آپ کے پسندیدہ اشعار!

[م حمزہ]

اے اہلِ ادب آؤ یہ جاگیر سنبھالو
میں مملکتِ لوح و قلم بانٹ رہا ہوں


فراق گورکھپوری۔

 

[م حمزہ]

دنیا کو ہے اس مہدی برحق کی ضرورت
ہو جس کی نگہ زلزلہ عالم افکار

علامہ اقبال۔

 

[م حمزہ]

ہے مملکتِ ہند میں اک طرفہ تماشا
اسلام ہے محبوس، مسلمان ہے آزاد

علامہ اقبال۔

 

[م حمزہ]

رگِ سنگ سے ٹیکتا، وہ لہو کہ پھر نہ تھمتا

جسے غم سمجھ رہے ہو، یہ اگر شرار ہوتا

مرزا غالب

 

[سردار محمد نعیم]

سکون لوٹ کر پھر ستانے لگے ہیں
نا جانے وہ کیوں یاد آنے لگے ہیں

گئ کم سنی ہوش آنے لگے ہیں
وہ ہر بات اب ہم سے چھپانے لگے ہیں
. . . . . . نصیر الدین نصیر ۔۔۔۔۔۔۔

 

[ام اویس]

سکوں دنیا سے رخصت ہوگیا ہے
بھرے میلے میں بچہ کھو گیا ہے
یہ اسرافیل کا محتاج ہے اب
ضمیرِ آدمیت سو گیا ہے

فرات غضنفر

 

[محمد عدنان اکبری نقیبی]

اُس کی آنکھیں مجھے محصور کیے رکھتی ہیں
وہ جو اک شخص ہے مدت سے صف آرا مجھ میں
عدیل ایوبی

 

[سردار محمد نعیم]

کچھ نہیں بحرِ جہاں کی موج پر مت بھول میرؔ
دور سے دریا نظر آتا ہے لیکن ہے سراب
. . . . . . میر تقی میر ۔ . ۔ .

 

[فہد اشرف]

فصل گل آئی یا اجل آئی کیوں در زنداں کھلتا ہے
کیا کوئی وحشی اور آ پہنچا یا کوئی قیدی چھوٹ گیا
فانی بدایونی

 

[محمد عدنان اکبری نقیبی]

ہم تو عاشق ہیں ہمارا تو چلو کام سہی
سجدے اس شہر کا دستور نہ ہو جائیں کہیں
راحیل فاروق

 

[Kamal Khan Abdul]

میں اس کے سامنے سے گزرتا ہوں اس لیے
ترک تعلقات کا احساس مر نہ جائے
(فنا نظامی کانپوری)

میں اس کے سامنے سے گزرتا ہوں اس لیے
ترک تعلقات کا احساس مر نہ جائے
مجھے ایسا لگتا ہے کہ دوسرا مصرعہ "کہ" سے شروع ہوناچاہیے؛ اس طرح: "کہ ترک تعلقات کا احساس مر نہ جائے۔" پلیز رہ نمائی کریں۔

 

[م حمزہ]

سنگ باری جو مجھ پہ جاری تھی یوں تو بہت مگر
اک پھول تو نے مارا، نشانے کا شکریہ

وامق۔

 

[سردار محمد نعیم]

داغ ہوں جلتا ہے دل بے طور اب
دیکھیے کیا گل کھلے ہے اور اب

زخم دل غائر ہو پہنچا تا جگر
تم لگے کرنے ہماری غور اب

شعر پڑھتے پھرتے ہیں سب میرؔ کے
اس قلمرو میں ہے ان کا دور اب
. . . . . میر تقی میر۔ ۔ ۔ ۔۔ ۔

 

[رباب واسطی]

کُچھ دردِ نہاں، کُچھ فکرِ جہاں، کُچھ شرمِ خطا، کُچھ خوفِ سزا
اِک بوجھ اُٹھائے پھرتا ہوں ، اور بوجھ بھی کِتنا بھاری ہے
(شاعر:نامعلوم)

 

[فرحان محمد خان]

اپنی تدبیر کی چوکھٹ پہ کھڑا ہوں خاموش
ثبت ہر اینٹ پہ افلاسِ مکیں ہے جیسے
راحیل فاروق

 

[سحرش سحر]

اندر کوئی جھانکے تو ٹکڑوں میں ملوں گا
یہ ہنستا ہوا چہرہ توزمانے کے لیے ہے
(شاعر نامعلوم)

 

[فرقان احمد]

ﺟﺘﻨﯽ ﺑﮭﯽ ﻣﯿﮑﺪﮮ ﻣﯿﮟ ﮨﮯ ﺳﺎﻗﯽ ﭘﻼ ﺩﮮ ﺁﺝ
ﮨﻢ ﺗﺸﻨﮧ ﮐﺎﻡ ، ﺯﮨﺪ ﮐﮯ ﺻﺤﺮﺍ ﺳﮯ ﺁﺋﮯ ﮨﯿﮟ۔۔!

ﺧُﻤﺎﺭ ﺑﺎﺭﮦ ﺑﻨﮑﻮﯼ

 

[فہد اشرف]

میں وہ چراغ سر رہ گزار دنیا ہوں
جو اپنی ذات کی تنہائیوں میں جل جائے
عبیداللہ علیم

 

[سردار محمد نعیم]

تو کہیں ہو دل دیوانہ وہاں پہنچے گا
شمع ہوگی جہاں پروانہ وہاں پہنچے گا .
. . . . . . . . بہادر شاہ ظفر . . . . . . . .

 

[La Alma]

ورق پہ رات کے لکھی ہے صبح کی تحریر
یہ ایک وقت ہے بے رنگ و نور سا کوئی