تم بھی اکثر کہیں نہیں ہوتے
میں بھی اکثر کہیں نہیں ھوتا

دل سے بس ایک بات کہہ دیجیؤ
دل کا چاہا ہؤا نہیں ھوتا

تو قیامت کا بے مروت ہے
میں تیرا ہم نشیں نہیں ھوتا

کوئی بھی دل رُبا ہو دلبر ہو
دل سے بڑھ کر حسِیں نہیں ھوتا

تم نہیں چاہتے میرا ھونا
چلو اچھا ہے ، میں نہیں ھوتا

جونؔ آغاز ِ مئے گُساری میں
نشہ ھوتا ہے، پھر نہیں ھوتا

 

[نظام الدین]

سب کچھ خدا سے مانگ لیا تم کو مانگ کر
اٹھتے نہیں ہیں ہاتھ مرے اس دعا کے بعد
(آغا حشر کاشمیری)

 

[showbee]

نیتِ شوق بھر نہ جائے کہیں
تو بھی دل سے اُتر نہ جائے کہیں

آج دیکھا ہے تجھ کو دیر کے بعد
آج کا دن گزر نہ جائے کہیں

نہ مِلا کر اُداس لوگوں سے
حُسن تیرا بِکھر نہ جائے کہیں

 

[showbee]

اتنی خاموشی کیوں رہتی ہے یہاں ۔ ۔ ۔۔ ۔ ۔

 

[ادب دوست]

اتنا خاموش جو پڑا ہے ابھی
یہ کبھی آرزو کا جنگل تھا