الوداعی تقریب اردو محفل فورم: ماضی، حال اور مستقبل

[رضوان راز]

بس دو چار لوگ پسندیدہ اشعار کاپی پیسٹ کرنے اور چند منٹوں کے لیے الف بے جیم کھیلنے آیا کرتے تھے۔ جمود کی کیفیت روز بروز بڑھتی ہی جا رہی تھی۔ چنانچہ یہ سارے آثار تو دروازہ بند ہونے ہی کے تھے۔

بجا ارشاد

 

[عبدالقدیر 786]

چند روز پہلے احمد بھائی نے یہ خبر بھیجی تو ایک دھچکا سا لگا حالانکہ یہ خبر اتنی بھی غیر متوقع نہیں تھی۔ نوشتۂ دیوار تو ایک عرصے سے سامنے تھا۔محفل ویسے بھی ایک عرصے سے آٹو پائلٹ بلکہ بغیر پائلٹ کے چل رہی تھی۔ فعال محفلین ایک ایک کرکے جا چکے تھے۔ بس دو چار لوگ پسندیدہ اشعار کاپی پیسٹ کرنے اور چند منٹوں کے لیے الف بے جیم کھیلنے آیا کرتے تھے۔ جمود کی کیفیت روز بروز بڑھتی ہی جا رہی تھی۔ چنانچہ یہ سارے آثار تو دروازہ بند ہونے ہی کے تھے۔
یہ اک اشارہ ہے آفاتِ ناگہانی کا
کسی جگہ سے پرندوں کا کوچ کرجانا
بیشک محفل درودیوار میں مقید کسی عمارت کا نام نہیں ہوتا بلکہ اس کا وجود اور رونق محفل میں آنے والوں کی گفت و شنید اور سرگرمیوں میں شرکت سے مشروط ہوتی ہے۔ یہ حقیقت انٹرنیٹ کی محفلوں پر تو اور بھی زیادہ صادق آتی ہے۔ چنانچہ آپ کا یہ فیصلہ اگرچہ دل شکن نظر آتا ہے لیکن اس کے سیاق و سباق کو دیکھیں تو بالکل قابلِ فہم ہے۔

آپ کی بات صد فی صد درست ہے ۔

 

[سید عاطف علی]

۔

 

[فرخ منظور]

۔

کچھ نہ کہو، کچھ بھی نہ کہو
کیا کہنا ہے کیا سننا ہے
تم کو پتا ہے، ہم کو پتا ہے
سمے کا یہ پل تھم سا گیا ہے
اور اس پل میں کوئی نہیں ہے

 

[سید عاطف علی]

ہائے ہائے فرخ بھائی !!!
یوں تو محفل میں ایک سے بڑھ کر ایک نابغہ روزگار بیٹھے ہیں ہر بات ہر اشارہ سمجھ لیتے ہیں ۔ لیکن۔
۔۔۔۔۔
خاموشیوں کو سمجھنے والے پھر بھی چند ہی ہیں ۔

 

[نبیل]

محفل پر ایک عرصے سے جاری لایعنی اور بے جہت سرگرمیوں کو یہیں روک کر مقفل کر دینا اور پچھلے بیس سالوں پر محیط مفید ، معیاری اور تعمیراتی مواد کو دائمی استفادے کے لیے محفوظ کر دینا بہت ہی معقول فیصلہ ہے۔ مجھے یقین ہے کہ محفل کو "رِیڈ اونلی" صورت میں برقرار رکھنے کے لیے بھی سالانہ اخراجات کا کچھ نہ کچھ بوجھ آپ کے کاندھوں پر باقی رہے گا۔ اس کے لیےمجھ سمیت تمام محفلین کی جانب سے پیشگی شکریہ اور تعاون کی پیشکش لازم ہے۔ ا

شکریہ ظہیر بھائی۔ پلان کچھ اس طرح کا ہے کہ فورم کو ریڈ اونلی موڈ میں ڈال کر اسے آرکائیو ڈاٹ آرگ میں محفوظ کروا لیا جائے۔ اس کےبعد اس ریڈ اونلی موڈ سے بھی چھٹکارا حاصل کیا سکے گا اور فورم کا تمام مواد انٹرنیٹ کی ٹائم مشین میں محفوظ ہو جائے گا۔ جہاں تک آرکائیو ڈاٹ آرگ پر آرکائیونگ کا تعلق ہے تو اس کے لیے ہمارے تعلقات کام آئیں گے۔
اتفاق سے اردو ویب کے روح رواں آرکائیو ڈاٹ کے بھی کرتا دھرتا ہیں۔
فورم کا مواد آرکائیو کرنے کے لیے اس کا سائٹ میپ استعمال ہوگا۔ موجودہ سائٹ میپ میں تمام انفارمیشن کا احاطہ نہیں ہو رہا ہے۔ اسے قدرے ترمیم کے ساتھ جنریٹ کرنے کی ضرورت ہوگی۔ ہمارا گول یہ ہوگا کہ تمام پبلک زمرہ جات کے مراسلات آرکائیوکر لیے جائیں۔ اس سلسلے میں پیشرفت سے ہم آگاہ کرتے رہیں گے۔

 

[فاخر]

یہ کیا بات ہوگ ئی، یہ اطلاع دیکھ کر تو میرا ہی بیٹھ گیا۔
خیر، یہ بات بھی ہے کہ اردو محفل فورم نے اپنا بہت کچھ کام کردیا ہے۔ جس كا اعتراف خود اردو دُنیا كو ہے ۔
میرا اس فورم سے تعلق تقریباً پانچ سالوں سے ہے، اس دوران بہت کچھ سیکھنے کو ملا، جن احباب سے مجھے کچھ سیکھنے کو ملا ان کا تہہ دل سے مشکور ہوں۔ اب جب کہ منتظمین نے اس فورم کو مکمل طور پر بند کرنے کا اعلان کر ہی دیا ہے، تو ان کا فیصلہ منظور ہے۔
البتہ محفل کی پر بہار رونقیں ہمیشہ یاد رہیں گی، وہ تمام احباب فرداً فرداً یاد آتے رہیں گے، جن سے شناسا ئی تھی، اور ان سے يك گونہ تعلق تھا
بالخصوص سرحد پارکے @ محمدعدنان اكبری نقیبی صاحب، بھائی @ سيد عاطف علي الف نظامی
@ محمدتابش صديقي محترمہ بڑی آپا@ سیماعلی اور جاسمن صاحبہ ہمیشہ یاد آ ئیں گے۔
اللہ تعالیٰ تمام محفلین كے ساتھ خیر و عافیت كا معاملہ فرمائے‏، جو جہاں بھی ہوں‏، اپنے اپنے شعبہ میں خدمات انجام دیتے رہیں۔
والسلام
جنگ كے خدشات كے دور میں سرحد پار سے پیار ‏، تكریم‏، محبت ‏، اور سلام
احمد فاخر

 

[نبیل]

برادرم @نبیل ، اس ضمن میں چند سوالات میرے ذہن میں آ رہے ہیں۔ آپ سے درخواست ہے ہے کہ مختصراً ہی سہی لیکن ان پر اپنی رائے سے ضرور مطلع کیجیے۔ پہلا سوال تو یہ کہ آیا تکنیکی طور پر یہ ممکن ہوگا کہ مستقبل میں محفل کو مطالعاتی موڈ سے نکال کر دوبارہ فعال بنایا جا سکے؟ اور اگر یہ ممکن ہے تو اس کے لیے جس قسم کی تکنیکی مہارت اور سپورٹ کی ضرورت ہو گی کیا وہ عام دستیاب ہے؟ نیز یہ کہ مستقبل میں محفلین کی کوئی ٹیم اگر اس کی تمام تر ذمہ داریاں اٹھا کر محفل کو دوبارہ فعال بنانا چاہے تو اس کے کیا امکانات ہیں؟ (اس میں سب پہلا سوال تو ظاہر ہے کہ آپ کی رضامندی کا ہو گا۔)
ان سوالات کے پیچھے جو خیال کارفرما ہے وہ میرا یہ گمان ہے کہ جلد یا بدیر محبانِ اردو اور شائقینِ اردو سوشل میڈیا سے منہ موڑ کر شاید اردو محفل جیسے سنجیدہ اور شائستہ مزاج فورموں کی ضرورت محسوس کریں۔ (دل کے بہلانے کو غالبؔ یہ خیال اچھا ہے!)

ظہیر بھائی، مکمل فورم کو کسی وقت اور کہیں بھی ریسٹور کیا جا سکتا ہے۔ اس وقت بھی میرے پاس ٹیسٹنگ اور ڈیویلپمنٹ کے مقصد کے لیے محفل فورم کی کئی کاپیاں رن ہو رہی ہیں۔جہاں تک مخصوص زمرہ جات کے مواد کو ریسٹور کرنے کا تعلق ہے تویہ بظاہر زیادہ مشکل معلوم نہیں ہوتا، لیکن یہ علم نہیں کہ اس سے کیا حاصل ہو سکتا ہے۔ آپ کا اشارہ اگر سنجیدہ اور موضوعاتی فورمز کو چلانے کی جانب ہے تو ہم نے کافی عرصے پہلے ایسا کانسپٹ ڈیویلپ کیا تھا جس میں موجودہ فورم کی جگہ نئے سرے سے موضوعاتی فورمز کے اجراء کے بارے میں بات کی گئی تھی۔ یہ ڈسکشن بھی اسی فورم پر کہیں موجود ہے۔ بلکہ ہم نے ایک فورم سوفٹویر ڈسکورس کی اس سلسلے میں کامیاب ٹیسٹنگ بھی کی تھی۔ تکنیکی نکتہ نظر سے فورم محض چند گھنٹے میں سیٹ اپ ہو سکتا ہے۔ اصل چیلنج افرادی قوت کی دستیابی کا رہا ہے، جس کا کوئی فوری حل نظر نہیں آتا۔

 

[محمد عدنان اکبری نقیبی]

یہ کیا بات ہوگ ئی، یہ اطلاع دیکھ کر تو میرا ہی بیٹھ گیا۔
خیر، یہ بات بھی ہے کہ اردو محفل فورم نے اپنا بہت کچھ کام کردیا ہے۔ جس كا اعتراف خود اردو دُنیا كو ہے ۔
میرا اس فورم سے تعلق تقریباً پانچ سالوں سے ہے، اس دوران بہت کچھ سیکھنے کو ملا، جن احباب سے مجھے کچھ سیکھنے کو ملا ان کا تہہ دل سے مشکور ہوں۔ اب جب کہ منتظمین نے اس فورم کو مکمل طور پر بند کرنے کا اعلان کر ہی دیا ہے، تو ان کا فیصلہ منظور ہے۔
البتہ محفل کی پر بہار رونقیں ہمیشہ یاد رہیں گی، وہ تمام احباب فرداً فرداً یاد آتے رہیں گے، جن سے شناسا ئی تھی، اور ان سے يك گونہ تعلق تھا
بالخصوص سرحد پارکے @ محمدعدنان اكبری نقیبی صاحب، بھائی @ سيد عاطف علي الف نظامی
@ محمدتابش صديقي محترمہ بڑی آپا@ سیماعلی اور جاسمن صاحبہ ہمیشہ یاد آ ئیں گے۔
اللہ تعالیٰ تمام محفلین كے ساتھ خیر و عافیت كا معاملہ فرمائے‏، جو جہاں بھی ہوں‏، اپنے اپنے شعبہ میں خدمات انجام دیتے رہیں۔
والسلام
جنگ كے خدشات كے دور میں سرحد پار سے پیار ‏، تكریم‏، محبت ‏، اور سلام
احمد فاخر

فاخر بھائی اللہ کریم آپ کی اردو محفل اور محفلین سے پر خلوص محبت سلامت رکھیں۔آمین

 

[نیرنگ خیال]

السلام علیکم
جاسمن اور @ محب علوی نے بریکںگ نیوز دی ورنہ مجھے تو شاید سب کو اللہ حافظ کہنے کا بھی موقع نہ ملتا۔
اداس کرنے والی خبر یے۔ یہ ایک ایسا ٹھکانا تھا کہ چاہے مہینوں یا برسوں بعد بھی آنا ہوا تو ایسا ہی محسوس ہوا گویا کہیں گئے ہی نہیں تھے۔
اللہ تعالیٰ محفل کے برخواست ہونے کے بعد بھی محفلین کی محفلیں آباد رکھے ۔ آمین

آپ کی تشریف آوری بھی ہوئی۔۔۔

 

[نیرنگ خیال]

ان سوالات کے پیچھے جو خیال کارفرما ہے وہ میرا یہ گمان ہے کہ جلد یا بدیر محبانِ اردو اور شائقینِ اردو سوشل میڈیا سے منہ موڑ کر شاید اردو محفل جیسے سنجیدہ اور شائستہ مزاج فورموں کی ضرورت محسوس کریں۔ (دل کے بہلانے کو غالبؔ یہ خیال اچھا ہے!)

آپ کی اس بات سے بےاختیار یہ شعر یادآیا۔۔۔ حالانکہ بےمحل ہے۔۔۔

جِس طرح لختِ جِگر ماؤں سے جا ملتے ہیں!
ہم بھی مرتے ہیں تو پھر گاؤں سے جا ملتے ہیں
شناور اسحاق

 

[نیرنگ خیال]

اصل چیلنج افرادی قوت کی دستیابی کا رہا ہے، جس کا کوئی فوری حل نظر نہیں آتا۔

کوچہ آلکساں والوں کو ہی خبر کی ہوتی۔۔۔

 

[ظہیراحمدظہیر]

شکریہ ظہیر بھائی۔ پلان کچھ اس طرح کا ہے کہ فورم کو ریڈ اونلی موڈ میں ڈال کر اسے آرکائیو ڈاٹ آرگ میں محفوظ کروا لیا جائے۔ اس کےبعد اس ریڈ اونلی موڈ سے بھی چھٹکارا حاصل کیا سکے گا اور فورم کا تمام مواد انٹرنیٹ کی ٹائم مشین میں محفوظ ہو جائے گا۔ جہاں تک آرکائیو ڈاٹ آرگ پر آرکائیونگ کا تعلق ہے تو اس کے لیے ہمارے تعلقات کام آئیں گے۔
اتفاق سے اردو ویب کے روح رواں آرکائیو ڈاٹ کے بھی کرتا دھرتا ہیں۔
فورم کا مواد آرکائیو کرنے کے لیے اس کا سائٹ میپ استعمال ہوگا۔ موجودہ سائٹ میپ میں تمام انفارمیشن کا احاطہ نہیں ہو رہا ہے۔ اسے قدرے ترمیم کے ساتھ جنریٹ کرنے کی ضرورت ہوگی۔ ہمارا گول یہ ہوگا کہ تمام پبلک زمرہ جات کے مراسلات آرکائیوکر لیے جائیں۔ اس سلسلے میں پیشرفت سے ہم آگاہ کرتے رہیں گے۔

بہت شکریہ! آپ نے بہت اچھی طرح سے وضاحت کردی۔ آپ کا اور سعود بھائی کا بہت بہت شکریہ کہ اردو کے اس عظیم علمی وادبی خزینے کو آئندہ نسلوں کے لیے محفوظ رکھنے کی خاطر پس پردہ اتنی محنت سے کام کرر ہے ہیں۔ اللہ کریم آپ صاحبان کو اجرِ خیر عطا فرمائے اور اپنی رحمت و برکت سے نوازے۔ آمین۔

 

[ظہیراحمدظہیر]

ظہیر بھائی، مکمل فورم کو کسی وقت اور کہیں بھی ریسٹور کیا جا سکتا ہے۔ اس وقت بھی میرے پاس ٹیسٹنگ اور ڈیویلپمنٹ کے مقصد کے لیے محفل فورم کی کئی کاپیاں رن ہو رہی ہیں۔جہاں تک مخصوص زمرہ جات کے مواد کو ریسٹور کرنے کا تعلق ہے تویہ بظاہر زیادہ مشکل معلوم نہیں ہوتا، لیکن یہ علم نہیں کہ اس سے کیا حاصل ہو سکتا ہے۔ آپ کا اشارہ اگر سنجیدہ اور موضوعاتی فورمز کو چلانے کی جانب ہے تو ہم نے کافی عرصے پہلے ایسا کانسپٹ ڈیویلپ کیا تھا جس میں موجودہ فورم کی جگہ نئے سرے سے موضوعاتی فورمز کے اجراء کے بارے میں بات کی گئی تھی۔ یہ ڈسکشن بھی اسی فورم پر کہیں موجود ہے۔ بلکہ ہم نے ایک فورم سوفٹویر ڈسکورس کی اس سلسلے میں کامیاب ٹیسٹنگ بھی کی تھی۔ تکنیکی نکتہ نظر سے فورم محض چند گھنٹے میں سیٹ اپ ہو سکتا ہے۔ اصل چیلنج افرادی قوت کی دستیابی کا رہا ہے، جس کا کوئی فوری حل نظر نہیں آتا۔

مجھے یاد پڑتا ہے کہ تین چار سال پہلے آپ کی طرف سے محفل کو موضوعاتی اعتبار سے کئی ذیلی فورمز میں بانٹنے کی بات ہوئی تھی۔ میں یہاں اپنی گنڈے دار حاضری کی وجہ سے شاید اس گفتگو کو پوری طرح پڑھ نہیں سکا۔ سو مجھے نہیں معلوم کہ وہ گفتگو کہاں منتج ہوئی۔
میرا مشاہدہ یہ رہا ہے کہ اکثر محفلین عموماً اپنی اپنی پسند کے زمروں ہی میں سرگرمی دکھاتے ہیں ( ماسوائے چند ایک کے جو شعر و ادب، سیاست ، معاشرت ، مذہب ہر قسم کے مباحث میں شریک ہوتے ہیں)۔ میری سرگرمی اکثر و بیشتر شعر و ادب اور لسانیات کے زمروں میں ہوتی تھی۔ سومیرے ذہن میں ہمیشہ یہ خیال آتا تھا کہ اگر کوئی ایسا فورم یا ذیلی فورم وجود میں آجائے کہ جہاں اردو زبان سے متعلق سنجہدہ کام کرنے والوں کو ایک جگہ جمع کردیا جائے تو وہ اردو کے لیے بہت مفید ثابت ہوسکتا تھا ۔ دوسال پہلے میں سرور بھائی کو اسی مقصد کے تحت کھینچ کر یہاں لایا تھا لیکن گپ شپ ، کھیل کود ، سیاست ، مذہب اور دیگر موضوعات کی لڑیوں کے درمیان شعر و ادب کہیں دب کر رہ گئے تھے اور پھر محفلین نے بھی انہیں انگیج کرنے میں کچھ زیادہ سرگرمی نہیں دکھائی ۔ سو وہ چلے گئے ۔ اس سے پہلے بھی کئی دوست محفل میں اسی وجہ سے آنے سے گھبرائے ۔ حیدرآباد دکن کے ایک بہت اچھے شاعر میری وجہ سے یہاں آئے بھی لیکن کوئی مراسلہ پوسٹ کیے بغیر چلے گئے۔ ( میری ناقص اور ذاتی رائے میں محفل کی فضا بگڑنے اور اس کے اجڑنے کی کئی وجوہات ہیں اور اس بارے میں جلد ہی ایک تحریر لکھنے کا ارادہ ہے۔) بہرحال ، یہ سب باتیں تو اب پرانی ہوئیں ۔ آگے کا اللہ مالک ہے ۔ ریٹائر منٹ کے بعد دیکھا جائے گا۔

 

[نبیل]

مجھے یاد پڑتا ہے کہ تین چار سال پہلے آپ کی طرف سے محفل کو موضوعاتی اعتبار سے کئی ذیلی فورمز میں بانٹنے کی بات ہوئی تھی۔ میں یہاں اپنی گنڈے دار حاضری کی وجہ سے شاید اس گفتگو کو پوری طرح پڑھ نہیں سکا۔ سو مجھے نہیں معلوم کہ وہ گفتگو کہاں منتج ہوئی۔

یہاں پر اس بارے میں کچھ تبادلہ خیال دیکھا جا سکتاہے۔

 

[نیرنگ خیال]

ریٹائر منٹ کے بعد دیکھا جائے گا۔

یوں ہی کوچے کو بدنام کر رکھا ہے۔۔۔ بخدا ہم نے زیادہ سے زیادہ چند دن ٹال مٹول کی ہوگی۔۔۔۔ لیکن کبھی کسی کو وعدہ ریٹائرمنٹ پر نہیں ٹرخایا۔۔۔۔