آپ کے پسندیدہ اشعار!

[زیرک]

مانگ لیتے ہیں روز ہی سانسیں
دیکھئے! کب تلک ادھار چلے​

 

[جان]

ان رس بھری آنکھوں میں حیا کھیل رہی ہے
دو زہر کے پیالوں پہ قضا کھیل رہی ہے
اختر شیرانی

 

[جان]

جو تمنا بر نہ آئے عمر بھر
عمر بھر اس کی تمنا کیجئے

عشق کی رنگینیوں میں ڈوب کر
چاندنی راتوں میں رویا کیجئے

اختر شیرانی

 

[جان]

وہ کہتے ہیں رنجش کی باتیں بھلا دیں
محبت کریں خوش رہیں مسکرا دیں
اختر شیرانی

 

[جان]

جوانی ہو گر جاودانی تو یا رب
تری سادہ دنیا کو جنت بنا دیں
اختر شیرانی

 

[زیرک]

خوف آتا ہے اپنے ہی گھر سے
ماہِ شب تاب کے نکلتے ہی
منیرنیازی

 

[زیرک]

ہمارے بعد ترے عشق میں نئے لڑکے
بدن تو چومیں گے زلفیں نہیں سنواریں گے

 

[فرقان احمد]

صبح سے شام تک میری دُنیا
ایک منظر ہے اُس کی رخصت کا

شاعر: جون ایلیا

 

[رباب واسطی]

‏اُس کی نظر کے سنگ سے میں آئینہ مثال
ٹُوٹا تو ، ٹُوٹ کر بھی۔۔۔۔۔اُسے دیکھتا رہا

 

[رباب واسطی]

ہم دشت نشینوں پہ کھلا شہر میں آکر
یہ لوگ جو آباد ہیں ویران بہت ہیں

 

[زیرک]

شہرِ وفا میں دھوپ کا ساتھی نہیں کوئی
سورج سروں پہ آیا تو سائے بھی گھٹ گئے​

 

[رباب واسطی]

توڑنے والے تیرے دستِ ہُنر سے گِر کر
ایسے ٹوٹے ہیں کہ شاہکار ہوئے جاتے ہیں

 

[زیرک]

خواہشوں نے یتیمی کاٹی ہے
الفتیں، کمسنی سے بیوہ ہیں​

 

[زیرک]

مجھے رکھ گرفتِ فریب میں
ترا جھوٹ بھی مجھے راس ہے​

 

[زیرک]

ساتھ جس روز سے چھوٹا ہے کسی کا آذر
جیسے کمرے کی ہر اک چیز ڈراتی ہے مجھے

 

[زیرک]

تُو بچھڑا تھا، تو پھر مرنا بنتا تھا
لیکن ہم نے ساری عمر گزاری بھی
میثم علی آغا​

 

[زیرک]

موضوعِ گفتگو تھی مِری خامشی کہیں
جو زہر پی چکا تھا اُگلنا پڑا مجھے​

 

[زیرک]

رفاقتوں سے مَرا ہوں مسافتوں سے نہیں
سفر وہی تھا، مگر ہم سفر نہ تھے ایسے​

 

[زیرک]

قابلِ شرم ہے، مگر سچ ہے
کچھ نہ بدلا تِری کمی نے بھی
علی زریون​

 

[رباب واسطی]

ایسا کہاں نصیب تھا میرا کہ بزم میں
میری بھی کھینچتا کوئ تصویر تیرے ساتھ

قمر زیدی