آج کا شعر - 5

[کاشفی]

لے جاؤ ساتھ ہوش کو، اے اہلِ ہوش جاؤ
ہے خوب اپنی بےخبری کی خبر مجھے
(حفیظ جالندھری)

 

[کاشفی]

دل حسینوں سے بچانا ہے اگر، آنکھ نہ کھول
اس زینے سے اُترتے ہیں، اُترنے والے
(حفیظ جالندھری)

 

[کاشفی]

سُنتا ہوں جہنم کی سزا میرے لئے ہے
میں ایسا گنہگار، یہ کیا میرے لئے ہے
(حفیظ جالندھری)

 

[حسان خان]

جو عاقل ہے وہ موقع کے مطابق کام کرتا ہے
ہوا میں ہے تو شاہیں ہے، قفس میں ہے تو بلبل ہے
(اکبر الٰہ آبادی)

ترے بابِ کرم پر جس کو سجدے سے تامل ہو
سر ایسا کوئی اے پیرِ مغاں باقی نہ رہ جائے
(چندر کلا سکسینا 'شرم' لکھنوی)

تھا عرش پہ اک روز دماغِ اردو
پامالِ خزاں آج ہے باغِ اردو
غفلت تو ذرا قوم کی دیکھو کاظم
وہ سوتی ہے بجھتا ہے چراغِ اردو
(کاظم بنارسی)

 

[ظفری]

غیروں سے کہا تم نے ، غیروں سے سنا تم نے
کچھ ہم سے کہا ہوتا ، کچھ ہم سے سُنا ہوتا

 

[زونی]

خبر تحیر عشق سن نہ جنوں رہا نہ پری رہی
نہ تو تو رہا نہ تو میں رہا جو رہی سو بے خبری رہی

 

[کاشفی]

ابنِ آدم کو صاحبِ جاہ کرو،
کَم بَخت کو اَب اور نہ گُم راہ کرو
"اللہ" سے اِنسان ہے کب کا آگاہ
اِنسان سے اِنسان کو آگاہ کرو
(جوش ملیح آبادی)

 

[السید کامل عباس الجعفري]

ستمگر! تم سے اُمّیدِ کرم ہوگی، جنہیں ہوگی
ہمیں تو دیکھنا یہ ہے کہ تُو ظالم کہاں تک ہے

بیدم شاہ وارثی

 

[السید کامل عباس الجعفري]

کلام بھی شجرے کی پہچان ہوتا ہے
شکست کھا گئے حسین (ع) !!!
اب مسجد سے اعلان ہوتا ہے

 

[کاشفی]

سب کچھ لٹا چکا ہوں جو اک بت کے واسطے
دُنیا سمجھ رہی ہے مسلماں ہو ں آج کل
(بہزاد لکھنوی)

 

[کاشفی]

محبت نےدونوں کو لا کر ڈبویا
اِدھر میں بھی رویا اُدھر وہ بھی رویا
(بہزاد لکھنوی)

 

[کاشفی]

میری طرف نہ دیکھو، اپنی نظر کو روکو
دُنیائے عاشقی میں ہیجان ہو نہ جائے
(بہزاد لکھنوی)

 

[محمداحمد]

تم سلامت رہو ، یوسف کی ضرورت کیسی
اہلِ فن! آج بھی ہے رونقِ بازار وہی

نور بجنوری

 

[کاشفی]

اُن کی نظر بھی پھر گئی، سچ ہے جہان میں
کرتا ہے کون عشق کے ماروں سے گفتگو
(بہزاد لکھنوی)

 

[کاشفی]

آنکھ میں جو شراب ہے ساقی
اس کا پینا کبھی حرام نہیں
(بہزاد لکھنوی)

 

[السید کامل عباس الجعفري]

وہ تری عمردرازی کی دعا کیوں مانگے؟
اے شبِ ہجر! تجھے جس نے بھی کاٹا ہوا ہے

ادریس آذاد

 

[محمد اسامہ سَرسَری]

بستی جلی ، خبر ہوئی شائع کچھ اس طرح
آتش زنوں کے تیل کا نقصان ہوگیا
شاعر: امجد اکبر​

 

[صائمہ شاہ]

خواہشیں یوں ہی برہنہ ہوں تو جل بجھتی ہیں
اپنی چاہت کو کبھی کوئی ارادہ پہنا

فراز

 

[صائمہ شاہ]

چاکِ دامن تو خیر سل جاتا
چاکِ ہستی کہاں رفو کرتے

عدم

 

[کاشفی]

میں سمجھا تھا محبت پھر محبت ہے مزا دے گی
یہ کیا معلوم تھا ظالم شبِ فُرقَت رُلا دے گی
(فاضل کاشمیری)