آپ کے پسندیدہ اشعار!

[زیرک]

مر گیا ہو کوئی بچھڑنے سے
ایک ایسی مثال دے مجھ کو
جون ایلیا​

 

[زیرک]

اداسی، شام، تنہائی، کسک، یادوں کی بے چینی
مجھے سب سونپ کر سورج اتر جاتا ہے پانی میں

 

[زیرک]

دیکھنے سے نشہ سا ہوتا ہے
لائے ہو کیا نگاہ میں بھر کے؟​

 

[محمد عدنان اکبری نقیبی]

رسوا ہوئے ذلیل ہوئے در بدر ہوئے
حق بات لب پہ آئی تو ہم بے ہنر ہوئے

خلیل تنویر

 

[محمد عدنان اکبری نقیبی]

الفت میں برابر ہے وفا ہو کہ جفا ہو
ہر بات میں لذت ہے اگر دل میں مزا ہو

امیر مینائی

 

[محمد عدنان اکبری نقیبی]

کیوں پشیماں ہو اگر وعدہ وفا ہو نہ سکا
کہیں وعدے بھی نبھانے کے لئے ہوتے ہیں

عبرت مچھلی شہری

 

[محمد عدنان اکبری نقیبی]

کیفیت چشم اس کی مجھے یاد ہے سوداؔ
ساغر کو مرے ہاتھ سے لیجو کہ چلا میں

محمد رفیع سوداؔ

 

[رباب واسطی]

چند لمحوں کا ہوا کرتا ہے خوابوں کا سفر
آنکھ کھلتی ہے تو صدیوں کی تھکن ہوتی ہے

 

[رباب واسطی]

آنکھوں سے اک خواب گذرنے والا ہے
کھڑکی سے مہتاب گذرنے والا ہے

 

[سحرش سحر]

ایک ایک کرکے ستاروں کی طرح ڈوب گئے
ہائے......! کیا لوگ مرے حلقہء احباب میں تھے

 

[زیرک]

زخم بھر جاتے، مگر اُف یہ کُھرچنے والے
روز آ جاتے ہیں 'دِکھلائیے! اب کیسے ہیں؟'​

 

[زیرک]

میں نے ہجرت کو چن لیا، صاحب
ساتھ رہنے میں بھی خسارہ تھا​

 

[زیرک]

لوبھیوں کی بستی میں، مایا کے ترازو سے
فیصلہ کرے گا کون، کیا ہے پاپ کیا ہے پُن؟​

 

[زیرک]

صحنِ خیالِ یار میں، کی نہ بسر شبِ فراق
جب سے وہ چاندنا گیا، جب سے وہ چاندنی گئی
جون ایلیا​

 

[زیرک]

آبِ محیطِ عشق کا، بحر عجیب بحر ہے
تَیرے تو غرق ہو گئے، ڈوبے تو پار اتر گئے
عدیم ہاشمی​

 

[زیرک]

عجیب بات ہے، اندھوں کو آ رہا ہے نظر
یہاں جو بہرے ہیں، ان کو سنائی دیتا ہے
زاہد توقیر​

 

[سردار محمد نعیم]

‏دشمنی لاکھ سہی ختم نہ کیجے رشتہ
دل ملے یا نہ ملے ہاتھ ملاتے رہیے

ندا فاضلی

 

[زیرک]

خیال اپنا ، مزاج اپنا ، پسند اپنی ، کمال کیا ہے
جو یار چاہے وہ حال اپنا بنا کے رکھنا، کمال یہ ہے​

 

[محمد عدنان اکبری نقیبی]

کون فریاد کرے گا کسے جرأت ہوگی
حشر میں پیش نظر جب تری صورت ہوگی

شعلہ کراروی

 

[محمد عدنان اکبری نقیبی]

زندگی کیا ہے آج اسے اے دوست
سوچ لیں اور اداس ہو جائیں

فراق گورکھپوری