آپ کے پسندیدہ اشعار!

مقرر کیوں کروں میں یاد اس کی
کوئی مجبوریِ اوقات ہے کیا !!

نامعلوم

 

بھلا ہوا کہ کوئی اور مل گیا تم سا
وگرنہ ہم بھی کسی دن تمہیں بھلا دیتے

خلیل الرحمن اعظمی

 

کھیلنے کی عمر تھی مزدوریاں کرتا رہا
ہائے وہ بچپن کہ جس میں بچپنہ کوئی نہ تھا
حسیب جمال

 

سُنا ہے اب تو اُن کی بزم میں بھی ذِکر ہوتا ہے
مرے کام آ گیا آخر مرا بد نام ہو جانا

✍ حامد اللہ افسرؔ
لکھنؤ، بھارت | ۱۸۹۵–۱۹۷۴
پیامِ رُوح

 

کوئی پُوچھے مسیحا سے مگر یہ رات بھاری ہے
پریشاں کیوں چراغِ خانۂ بیمار جلتے ہیں

عشقؔ لکھنوی ( سید حسین مرزا )
لکھنؤ، بھارت | ۱۳۰۳ھ وفات
بازارِ سُخن/غزلیاتِ عشقؔ
مرتبہ ۔ مہذبؔ لکھنوی

 

آج بھی میں اداس تھا شاید
آج بھی تم نظر نہیں آئے ۔ میر

 

ایک دل توڑ کر تو نے مسجد بنائی
ایک مان توڑ کر تو نے نماز پڑھی
کسی کو رلا کر تو رب راضی کرنے چلا
کسی کو ستا کے تو حج کر آیا
تو نے نیکی کر کے گناہ گار کو حقیر جانا
تیرا زعم تقوی تجھ پہ غالب آیا
اے کرنے والے بہتر تھا تو گناہ کر کے
انسان رہ جاتا. نیکی کر کے خدا نہ بنتا

 

کیا یہ کلام بابا بلھے شاہ کا ہے۔۔؟؟
فلسفی بھائی

 

میرے خیال میں محترم عبدالقیوم چوہدری ، محمد وارث صاحب، بتا سکتے ہیں۔ ویسے بابا بلھے شاہ کا یہ شعر مشہور ہے۔

'مندر ڈھا دے مسجد ڈھا دے، ڈھا دے جو کج ڈھیندا
پر دل نہ کسے دا ڈھاویں بندیا رب دلاں وچ رہندا

 

جی یہ پنجابی کلام منسوب تو بلھے شاہ ہی سے ہے لیکن واقعی انہی کا ہے یا نہیں اس کے بارے میں یقین سے کہنا کچھ مشکل ہے۔

 

وضاحت کا شکریہ محترم لیکن فہد بھائی وہ اردو والے کلام کا پوچھ رہے ہیں۔ کیا آپ کی نظر سے گزرا ہے؟

 

ظاہر ہے اردو کلام بابا جی کا اپنا کیسے ہو سکتا ہے، کسی نے ترجمہ کیا ہوگا۔

(ویسے میں نے اپنے پہلے مراسلے میں اسی لیے "پنجابی کلام" لکھا تھا)

 

جزاک اللہ خیر۔
کج فہمی کے لیے معذرت۔

 

مجھے بھی یہ کلام بابا بلھے شاہ رحمتہ اللہ علیہ کا ہی لگا تھا

لیکن اردو میں تھا اس وجہ سے ہلکا سا شک ہو گیا لیکن میں نے بھی یہی سوچا کہ کسی نے اردو ترجمہ نا کیا ہو

 

فلسفی بھائی، محمد وارث بھائی، اللہ سوہنا، آپ کو وہ ہر نعمت عطا کرے جس میں خیر و برکت ہو عزت و وقار ہو سکون صحت و تندرستی ہو اور خشحالی ہو آمین یارب

بہت شکریہ

 

ماضی میں کبھی گم کبھی آئندہ میں الجھا
میں لمحہ موجود میں ۔۔ موجود کہاں تھا

 

اِس بھری کائنات کے اندر
صرف تیرا عدم اکیلا ہے
۔۔۔۔۔۔۔۔۔۔۔۔۔۔۔۔۔۔۔۔
عبدالحمید عدم

 

‏دلوں میں جو شاداب ویرانیاں ہیں
محبت کی آشفتہ سامانیاں ہیں

خدا اور بکھرائے اُن کاکلوں کو
بڑی بیش قیمت پریشانیاں ہیں

عجب حال میں زندگی کٹ رہی ہے
نہ دُشواریاں ہیں، نہ آسانیاں ہیں

عدم احتیاطیں ہیں جتنی بھی دل کی
میرا تجربہ ہے کہ نادانیاں ہیں
(‎عدم)

 

یہی ہے حاصلِ الفت، یہی ہے معنی ء عشق...

نیاز مند رہوں میں .... وہ بے نیاز رہیں.....

 

‏چراغِ طور جلاو بڑا اندھیرا ہے
ذرا ن۔۔قاب اُٹھاو بڑا اندھیرا ہے

ساغر صدیقی