اور انہیں چاہیے کہ معاف کردیں اور درگزر کریں ، کیا تم اس بات کو پسند نہیں کرتے کہ اللہ تمہاری بخشش فرما دے اور اللہ بخشنے والا مہربان ہے۔ سورہ النور
-
ترتیب ضروری ہے۔۔۔ چاہے وہ خیال ہو، اظہار ہو، رویہ ہو، برتاؤ ہو، کوئی خاص یا نہایت عام سا معاملہ۔۔۔
آشیاں بھی تنکوں کی ترتیب کا نام ہے۔ گر تنکے بکھر جائیں تو سب کچھ درہم برہم ہو جاتا ہے۔
وجود سے پرے بھی اک وجود ہے
نہ عکس کو، نہ آئنے کو ہے خبر
پانی کی لطافت کا صحیح اندازہ آگ میں جلنے والا ہی لگا سکتا ہے۔ اور پانی کی کثافت ڈوبنے والے کو ہی معلوم ہوتی ہے۔
اخلاص کی برزخ میں نووارد ہیں ہم
احساس کچھ روحوں کے کچلے جائیں گے
زندگی میں سے لفظ “کاش” کو نکال دیا جائے تو پیچھے مشیتِ ایزدی بچتی ہے۔ مشیتِ ایزدی کو مان لیا جائے تو روزِ میزان وہ کاش بھی مقبول ہو جائے گا۔
اور آخرت بہت بہتر اور ہمیشہ باقی رہنے والی ہے۔ القرآن
یاد ہے دھوپ کا سفر ہم کو
سائے نے جب وجود کھویا تھا
ہمیں ماتھے پہ بوسہ دو
کہ ہم کو تتلیوں کے، جگنوؤں کے دیس جانا ہے
سائنس روحانی علوم کی وہ شاخ ہے جو عالمِ غیب تک آپ کی رسائی کو کسی حد تک ممکن بناتی ہے۔
آئی ہے جب بھی شکن جبینِ فلک پر
قہر ہمیشہ ہی پھر زمین پہ ٹُوٹا
حضرت ابوہریرہ رضی الله عنہ سے روایت ہے کہ نبی اکرم صلی اللہ علیہ وسلم نے فرمایا: ذی الحجہ کے (ابتدائی) دس دنوں سے بڑھ کر کوئی دن ایسا نہیں، جس کی عبادت اللہ کو زیادہ محبوب ہو، ان ایام میں سے ہر دن کا روزہ سال بھر کے روزوں کے برابر ہے اور ان کی ہر رات کا قیام لیلۃ القدر کے قیام کے برابر ہے۔
جب حدِ نگاہ تک خلا ہی خلا ہو اور کہیں خالی جگہ نہ ملے، تو اندر کی دنیا میں گنجائش پیدا کرنی پڑتی ہے۔
ہے ہر اک لمحہ، لمحہء رخصت
وقت کی خُو ذرا نہیں بدلی
موت ایک کھُلا معافی نامہ بھی ہوتی ہے جو اس دنیا سے جانے والا ہر شخص پیچھے رہ جانے والوں کے لیے چھوڑ جاتا ہے۔ موت مٹا دیتی ہے بہت سی تلخیوں کو، رنجشوں کو، لغزشوں کو۔۔۔
خدا کا لکھا ہوا سکرپٹ تو انتہائی جاندار ہوتا ہے، انسان ہی اپنا کردار صحیح طور سے نہیں نبھا پاتا۔
نظر آتے ہیں اندھیرے میں بھی سائے
ابھی روشن ہے مری آنکھ کا سورج
منزل کی اہمیت ہو تو راستے غیر اہم نہیں ہوتے۔ اگر زندگی کی بھول بھلیاں وہاں لے جائیں جہاں کی جستجو تھی، تو اس بات کی خبر ہونی چاہیے کہ کہاں راہ سے بھٹکے اور کس جگہ سمت درست رہی۔
شامِ غم آئی اور گزر بھی گئی
دکھ رہا منتظر دلاسے کو
لائی ہے پھر وہیں پہ گردشِ بخت
چاند کو آج پھر گہن لگے گا -
لوڈ ہو رہا ہے…
-
لوڈ ہو رہا ہے…
-
لوڈ ہو رہا ہے…