آپ کے پسندیدہ اشعار!

دے کوئی طبیب! آ کے ہمیں ایسی دوا بھی
لذت بھی رہے درد کی، مل جائے شفا بھی​

 

ہر اک سے پوچھتے پھرتے ہیں تیرے خانہ بدوش
عذابِ دربدری کس کے گھر میں رکھا جائے؟​

 

ہر وقت کا ہنسنا ہو کہ ہر وقت کا رونا
ہر کام جو بے حد ہو، وہ اچھا نہیں ہوتا

 

میں نے جب یاد کیا، یاد وہ آیا محسنؔ
اس سے زیاده اسے پابند وفا کیا کرنا

 

دل میں کتنے عہد باندھے تھے بھلانے کے اسے
وہ ملا تو سب ارادے توڑنا اچھا لگا۔

امجد اسلام امجد

 

ہزار طرح کے روگ اس کے ساتھ آتے ہیں
یہ عشق، بے سر و سامان تھوڑی ہوتا ہے​

 

دیکھو کبھی مقتل کبھی گلزار لگے ہے
تصویر عجب کوچۂ دلدار کی نکلی​

 

کعبہ ہو میری نظر میں کیوں نہ عبرت کا مقام
یاد پڑتا ہے کہ یہ گھر تھا کبھی بُت خانہ سا

مرزا محمد تقی بیگ مائل دہلوی
دہلی مٹیا محل | ۱۸۵۰ – ۱۹۳۱
کُلیاتِ مائل حصہ اول

 

شرمِ عصیاں کی ہمیں بھی تو جزا ملتی ہے
زہد و تقویٰ کے جو زاہد کو ثواب آتے ہیں

نواب میر عثمان علی خان آصف جاہ سابع
دکن، حیدرآباد | ۱۸۸۶ – ۱۹۶۷
دیوانِ آصف سابع نظامِ حیدرآباد، جلد اول

 

تعبیر سے محروم میرے خواب بہت تھے
سادہ سی کہانی تھی مگر باب بہت تھے

 

طلسمِ خاک کے پھیلے ہوئے غبار میں ہوں
نہ جانے کون ہوں، کس کے اختیار میں ہوں

 

عجب طلسمِ خموشی تھا گھر کا سناٹا
جو بام و دَر کی شناسائیوں کے بعد کُھلا​

 

کہاں کہاں نہ پھرا رُوئے یار کی خاطر
کہ خواب میں ہی سہی اس کو دیکھتا تو سہی

م م مغل

 

اِس مرحلے کو موت بھی کہتے ہیں دوستو
اِک پل میں ٹُوٹ جائیں جہاں عُمر بھر کے ساتھ
شکیب جلالی

 

میں نے جھیلا ہے کرب لہجوں کا
میں نے دیکھی ہیں خوف کی آنکھیں​

 

ہم ایسے فقیروں کو یوں حیرت سے نہ تکیو
ہم کرب سے گزرے ہیں کرامات سے پہلے
عطاء شاد​

 

اُدھیڑ ڈالے ہیں بخیے مِرے، جدائی نے
کہ کھا گیا ہے تِرا غم کتر کتر کے مجھے​

 

تو ہے محبوبِ خدا، صدقے ہو تجھ پر ناسخؔ
امتیں کیا! ترے تابع ہیں پیمبر لاکھوں

استاد امام بخش ناسخؔ

 

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

وقت کی چارہ گری یوں تو مسلّم ہے مگر
زخم بھی وہ ہے کہ تا عمر دبائے نہ بنے​

 

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

اب ایسی حیرت و وارفتگی کو کیا کہیے
دعا کو ہاتھ اٹھائے، اٹھا کے بھول گیا​