آج کا شعر - 5

[کاشفی]

قدم اُٹھے تو عجب دل گداز منظر تھا​

میں آپ اپنے لیئے راستے کا پتھر تھا​

(مشفق خواجہ - عبدالحئی)​

 

[کاشفی]

یہ کوئی دل تو نہیں ہے کہ ٹھہر جائے گا​

وقت اک خواب رواں ہے سو گزر جائے گا​

(مشفق خواجہ - عبدالحئی)​

 

[کاشفی]

یہی تعبیر ہے خواب ِدلِ سودائی کی​

زندگی رات ہے اور رات بھی تنہائی کی​

(مشفق خواجہ - عبدالحئی)​

 

[کاشفی]

یہی نہیں کہ وہ بے تاب و بے قرار گیا​

مری رگوں میں بھی اک زہر سا اُتار گیا​

​

بجھے ہوئے درو دیوار دیکھنے والو​

اسے بھی دیکھو جو اک عمر یاں گزار گیا​

(شاعر: مجھے معلوم نہیں)​

 

[کاشفی]

دل میں سما گئی ہیں قیامت کی شوخیاں​

دوچار دن رہا تھا کسی کی نگاہ میں​

(داغ دہلوی رحمتہ اللہ علیہ)​

 

[کاشفی]

حیا نے روک لیا، جذبِ دل نے کھینچ لیا​

چلے وہ تیر کی صورت کھِنچے کماں کی طرح​

​

جھکی ہی جاتی ہے کچھ خودبخود حیا سے وہ آنکھ​

گری ہی جاتی ہے بیمار ناتواں کی طرح​

​

ادائے مطلب دل ہم سے سیکھ جائے کوئی​

انہیں سنا ہی دیا حال داستاں کی طرح​

(داغ دہلوی رحمتہ اللہ علیہ)​

 

[کاشفی]

مرے سوال کے معنی وہ مجھ سے کہہ دیتے​

مگر سوال کا میرے کوئی جواب نہ تھا​

​

نگاہ شوق پہ الزام بے قراری کا​

تمہارے برقِ تجلی کو اضطراب نہ تھا​

​

وہ جب چلے تو قیامت بپا تھی چاروں طرف​

ٹھہر گئے تو زمانے کو انقلاب نہ تھا​

(داغ دہلوی رحمتہ اللہ علیہ)​

 

[کاشفی]

جذبہء شوق کدھر کو لئے جاتا ہے مجھے​

پردہء راز سے کیا تم نے پکارا ہے مجھے؟​

(حسرت موہانی)​

 

[کاشفی]

نہ مانگ زاہد ناداں، ذرا سمجھ تو سہی​

شکایتیں ہیں یہ کس کی دعا کے پردے میں​

(مائل دہلوی)​

 

[کاشفی]

بہت خجل ہے ترے درد سے دعا میری​

یہ خوف ہے کہ نہ سن لے کہیں خدا میری​

(حسرت)​

 

[کاشفی]

کسی کی خاطر نازک کا آگیا ہے خیال​

دعائیں مانگ رہا ہوں دعا قبول نہ ہو​

(جگر مراد آبادی)​

 

[کاشفی]

گر تجھ کو ہے یقین اجابت دعا نہ مانگ​

یعنی بغیر یک دل بے مدعا نہ مانگ​

(غالب رحمتہ اللہ علیہ)​

 

[محمداحمد]

بہت خوب کاشفی بھائی بہت عمدہ انتخاب پیش کیا ہے آپ نے۔

 

[محمداحمد]

شعر دراصل ہیں وہی حسرت
سنتے ہی دل میں جو اُتر جائیں

 

[کاشفی]

آج کل بیقرار ہیں ہم بھی​

بیٹھ جا چلتے ہار ہیں ہم بھی​

​

منع گریہ نہ کر تو اے ناصح​

اس میں بے اختیار ہیں ہم بھی​

(میر تقی میر)​

 

[کاشفی]

چلے بھی آؤ، وہ ہے قبرِ فانی، دیکھتے جاؤ​

تم اپنے مرنے والے کی نشانی دیکھتے جاؤ​

​

سنے جاتے نہ تھے تم سے مرے دن رات کے شکوے​

کفن سرکاؤ میری بے زبانی دیکھتے جاؤ​

​

وہ اُٹھا شور ماتم آخری دیدار میت پر​

اب اُٹھا چاہتی ہے نعش فانی دیکھتے جاؤ​

(فانی بدایونی)​

 

[کاشفی]

وہ اُدھر، رُخ اِدھر ہے میت کا​

لوگ فانی کو قبلہ رو تو کریں​

(فانی بدایونی)​

 

[کاشفی]

حور پر آنکھ نہ ڈالے کبھی شیدا تیرا​

سب سے بیگانہ ہے اے دوست شناسا تیرا​

​

دیدِ لیلیٰ کے لئے دیدہء مجنوں ہے ضرور​

میری آنکھوں سے کوئی دیکھے تماشا تیرا​

(رند لکھنوی)​

 

[کاشفی]

چمن میں جو کل جا کے دیکھا گلوں کو​

نہ تیری سی رنگت نہ تیری سی بو ہے​

(رند لکھنوی)​

 

[کاشفی]

سُنتا ہی نہیں وہ بُتِ گمراہ کسی کی​

ایسا نہ ہو سُن لے کہیں اللہ کسی کی​

(رند لکھنوی)​