آپ کے پسندیدہ اشعار!

[سردار محمد نعیم]

لہو نہ ہو تو قلم ترجماں نہیں ہوتا
ہمارے دور میں آنسو زباں نہیں ہوتا

جہاں رہے گا وہیں روشنی لٹائے گا
کسی چراغ کا اپنا مکاں نہیں ہوتا
. . . . . . وسیم بریلوی۔ . . . . .

 

[محمد عدنان اکبری نقیبی]

جسے ملی ہے سزا حرف حق سنانے کی
صلیب لب پہ وہ ٹھہری ہوئی صدا ہوں میں

ناز قادری

 

[محمد عدنان اکبری نقیبی]

دل توڑ کے جانے والے سن دو اور بھی رشتے باقی ہیں
اک سانس کی ڈوری اٹکی ہے اک پریم کا بندھن رہتا ہے

قیوم نظر

 

[رباب واسطی]

تلخیاں سارے زمانے کی پیئے جاتے ہیں
ہم کو جینا ہے بہر حال، جیئے جاتے ہیں

فراقؔ گورکھپوری

 

[رباب واسطی]

آستینوں میں چھپا لیتی ہے خنجر دنیا
ہم کو چہرے کا تاثر نہ چھپانا آیا

شاعر: نامعلوم

 

[فرقان احمد]

محشر میں بھی وہ عہدِ وفا سے مُکر گئے !
جس کی خوشی تھی اب وہ قیامت نہیں رہی

(فانی بدایونی)

 

[محمد عدنان اکبری نقیبی]

اہل ہوس تو خیر ہوس میں ہوئے ذلیل
وہ بھی ہوئے خراب محبت جنہوں نے کی

احمد مشتاق

 

[فہد اشرف]

مگر ایسی کوئی خلش بھی تھی جو فقط ہمارا نصیب تھی
کہ جو روگ ہم نے لگا لیا کسی اور کو تو لگا نہیں
احمد ہمیش

 

[محمد وارث]

تجھ کو کیا معلوم گزری کس طرح فرقت کی رات
کہہ پھرے اک اک ستارے سے ترا افسانہ ہم
احسان دانش

 

[فرقان احمد]

ہے دیکھنے ہی کا وقفہ ، جسے سمجھتے ہیں
رضا وہ دُھوپ چڑھی، دن ڈھلا، وہ شام ہُوئی

رضا لکھنوی

 

[سردار محمد نعیم]

ابھی سمجھے نہیں تم ماجرائے دل کی کیفیت
سنائیں گے تمہیں ہم ایک دن یہ داستاں پھر بھی
. . . . . . . داغ۔۔۔۔۔۔۔۔ ۔

 

[رباب واسطی]

اس روز یہ لگتا ہے کہ بیکار جیئے ہم
جس روز ۔صنم زکر تمہارا نہیں ہوتا

 

[فرقان احمد]

میں جو چپ تھا ، ہمہ تن گوش تھی بستی ساری
اب مرے منہ میں زباں ہے کوئی سنتا ہی نہیں

دیکھنے والے تو اس شہر میں یوں بھی کم تھے
اب سماعت بھی گراں ہے، کوئی سنتا ہی نہیں!


عباس رضوی

 

[سحرش سحر]

یاد آئیں گے زمانے کو مثالوں کے لیے
جیسے بوسیدہ کتابیں ہوں حوالوں کے لیے

 

[سید عاطف علی]

کروبی ءِ اجل نے مری نیند کی خراب
میں دیکھ ہی رہا تھا ابھی زندگی کا خواب

 

[سحرش سحر]

بدن پہ روح کا ہر کرب لکھ رہے ہو تو کیا
وہ مل گیا تو توجہ لباس پر دے گا

 

[فرقان احمد]

اِس کا سوچا بھی نہ تھا اب کے جو تنہا گُزری
وہ قیامت ہی غنیمت تھی ۔۔۔۔ جو یکجا گُزری!

(احمد فراز)

 

[رباب واسطی]

بازارِ سُخن کے دام اچھے ہیں یہاں
" آہ " بھی بکتی ہے " واہ " میں

شاعر: نامعلوم

 

[فہد اشرف]

جلوہ ہے مجھی سے لبِ دریائے سخن پر
صد رنگ مری موج ہے میں طبعِ رواں ہوں
میر تقی میر

 

[فرقان احمد]

واقعہ یہ ہے کہ بدنام ہُوئے
بات اِتنی تھی کہ آنسو نِکلا

ناصر کاظمی