آج کا شعر - 5

[محمد عادل عزیز]

سامنا آج انا سے ہوگا ۔۔۔۔
بات رکھنی ہے تو سر دے دینا

کالی داس گپتا رضا

 

[محمد عادل عزیز]

وہ جھوٹ بول رہا تھا بڑے سلیقے سے
میں اعتبار نہ کرتا تو اور کیا کرتا

وسیم بریلوی

 

[showbee]

بولنے پہ پابندی
سوچنے پہ تعزیریں
پاؤں میں غلامی کی
آج بھی ہیں زنجیریں
آج حرفِ آخر ہے
بات چند لوگوں کی
دن ہے چند لوگوں کا
رات چند لوگوں کی
اُٹھ کے دردمندوں کے
صبح و شام بدلو بھی
جس میں تم نہیں شامل
وہ نظام بدلو بھی
اٹھارہ کروڑ انسانو
کاش تم کبھی جانو
دوستوں کو پہچانو
دشمنوں کو پہچانو
اے خموش طوفانو
چلتے پھرتے زندانو
زندگی سے بیگانو
ملک کے نگہبانو
اٹھارہ کروڑ انسانو

 

[showbee]

اٹھارہ کروڑ انسانو
بولنے پہ پابندی
سوچنے پہ تعزیریں
پاؤں میں غلامی کی
آج بھی ہیں زنجیریں
آج حرفِ آخر ہے
بات چند لوگوں کی
دن ہے چند لوگوں کا
رات چند لوگوں کی
اُٹھ کے دردمندوں کے
صبح و شام بدلو بھی
جس میں تم نہیں شامل
وہ نظام بدلو بھی
اٹھارہ کروڑ انسانو
کاش تم کبھی جانو
دوستوں کو پہچانو
دشمنوں کو پہچانو
اے خموش طوفانو
چلتے پھرتے زندانو
زندگی سے بیگانو
ملک کے نگہبانو
اٹھارہ کروڑ انسانو

 

[showbee]

واجب ہے - واجب ہے-
جس دیس سے قاتل غنڈوں کو
اشرار چھڑاکر لے جائیں
جس دیس کی کورٹ کچہری میں
انصاف ٹکوں پر بکتا ہو
جس دیس کا منشی قاضی بھی
مجرم سے پوچھکے لکھتا ہو
جس دیس کے چپے چپے پر
پولیس کے ناکے ہوتے ہوں
جس دیس کے مسجد میں
ہر روز دھماکے ہوتے ہوں
جس دیس میں جاں کے رکھوالے
خود جانیں لیں معصوموں کی
جس دیس حاکم ظالم ہوں
سسکیاں نہ سنیں مجبوروں کی
جس دیس کے عادل بہرے ہوں
آہیں نہ سنیں معصوموں کی
جس دیس میں بنت حوا کی
چادر داغ سے میلی ہو
جس دیس میں آٹے چینی کا
بحران فلک تک جا پہنچے
جس دیس میں بجلی پانی کا
فقدان حلق تک جا پہنچے
جس دیس میں دولت شرفاء سے
ناجائز کام کراتی ہو
جس دیس کے عہدیداروں سے
عہدے نہ سنبھالے جاتے ہوں
اس دیس کے رہنے والوں پر
ہتھیار اٹھانے واجب ہیں
اس دیس کے ہر اک لیڈر کو
سولی پہ چڑھانا واجب ہے

 

[محمد عادل عزیز]

گر اختلاف تھا منظرؔ تو بھی بیاں کرتے
ذرا سی بات کو کیوں داستاں بنایا ہے

محمد علی منظر

 

[محمد عادل عزیز]

دل ہو حساس تو جینے میں بہت گھاٹا ہے
میں نے خود اپنے ہی زخموں کا لہو چاٹا ہے

مظفر وارثی

 

[محمد عادل عزیز]

جہاں میں امن کیسے پھیلتا ہے کیسے پھیلے گا
وہ سب کو تیر سے تلوار سے سمجھاتے رہتے ہیں

نعمان شوق

 

[محمد عادل عزیز]

سچ کو کاغذ پہ اترنے میں ہو خطرہ شاید
میری سوچی ہوئی ہر بات زبانی لے جا

سریندر شجر

 

[showbee]

مانگ لے کوئی یاد پتھر سے
وقت پتھرا گیا ہے پتھر میں

 

[محمد عادل عزیز]

کبھی آتشِ غمِ عشق تھی کبھی آتشِ غمِ زندگی
مرے دل میں آگ لگی رہی کٹی عمر سوز و گداز میں

شمس زبیری

 

[محمد عادل عزیز]

ہو گئے چپ ہمیں پاگل کہہ کر
جب کسی نے بھی نہ سمجھا ہم کو

باقی صدیقی

 

[showbee]

کوئے جاناں میں سوگ برپا ہے
کہ اچانک سُدھر گیا ہوں میں - - -

 

[اوشو]

زندگی تیرے تعاقب میں یہ لوگ
اتنا چلتے ہیں کہ مر جاتے ہیں

 

[محمد عادل عزیز]

کروں گا کیا جو محبت میں ہوگیا ناکام
مجھے تو اور کوئی کام بھی نہیں آتا

غلام محمد قاصر

 

[showbee]

بارِش شرابِ عرش ہے یہ سوچ کر عدم
بارش کے سب حروف کو اُلٹا کے پی گیا

 

[showbee]

چل پڑا ہوں میں زمانے کے اصولوں پہ محسن
میں اب اپنی ہی باتوں سے مُکر جاتا ہوں

 

[showbee]

جلانے آگ جوٖآئے تھے آشیانے کو
وہ شعلے اپنے لہو سے بجھادیے تو نے
بچالیا ہے یتیمی سے کتنے پھولوں کو
سہاگ کتنی بہاروں کے رکھ لیے تو نے
اے راہِ حق کے شہیدو - وفا کی تصویرو
تمہیں وطن کی ہوائیں سلام کرتی ہیں

 

[showbee]

یہ اُٹھان غازیانہ
یہ اُڑان فاتحانہ
تیرے شہپروں کے نیچے
یہ زمین یہ زمانہ
اِسی شان سے اڑے جا
زا ستارہ تا ستارہ
سرِصحن نیک بہنیں
لبِ بام پاک مائیں
باحضورِحقِ اتعلی
تیرے نام کی دعائیں
اِسی شان سے اڑے جا
زا ستارہ تا ستارہ

 

[محمد عادل عزیز]

سب کرو اپنے اپنے کام کہ میں
دکھ اٹھاتا ہوں اپنی فرصت کے

جون ایلیاء