آپ کے پسندیدہ اشعار!

[اوشو]

اجنبی شہر کہاں شام بتانے جائیں
کوئی برہم بھی نہیں کس کو منانے جائیں

 

[محمد عدنان اکبری نقیبی]

لحد میں کیوں نہ جاؤں منہ چھپائے
بھری محفل سے اٹھوایا گیا ہوں

شاد عظیم آبادی

 

[محمد عدنان اکبری نقیبی]

عکس کس چیز کا آئینۂ حیرت میں نہیں
تیری صورت میں ہے کیا جو میری صورت میں نہیں

اصغر گونڈوی

 

[فاخر]

تخیل ،تغزل ، تکلم ،ترنم
یہ شاعرى ، یہ ہے تیرا تصدق

 

[محمد عدنان اکبری نقیبی]

یہ دشت وہ ہے جہاں راستہ نہیں ملتا
ابھی سے لوٹ چلو گھر ابھی اجالا ہے

اخترسعید خان

 

[محمد عدنان اکبری نقیبی]

لفظ و منظر میں معانی کو ٹٹولا نہ کرو
ہوش والے ہو تو ہر بات کو سمجھا نہ کرو

محمود ایاز

 

[فاخر]

’’رخ مہ جبیں سے منور ہے محفل
کرم گستری یہ ہے تیرا تصدق‘‘

 

[رباب واسطی]

تم آدمی ہو اس لئے ، خاموش ہی رہو
دیوار جانتی ہے کہ کیوں رو رہے ہیں ہم

 

[محمد عدنان اکبری نقیبی]

یوں بھی ہو سکتا ہے یکدم کوئی اچھا لگ جائے
بات کچھ بھی نہ ہو اور دل میں تماشا لگ جائے

ظفر اقبال

 

[فہد اشرف]

کیوں کھل گئے لوگوں پہ مری ذات کے اسرار
اے کاش کہ ہوتی مری گہرائی ذرا اور

انس معین

انس نہیں آنس

 

[فہد اشرف]

دو رنگی چھوڑ کر یک رنگ ہوجا

سراسر موم ہو یا سنگ ہوجا

اقبال

سراج اورنگ آبادی

 

[رباب واسطی]

حادثے بھی شعور رکھتے ہیں
ڈھونڈ لیتے ہیں غم کے ماروں کو

 

[فاخر]

’’ازل سے ابد تک ،زمیں سے فلک تک
یہی غلغلہ ہے، گنہ گار ہوں میں‘‘

 

[فہد اشرف]

شہر میں دھوم ہے اک شعلہ نوا کی مخدوم
تذکرے رستوں میں چرچے ہیں پری خانوں میں
مخدوم محی الدین

 

[محمد عدنان اکبری نقیبی]

میں نے دو چار کتابیں تو پڑھی ہیں لیکن
شہر کے طور طریقے مجھے کم آتے ہیں

بشیر بدر

 

[محمد عدنان اکبری نقیبی]

میں بے ثمر ہی سہی،پھر بھی سایہ دار تو ہوں
کڑی ہو دھوپ، تو مجھ میں پناہ لے لینا

یوسف تقی

 

[محمد عدنان اکبری نقیبی]

تم سے ملے بھی ہم تو جدائی کے موڑ پر
کشتی ہوئی نصیب تو دریا نہیں رہا

کہتے تھے ایک پل نہ جئیں گے ترے بغیر
ہم دونوں رہ گئے ہیں وہ وعدہ نہیں رہا

امجد اسلام امجد

 

[محمد عدنان اکبری نقیبی]

وقتِ معلوم کی دہشت سے لرزتا ہوا دل
ڈُوبا جاتا ہے کہ مہلت نہیں مِلنے والی

افتخار عارف

 

[سردار محمد نعیم]

نہ دل اپنا نہ غم اپنا نہ کوئی غم گسار اپنا
ہم اپنا جانتے ہر چیز کو ہوتا جو یار اپنا
. . . . . . . شاد عظیم آبادی . . . . .

 

[محمد فہد]

جب تک سفر رہتا ہے منزل کا چارم سفر کو خوبصورت بناتا ہے
منزل حاصل کرنے کے بعد کچھ رہتا نہیں جس کی جستجو کی جائے