آپ کے پسندیدہ اشعار!

[زارا آریان]

رہوں آہ محروم میں بندگی سے
اسی واسطے مجھ کو پیدا کیا تھا

✍ جوششؔ عظیم آبادی ( شیخ محمد روشن )
عظیم آباد، بھارت | ۱۷۳۷–۱۸۰۱
دیوانِ جوششؔ

 

[عظیم]

منہ تکا ہی کرے ہے جس تس کا
حیرتی ہے یہ آئینہ کس کا

 

[عظیم]

دیوانگی میں مجنوں میرے حضور کیا تھا
لڑکا سا ان دنوں تھا اس کو شعور کیا تھا

 

[جاسمن]

‏دلوں میں جو شاداب ویرانیاں ہیں
محبت کی آشفتہ سامانیاں ہیں

خدا اور بکھرائے اُن کاکلوں کو
بڑی بیش قیمت پریشانیاں ہیں

عجب حال میں زندگی کٹ رہی ہے
نہ دُشواریاں ہیں، نہ آسانیاں ہیں

عدم احتیاطیں ہیں جتنی بھی دل کی
میرا تجربہ ہے کہ نادانیاں ہیں
(‎عدم)

ابھی پہلا مصرع پڑھ کے دوسرا پڑھنا شروع ہی کیا تھا کہ فورا خیال آیا۔۔۔یہ عدم کا ہو سکتا ہے۔۔

 

[ام اویس]

مرا بدن تھا گھنے جنگلوں کی تاریکی
تری طلب نے کیا ہے یہ خاکدان آباد

امجد اسلام امجد

 

[ام اویس]

لب پہ دنیا کی شکایت بھی نہیں
ہوگئے ہیں ہم بھی دنیا دار کیا

تابش دہلوی

 

[محمد خلیل الرحمٰن]

قید میں یعقوب نے لی گو نہ یوسف کی خبر
لیکن آنکھیں روزنِ دیوارِ زنداں ہوگئیں
(غالب)​

 

[محمد خلیل الرحمٰن]

عجب نشاط سے جلاّد کے چلے ہیں ہم آگے
کہ اپنے سائے سے سر ، پاؤں سے ہے دو قدم آگے
(غالب)​

 

[عباس رضا]

‏چراغِ طور جلاو بڑا اندھیرا ہے
ذرا ن۔۔قاب اُٹھاو بڑا اندھیرا ہے
ساغر صدیقی

نقاب پہلے ہی بیچ سے چِرا ہوا ہے۔۔ اٹھانے کی کیا ضرورت ہے!

 

[طاہر شیخ]

سو بار میں نے عشق میں قتل انا کیا
آیا نہ اپنے آپ پہ کوئی ترس مجھے !

نامعلوم

 

[طاہر شیخ]

حال مت پوچھیے کچھ باتیں بتانے کی نہیں !
بس دعا کیجئیے ____ دعاؤں میں اثر ہونے تک !

نامعلوم

 

[رباب واسطی]

یہ ارتقا کا چلن ہے کہ ہر زمانے میں
پرانے لوگ نئے آدمی سے ڈرتے ہیں
احمد ندیم قاسمی

 

[ابوعبید]

میں اس سے پہلے کہیں کب قیام کرتا تھا
پر آج تم سے ملا ہوں تو رک گیا ہوں میں

یہ دل بہت سے حوالوں سے سخت کافر ہے
مگر تمہارے حوالے سے جھک گیا ہوں میں

فاضل جمیلی ​

 

[ابوعبید]

کمبخت دل کو کیسی طبیعت عطا ہوئی
جب جب بھی دُکھ اٹھائے ، مُسرت عطا ہوئی

پھر قحط سے مرے ہوئے دفنا دیئے گئے
اور چیونٹیوں کے رزق میں برکت عطا ہوئی

رحمان فارس
از عشق بخیر​

 

[وقار شاکر]

جھوٹ والے کہاں سے کہاں بڑھ گئے
اور میں تھا کہ سچ بولتا رہ گیا

 

[رباب واسطی]

کیوں شریک غم بناتے ہو کسی کو اے قتیلؔ
اپنی سولی اپنے کاندھے پر اٹھاؤ چپ رہو
قتیل شفائی

 

[لاريب اخلاص]

دیکھو مجھے اب میری جگہ سے نہ ہلانا
پھر تم مجھے ترتیب سے رکھ کر نہیں جاتے
(دانش نقوی)

 

[رباب واسطی]

غرور نام ہے احساسِ کمتری کا سلیمؔ
ہراِک سےجُھک کےملوشاخِ باثمرکی طرح

 

[رباب واسطی]

خود سے لڑتا ہوں بگڑتا ہوں منا لیتا ہوں
میں نے تنہائی کو اک کھیل بنا رکھا ہے

(نامعلوم)

 

[فرخ منظور]

جہانِ دشت سے نکلے سوئے محبوب آئے ہیں
بتا اب اس بیاباں سے کدھر نکلیں کہاں جاویں

(زبیر فیصل عباسی)