آج کا شعر - 5

[کاشفی]

بلائیں لے رہا ہوں اس زمیں کے ذرّے ذرّے کی​

لُٹا تھا جس جگہ راہ وفا میں کارواں میرا​

(مرزا کاظم حسین محشر لکھنوی)​

 

[کاشفی]

زورِ نظر سے خودبخود بند نقاب کھُل گئے​

حوصلہ چشمِ شوق کا ہم نے انہیں دکھا دیا​

(مرزا کاظم حسین محشر لکھنوی)​

 

[کاشفی]

دے کے ساغر مجھے کس لطف سے ساقی نے کہا​

"دیکھتے جاؤ ابھی ہم تمہیں کیا دیتے ہیں"​

(مرزا کاظم حسین محشر لکھنوی)​

 

[کاشفی]

اُٹھے کبھی گھبرا کے تو میخانے میں ہو آئے​

پی آئے تو پھر بیٹھ رہے یادِ خدا میں​

(ریاض احمد ریاض خیرآبادی)​

 

[کاشفی]

توبہ سے ہماری بوتل اچھی​

جب ٹوٹی ہے جام ہوگئی ہے​

(ریاض احمد ریاض خیرآبادی)​

 

[کاشفی]

محفلِ مئے میں ہیں زاہد کے فرشتے بھی شریک​

یہ تکلف تو نہ تھے بزم میں ہم سے پہلے​

(ریاض احمد ریاض خیرآبادی)​

 

[کاشفی]

میں سادہ لوح واقف رسمِ بتاں نہ تھا​

اقرارِ عشق کر کے گنہگار ہوگیا​

(رضا علی وحشت)​

 

[کاشفی]

شومیء عشق کہ ہم ہوگئے رسوائے جہاں​

خوبیء حسن کہ سب آپ کو پہچان گئے​

(رضا علی وحشت)​

 

[کاشفی]

درد سا اُٹھ کے نہ رہ جائے کہیں دل کے قریب​

میری کشتی نہ کہیں غرق ہو ساحل کے قریب​

(ہادی مچھلی شہری)​

 

[کاشفی]

جو سینے میں دل ہے تو بارِ محبت​

اُٹھے یا نہ اُٹھّے، اُٹھانا پڑے گا​

(آرزو لکھنوی)​

​

 

[عرفان سرور]

بہت خوب کاشفی صاحب ۔۔ کیا میں بھی یہاں کُچھھ پوسٹ کر سکتا ہوں؟؟؟
اور یہاں کیسے شعر پوسٹ کرنے ہیں؟؟؟؟؟

 

[کاشفی]

بہت خوب کاشفی صاحب ۔۔ کیا میں بھی یہاں کُچھھ پوسٹ کر سکتا ہوں؟؟؟
اور یہاں کیسے شعر پوسٹ کرنے ہیں؟؟؟؟؟

شکریہ عرفان صاحب!۔ بالکل آپ یہاں پوسٹ کریں۔۔ میں تو کافی دیر سے اس انتظار میں ہوں کہ اہلِ سخن یہاں اشعار پوسٹ کریں۔۔ آپ کا ذوق اعلیٰ ہے اس لیئے مجھے اُمید ہے کہ آپ اچھے اشعار ہی پوسٹ کریں گے۔۔

 

[عرفان سرور]

جب کہہ کے ریاض اُسنے سر بزم پُکارا
بن بن کے کئی لوگ میرے نام کے اُٹھے۔۔۔!
ریاض خیرآبادی

 

[عرفان سرور]

آئے وہ کیوں اس آنے سے حاصل ہی کیا ہوا
چُپ تھوڑی دیر بیٹھے،اُٹھے گھر چلے گئے۔۔۔!
امیر مینائی

 

[عرفان سرور]

پاک رکھا پاک دامن سے حساب
بوسے بھی گن کے دئیے گن کے لیئے۔۔۔!
امیر مینائی

 

[عرفان سرور]

کتنی دلکش ہو تم کتنا دل جُو ہوں میں
کیا ستم ہے کے ہم لوگ مر جائینگے۔۔۔!
جون ایلیاء

 

[کاشفی]

اس نے ہم سے سنی نہ شوق کی بات​

ہنس کے پوچھا یہ کس زباں میں ہے​

(حسرت موہانی)​

 

[محب علوی]

وار اس قدر شدید کہ دشمن ہی کر سکے ​

چہرہ مگر ضرور کسی آشنا کا تھا​

 

[عرفان سرور]

جواں یوتے ہی وہ تو اور ہی کچھھ ہوگئی اے دل
کہاں کی پاک بازی؟ ہم بھی اب نیت بدلتے ہیں۔۔۔!

 

[عرفان سرور]

ندیم کھیل رہا ہوں پُرانی یادوں سے
یہی تو آخری کوشش ہے بھُول جانے کی۔۔۔!