آپ کے پسندیدہ اشعار!

[رباب واسطی]

کھول یوں مُٹھی کہ اِک جگنو نہ نِکلے ہاتھ سے
آنکھ کو ایسے جَھپک لمحہ کوئی اوجھل نہ ہو

 

[رباب واسطی]

پہلی سیڑھی پر قدم رکھ آخری سیڑھی پہ آنکھ
منزلوں کی جُستجو میں رائیگاں اِک پل نہ ہو

 

[رباب واسطی]

خُسرو دریا پریم کا ، اُلٹی وا کی دھار
جو اُترا سو ڈوب گیا ، جو ڈوبا سو پار

 

[رباب واسطی]

صرّاف کسوٹی پہ گِھسا کرتے ہیں زر کو
ہم وہ ہیں جو آنکھوں سے پرکھتے ہیں بشر کو

 

[رباب واسطی]

عروج پر ہے تُمہارا موسم
خزاں میں تُم کو خرید لیں گے

 

[رباب واسطی]

ماضی کے ہر ایک ورق پر سپنوں کی گُلکاری ہے
ہم سے ناتا توڑنے والو ….. کِتنے نقش مِٹاؤ گے

 

[رباب واسطی]

ہم اتفاق رائے سے زندہ بچھڑ گئے
اک دوسرے کو مر کے دکھانا نہیں پڑا

 

[رباب واسطی]

دستِ تقدير سے ہر شخص نے حصہ پایا
میرے حصے میں تیرے ساتھ کی حسرت آئی

 

[رباب واسطی]

مِلنے کا مَن نہیں تو بہانہ نیا تراش
اب تو مُکالمے بھی ترے یاد ہوگئے

 

[رباب واسطی]

اے شامِ بے سحر ۔۔۔ تو مرا احترام کر
میں آخری چراغ ہوں … تیری فصیل کا

 

[رباب واسطی]

اب اس کےبعد مجھےگفتگو میں مت رکھنا
میں تھک چکا ہوں مسلسل بیان ہوتےہوئے

 

[لاريب اخلاص]

تم عبادت کی طرح مقدس ہو میرے لیے
کبھی آنکھوں سے کبھی دل سے لگا لُوں تم کو

 

[ابوعبید]

اک پل بھی اُسے آنکھ سے اُوجھل نہیں دیکھا
میں پھر بھی یہ کہتا ہوں مکمل نہیں دیکھا
یوں لگتا ہے صدیاں ہوئی اُس شخص کو دیکھے
حالانکہ جسے میں نے فقط کل نہیں دیکھا

آغاجرارؔ

​

 

[ابوعبید]

ہو گئے راکھ سبھی خواب شہابی تیرے
ہاتھ کیا آیا بجز خانہ خرابی تیرے

وقت مصروف ِ ترامیم رہا اور ادھر
زرد پڑتے گئے رخسار گلابی تیرے

عشق آنکھوں کی نمی چوس کے دم لیتا ہے
خاک ہو جائیں گے یہ کُرہ ِ آبی تیرے

لمس کا باب کہ بس تشنہ ِ تحریر رہا
لاکھ چہرے تھے شب ِ وصل کتابی تیرے

ناصر محمود خالد

 

[ابوعبید]

تقدیس دل کی عصیاں نگاری کہاں گئی
شاید غزل کے سارے گناہگار مر گئے
شعروں میں اب جہاد ہے روزہ نماز ہے
اردو غزل میں جتنے تھے کفار مر گئے

بشیر بدر

 

[ابوعبید]

عمر کا آدھا حصہ بیت گیا خوش فہمی میں
لوگ نہ جانے کیسے اپنی کڑیل عمریں کاٹتے ہیں
پیڑ وہ کیسے پھل لائیں گفتار خیالی دانش کے
عقل کے اندھے مالی جن کی کومل شاخیں کاٹتے ہیں

گفتار خیالی

 

[ابوعبید]

ایسا کیا جادو تھا اُس کی چشمِ حیراں میں نہاں
اس نے دیکھا پیار سے اور ہم دیوانے ہو گئے
معظم علی اعوان

 

[ابوعبید]

اس نے بھی اپنی زلف کو تھوڑا کیا دراز
ہم نے بھی اپنی مونچھ کا تاؤ بڑھا لیا
مقداد احسن

 

[لاريب اخلاص]

‏حیرتوں کے سلسلے سوزِ نہاں تک آ گئے
ہم تو دل تک چاہتے تھےتم تو جاں تک آ گئے
قابل اجمیری

 

[رباب واسطی]

چاہت کا جب مزہ ہے کہ وہ بھی ہوں بیقرار
دونوں طرف ہو آگ برابر لگی ہوئی

ظہیر دہلوی