آپ کے پسندیدہ اشعار!

‏جنون عشق کی نیرنگیاں ، ارے توبہ
کبھی خداہوں کبھی بندۂ خدا ہوں میں
.
بیدم شاہ وارثی

 

‏قاصد پیام ان کا نہ کچھ دیر ابھی سنا
رہنے دے محوِ لذت ذوقِ خبر مجھے

 

اپنی طرف تو میں بھی نہیں ہوں ابھی تلک
اور اس طرف تمام زمانہ اسی کا ہے

امیر امام

 

ان ستاروں کو خواہ مخواہ نہ سمجھ
زخم ہوتے ہیں آسماں کے بھی

راز احتشام

 

اِس بھری کائنات کے اندر
صرف تیرا عدم اکیلا ہے

عبدالحمید عدم

 

نئے چراغ جلا ،مجھ کو ڈھونڈنے والے
تری نظر تو نظر کے غبار میں گم ہے

عباس تابش

 

دہر کے غم سے ہوا ربط تو ہم بھول گئے
سرو قامت کو، جوانی کو قیامت لکھنا
حبیب جالب

 

یہ داغ ایک لفظ ہے مرہم بھی ایک لفظ
چارہ گری بھی، زخمِ نہانی بھی جھوٹ ہے

ہرزہ سرائی ہیں یہ محبت کے معجزے
الفت نئی بھی مکر، پرانی بھی جھوٹ ہے

(بہزاد برہم)

 

نام سُنتے ہو جِس کا ویرانہ
وہی سودائیوں کی بستی ہے

✍ جوششؔ عظیم آبادی ( شیخ محمد روشن )
عظیم آباد، بھارت | ۱۷۳۷–۱۸۰۱
دیوانِ جوششؔ

 

جو کچھ گزر گئی ہے خُدا سے کہیں نہ ہم
ہم ماجرائے غم بُتِ کافر سے کیا کہیں

✍ مرزا محمد تقی بیگ مائلؔ دہلوی
دہلی مٹیا محل | ۱۸۵۰ – ۱۹۳۱
کُلیاتِ مائلؔ حِصّہ اول

 

گرد جھاڑی پیرِ میخانہ نے اپنے ہاتھ سے
دامنِ دُردی کشاں رشکِ مصلّیٰ ہو گیا

✍ مرزا محمد تقی بیگ مائلؔ دہلوی
دہلی مٹیا محل | ۱۸۵۰ – ۱۹۳۱
کُلیاتِ مائلؔ حِصّہ اول

 

اب اور کس کو بتاؤں کہ مُجھ پہ کیا گزری
مجھے تو میرا خُدا بھی اُداس ملتا ہے

✍ امیرؔ قزلباش ( امیر آغا قزلباش )
دہلی | ۱۹۴۳ – ۲۰۰۳
انکار

 

زندگی اور بندگی گزری
اُلٹے سیدھے نباہ نے مارا
۱۹۴۵ء

پنڈت جگموہن ناتھ رینا شوق
شاہ جہاں پور، بھارت | ۱۸۶۳
پیامِ شوق حصّہ دوم

 

تعمیر دیر و کعبہ سے مٹی ہماری کچھ
باقی جو رہ گئی تھی سو پیمانہ بن گیا

✍ مرزا محمد تقی بیگ مائلؔ دہلوی
دہلی مٹیا محل | ۱۸۵۰ – ۱۹۳۱
کُلیاتِ مائلؔ حِصّہ اول

 

نگاہِ شوق سے پوچھو کہ کیا گزری ترے دم پر
کسی نے منہ چُھپایا جب سرِ دیوار دامن سے

✍ مرزا محمد تقی بیگ مائلؔ دہلوی
دہلی مٹیا محل | ۱۸۵۰ – ۱۹۳۱
کُلیاتِ مائلؔ حصہ اول

 

دیوانگی میں اکثر اِک لُطف دے گیا ہے
پہروں خموش رہ کر زانوں پہ سَر جُھکانا

✍ مرزا علی رضا ضیاؔ عظیم آبادی
ریاضِ شاداب ۱۳۱۹ ھ

 

سُنا ہے اب تو اُن کی بزم میں بھی ذِکر ہوتا ہے
مرے کام آ گیا آخر مرا بد نام ہو جانا

✍ حامد اللہ افسرؔ
لکھنؤ، بھارت | ۱۸۹۵–۱۹۷۴
پیامِ رُوح

 

ہستی کے مت فریب میں آ جائیو اسدؔ
عالم تمام حلقۂ دام خیال ہے

(مرزا اسد اللہ خان غالب)

 

ملے تو مل لیے بچھڑے تو یاد بھی نہ رہی
تعلقات میں ایسی رَوا رَوی بھی نہ ہو

افتخار عارف

 

مزے جو موت کے عاشق بیاں کبھو کرتے
مسیح و خضر بھی مرنے کی آرزو کرتے

میر تقی میر