آپ کے پسندیدہ اشعار!

[سردار محمد نعیم]

لو ہم مریض عشق کے بیمار دار ہیں
اچھا اگر نہ ہو تو مسیحا کا کیا علاج
. . . . . غالب . . . . .

 

[سردار محمد نعیم]

جان انکی ہے دل انکا ہم انکے ہیں سب انکا
وہ لینگے تو کیا لینگے ہم دینگے تو کیا دینگے

. . . . . . بیدم شاہ وارثی۔۔ . . . . .

 

[رباب واسطی]

ہم کو ہر دور کی گردش نے سلامی دی ہے
ہم وہ پتھر ہیں جو ہر دور میں بھاری نکلے

محسنؔ نقوی

 

[زارا آریان]

ویراں‌ کدۂ دہر میں کیا رکھا ہے منذرؔ
کچھ درد کے افسانے تو کچھ ٹوٹے ہوئے دل

بشیر منذر ( بشیر احمد )
گجرات، پاکستان | ۱۹۲۵ – ۱۹۹۰

 

[محمد عدنان اکبری نقیبی]

گرمی لگی تو خود سے الگ ہو کے سو گئے
سردی لگی تو خود کو دوبارہ پہن لیا

بیدل حیدری

 

[محمد عدنان اکبری نقیبی]

تھوڑی سردی ذرا سا نزلہ ہے
شاعری کا مزاج پتلا ہے

محمد علوی

 

[محمد عدنان اکبری نقیبی]

افتادگان راہ کے دل پر لگے گی چوٹ
منزل پہ جا کے قافلے آواز یوں نہ دیں

ادریس احمد دوراں

 

[جاسمن]

یہ ہنر بھی بڑا ضروری ہے
کتنا جھک کر کسے سلام کرو

حفیظ میرٹھی

واہ واہ!

 

[رباب واسطی]

نہ اب وہ یادوں کا چڑھتا دریا، نہ فرصتوں کی اداس برکھا
یونہی ذرا سی کسک ہے دل میں، جو زخم گہرا تھا بھر گیا وہ

ناصر کاظمی

 

[سردار محمد نعیم]

داغوں کی اپنے کیوں نہ کرے درد، پرورش
ہر باغباں کرے ہے گلستاں کی احتیاط

. . . . . . خواجہ میر درد . . . . . .

 

[رباب واسطی]

کمال خوبیِٗ تقدیر ہے بشر ہونا
زمیں پہ رہ کے زمانے میں معتبر ہونا
فلک پہ جا کے پلٹنا ہمیں بتاتا ہے
فراز عرش سے بہتر ہے خاک پر ہونا

پروفیسر حسن عسکری کاظمی

 

[زارا آریان]

خوئے وفا مِلی، دلِ درد آشنا مِلا
کیا رہ گیا ہے اور جو مانگیں خُدا سے ہم

عرشؔ ملسیانی ( بال مکند )
جالندھر، ملسیان | ۱۹۰۷ – ۱۹۷۹
بحوالہ کتاب ۔ رُوحِ غزل

 

[محبوب الحق]

"تُم " میں جو لُطف پنہاں وہ کہاں "آپ" میں ہے
"آپ" دوری کا تکلُف "تُو" محبت کا پیام​

 

[محمد عدنان اکبری نقیبی]

زمیں پہ لوٹ کے جانا ہے اگر ! ایسے میں
نمٹ نہ لوں میں ذرا آسمان سے پہلے ؟

اسد منٹو

 

[محمد عدنان اکبری نقیبی]

ہم تو انسان ہیں آ جائے فرشتے کا بھی دل
کچھ عجب چیز جگرؔ حسنِ بشر ہوتا ہے

جگرؔ بسوانی

 

[La Alma]

درد و غم دل کی طبیعت بن گئے
اب یہاں آرام ہی آرام ہے​

 

[سردار محمد نعیم]

تجھے یہ غم کہ مری زندگی کا کیا ہو گا
مجھے یہ ضد کہ مداوا نہ کر سکے تو بھی

۔ . . . ناصر کاظمی . . . . .

 

[رباب واسطی]

مسکرا کر خطاب کرتے ہو
عادتیں یوں خراب کرتے ہو

(شاعر:نامعلوم)

 

[فرقان احمد]

پاسِ ناموسِ عشق تھا ورنہ
کتنے آنسو پلک تک آئے تھے

میر

 

[سردار محمد نعیم]

ناداں ہو جو کہتے ہو کہ کیوں جیتے ہیں غالبؔ
قسمت میں ہے مرنے کی تمنا کوئی دن اور
۔ ۔ ۔ ۔ ۔ ۔ ۔ غالب ۔ ۔ ۔ ۔ ۔ ۔ ۔