محمد عدنان اکبری نقیبی

بھیگی ہوئی پلکیں ہوں تو پھیلا ہوا دامن٭ مائل بہ کرم وہ ہوں تو پھر چاہیے کیا اور ۔ نعیم صدیقیؒ

کچھ ایسے یقیں اُٹھ گیا اب اہلِ جہاں سے ٭ غیروں کا تو کیا خود پہ بھروسہ نہیں کرتے ۔ محسن احسان

نہ اب وہ یادوں کا چڑھتا دریا نہ فرصتوں کی اداس برکھا ٭ یونہی ذرا سی کسک ہے دل میں جو زخم گہرا تھا بھر گیا وہ ۔ناصر کاظمی

‏غمِ خاص پر کبھی چُپ رہے ٭ ‏کبھی رو دئیے غمِ عام پر ۔ منیر نیازی

جہان بھر میں فقط ایک آرزو تھی مجھے ٭ وہ بار بار نہ کرتا تو اور کیا کرتا ۔عاطف بھائی

ہار کا امکاں بہت ہے زندگی کے کھیل میں ٭ جیتنا چاہے تو اپنا آپ داؤ پر لگا ۔ مشتاق عاجز

عشق ہے، دیوانگی ہے، یا نظر کا ہے فریب ٭ جس طرف دیکھوں وہی ہے، ماسوا کوئی نہیں ۔ عاطف ملک

سنگ اٹھانا تو بڑی بات ہے اب شہر کے لوگ ٭ آنکھ اٹھا کر بھی نہیں دیکھتے دیوانے کو ۔ احمد مشتاق

مرے شکستہ سے لفظوں میں جھانک کر دیکھو ٭ محبتوں کے ہزاروں جہانِ معنی ہیں ۔ ظہیر احمد ظہیر

نیند نے یہ پوچھا ہے میری گہری آنکھوں سے ٭ کیا بہت ضروری ہے محوِ خواب ہوجانا ۔انجیل صحیفہ

خشک پتوں کی طرح لوگ اڑے جاتے ہیں ٭ شہر بھی اب تو نظر آتا ہے جنگل کی طرح ۔کلیم عثمانی

اے دل کسی کی یاد میں۔۔۔ ہوتا ہے بے قرار کیوں ٭ جس نے بھلا دیا تجھے ۔۔۔اس کا ہے انتظار کیوں

حرمتِ غم کا یہ تقاضا ہے ٭ دفن سینے میں دل کی لاش کریں ۔ راحیل فاروق

مجھے کیا یاد کریں بھولنے والے میرے ٭ میں تو خود کو بھی فراموش ہوا بیٹھا ہوں ۔ راحیلؔ فاروق

مجھ سے نماز عشق مکمل نہیں ہوئی ٭ کس منہ سے میں کہوں کہ خدا میں لگا رہا ۔ عمران بدایونی

حضور (صلی اللہ علیہ وسلم) ایسا کوئی انتظام ہو جائے ٭ سلام کےلیےحاضر غلام ہو جائے۔سید صبیح الدین صبیح الرحمانی

دشت آباد میں نقلی نہیں ملتی کوئی چیز ٭ غم ہی کھائیں گے یہاں زہر تو کھانے سے رہے ۔راحیلؔ فاروق

آسانی یہ نہیں ہوتی کہ مشکل آسان ہو جائے , آسانی یہ ہے کہ مشکل میں رب., رب کی حکمت , رب کی محبت , نظر آ جائے! ۔حیا ایشم

محمدﷺ کی جدائی آگ بھڑکاتی ہے سینے میں ٭ رواں جب دیکھتا ہوں قافلے حج کے مہینے میں ۔

عزم یہ ضبط کے آداب کہاں سے سیکھے ٭ تم تو ہر رنگ میں لگتے تھے بکھرنے والے ۔عزم بہزاد