آپ کے پسندیدہ اشعار!

[محمد عدنان اکبری نقیبی]

جن سے انساں کو پہنچتی ہے ہمیشہ تکلیف
ان کا دعویٰ ہے کہ وہ اصل خدا والے ہیں

عبدالحمید عدم

 

[زیرک]

تم یہ کہتے ہو کہ میں غیر ہوں پھر بھی شاید
نکل آئے کوئی پہچان، ذرا دیکھ تو لو
جاوید اختر​

 

[زیرک]

آنے نہ دیتے تھے کبھی ہم دل میں آرزو
پر کیا کریں کہ لے کے تیرا نام آ گئی
جاوید اختر​

 

[زیرک]

اے نئے شخص محبت میں تِرا دوش نہیں
دل کسی پچھلی پریشانی سے بھر آیا ہے
عطا الحسن​

 

[زیرک]

جب تک ماتھا چوم کے رخصت کرنے والی زندہ تھی
دروازے کے باہر تک بھی منہ میں لقمہ ہوتا تھا
اظہر فراغ​

 

[رباب واسطی]

یہ اور بات کہ پھر اپنے گھر نہیں جاتا
کسی کے ہجر میں انسان مر نہیں جاتا

 

[زیرک]

لوٹ آئی ہے تو آ! سینے سے لگ
اے دعائے رائیگاں، خوش آمدید​

 

[محمد عدنان اکبری نقیبی]

مطمئن رہئے یوں ہی خود کو تسلی دیجے
یہی جینا یہی جینے کا ہنر بھی ہوگا

جاوید ندیم

 

[رباب واسطی]

تضحیک و التفات میں رہنے دے کچھ تضاد
یوں دیکھ کر نہ مسکرا،، ذرا مسکرا کے دیکھ

 

[زیرک]

یوں دیکھتا ہے تیرگیِ آب و گِل میں کیا
شعلوں سے کھیل دل کو جلا اور جلا کے دیکھ
فانی بدایونی​

 

[زیرک]

یہ کون شخص ہے؟ اس کو ذرا بلاؤ تو
یہ میرے حال پہ کیوں مسکرا کے گزرا ہے​

 

[زیرک]

امیرِ شہر نے کچرے کا ڈھیر پھینکا ہے
غریبِ شہر ابھی روٹیاں نکالے گا​

 

[زیرک]

ہزار سمتوں سے آئے پتھر، مگر جو دل کے مکیں نے پھینکا
اسی کو خلوت میں چومتا ہوں، کہ لاکھ سجدوں کا یہ صلہ ہے​

 

[زیرک]

ملبے سے نکل آتا ہے آسیب کی مانند
لوگوں کی طرح خوف بھی مر کیوں نہیں جاتا
عباس تابش​

 

[زیرک]

اس قید سے رہائی کی صورت نکالیے
اب اپنے رتجگوں کی جزا چاہیے مجھے​

 

[زیرک]

نامہ بر ان کی زباں کے تو یہ الفاظ نہیں
راستے میں کہیں پیغام بدل جاتا ہے
قمر جلالوی​

 

[رحیض طاہر]

نئی لڑی کیسے ارسال ہوتی ہے
کیا یہ اراکین بھی کر سکتے ہیں؟
راہنمائی فرمائیں

 

[محمد عدنان اکبری نقیبی]

نئی لڑی کیسے ارسال ہوتی ہے
کیا یہ اراکین بھی کر سکتے ہیں؟
راہنمائی فرمائیں

جی رحیض بھائی لڑی کوئی بھی ارسال کرسکتا ہے۔آپ اپنے پسندیدہ زمرے میں لڑی ارسال کرسکتے ہیں ۔

 

[رحیض طاہر]

جی رحیض بھائی لڑی کوئی بھی ارسال کرسکتا ہے۔آپ اپنے پسندیدہ زمرے میں لڑی ارسال کرسکتے ہیں ۔

شکریہ
مگر کیسے کرتے ہیں

 

[محمد عدنان اکبری نقیبی]

شکریہ
مگر کیسے کرتے ہیں

فورم کے صفحے پر جائیں اپنے پسندیدہ زمرہ کو کھولیں ایک جانب اوپر سائٹ میں لڑی ارسال کریں لکھا ہوگا اس پر کک کریں گے تو لڑی بنانے کا صفحہ کھول جائے گا ۔