آپ کے پسندیدہ اشعار!

[رباب واسطی]

وہ قحط دوستی کا پڑا ہے کہ ان دنوں
جو مسکرا کے بات کرے آشنا لگے

قتیل شفائی

 

[محمد عدنان اکبری نقیبی]

کون غرقاب کرے جسم کے کچے گھر کو
پھینک آتا ہوں سمندر کے کنارے آنسو

بیدل حیدری

 

[محمد عدنان اکبری نقیبی]

اپنے ہونے کی خبر کس کو سناؤں ساگر
کوئی زندہ ہو تو میں اس سے کہوں زندہ ہوں

سلیم ساگر

 

[محمد عدنان اکبری نقیبی]

ہائے جی بھر کے نہ دیکھا دل میں حسرت رہ گئی
ہم تڑپتے رہ گئے ، پہلو سے قاتل اُٹھ گیا

صفی لکھنوی

 

[محمد عدنان اکبری نقیبی]

مرے طائرِ نفس کو نہیں باغباں سے رنجش
مِلے گھر میں آب و دانہ تو یہ دام تک نہ پہنچے

شکیل بدایونی

 

[سحرش سحر]

ّ یہ دیس ہے اندھے لوگو ں کا
اے چاند یہاں نہ نکلا کر

 

[محبوب الحق]

ّ یہ دیس ہے اندھے لوگو ں کا
اے چاند یہاں نہ نکلا کر

واہ

 

[سحرش سحر]

غم کی تشریح بہت مشکل تھی
اپنی تصویر دکھا دی ہم نے

 

[محبوب الحق]

غم کی تشریح بہت مشکل تھی
اپنی تصویر دکھا دی ہم نے

بہت خوب

 

[محمد عدنان اکبری نقیبی]

پھر اس کو پاؤں مرا انتظار کرتے ہوئے
پھر اس مکان کا دروازہ ادھ کھلا دیکھوں

محمد علوی

 

[محمد عدنان اکبری نقیبی]

شوق میں ضبط ہے ملحوظ مگر کیا معلوم
کس گھڑی بے خبر سود و زیاں ہو جاؤں

سراج الدین ظفر

 

[محمد عدنان اکبری نقیبی]

بلا ہی بیٹھے جب اہل حرم تو اے مجروحؔ
بغل میں ہم بھی لیے اک صنم کا ہاتھ چلے

مجروح سلطانپوری

 

[محمد عدنان اکبری نقیبی]

اہل طوفاں بے حسی کا گر یہی عالم رہا
موج خوں بن کر ہر اک سر سے گزر جائے گی رات

سرور بارہ بنکوی

 

[محمد عدنان اکبری نقیبی]

کب لوٹا ہے بہتا پانی بچھڑا ساجن روٹھا دوست
ہم نے اس کو اپنا جانا جب تک ہاتھ میں داماں تھا

ابن انشاء

 

[محمد عدنان اکبری نقیبی]

شکن نہ ڈال جبیں پر شراب دیتے ہوئے
یہ مسکراتی ہوئی چیز مسکرا کے پلا

عبد الحمید عدم

 

[محمد عدنان اکبری نقیبی]

دھواں بھرا ہے یہاں تو سبھی کی آنکھوں میں
کسی کو گھر مرا جلتا نظر نہیں آتا

وسیم بریلوی

 

[فرقان احمد]

خلشِ ہجرِ دائمی نہ گئی
تیرے رُخ سے یہ بے رُخی نہ گئی

پُوچھتے ہیں کہ، کیا ہُوا دل کو ؟
حُسن والوں کی سادگی نہ گئی

سر سے سودا گیا محبّت کا !
دِل سے پر اُس کی بے کلی نہ گئی

اور سب کی حکایتیں کہہ دیں
بات اپنی کبھی کہی نہ گئی

ہم بھی گھر سے مُنیر تب نِکلے
بات اپنوں کی جب سُنی نہ گئی

منیر نیازی

 

[رباب واسطی]

وہ سمندر ہے تو پھر روح کو شاداب کرے
تشنگی کیوں مجھے دیتا ہے سرابوں کی طرح

پروین شاکر

 

[محمد عدنان اکبری نقیبی]

آج تو مل کے بھی جیسے نہ ملے ہوں تجھ سے
چونک اٹھتے تھے کبھی تیری ملاقات سے ہم

جاں نثار اختر

 

[محمد عدنان اکبری نقیبی]

چھوڑنا ہے تو نہ الزام لگا کر چھوڑو
کہیں مل جاؤ تو پھر لطف ملاقات رہے

لالہ مادھو رام جوہر