انشا اللہ خان انشا خیال کیجئے گا، آج کام میں نے کیا - انشا اللہ خاں انشا

غزل
(سید انشاء اللہ خان متخلص بہ انشا)​

خیال کیجئے گا، آج کام میں نے کیا
جب اُس نے دی مجھے گالی، سلام میں نے کیا​

کہا یہ صبر نے دل سے کہ "لو خدا حافظ"
حقوقِ بندگی اپنا، تمام میں نے کیا​

جنوں یہ آپ کی دولت، ہوا حصول مجھے،
کہ ننگ و نام کو چھوڑا ، یہ نام میں نے کیا​

مزا یہ دیکھئے گا، شیخ جی رُکے اُلٹے،
جو اُنکا بزم میں ، کل، احترام میں نے کیا​

ہوس یہ رہ گئی، صاحب نے پر کبھی نہ کہا
کہ "آج سے تجھے انشا غلام میں نے کیا"​

 

خیال کیجئے گا، آج کام میں نے کیا
جب اُس نے دی مجھے گالی، سلام میں نے کیا

واہ کاشفی جی بہت خوب ، بہت عمدہ شئیرنگ کر رھے ھیں آج کل بہت اعلی

 

واہ واہ! ایک اور خوبصورت غزل۔ آج کل تو آپ واقعی کمال کا انتخاب شئیر کر رہے ہیں۔ بہت شکریہ جناب کاشفی صاحب!
​

 

شکریہ خوشی جی بہت بہت۔۔ خوش رہیں۔۔ہنستی مسکراتی۔۔ اس طرح۔۔

 

شکریہ بہت بہت سخنور صاحب۔۔ آپ کا حُسن نظر ہے جناب کہ مجھ ناچیز کا انتخاب پسند آتا ہے آپ کو ۔۔۔۔خوش رہیں۔۔

 

فاتح صاحب اور محمد وارث صاحب۔۔ آپ دونوں حضرات کا بھی بیحد شکریہ۔۔خوش رہیں اور جیتے رہیں۔۔

 

شکریہ کاشفی صاحب۔

امید ہے انشا اللہ خان انشا کا مزید کلام بھی شیئر کریں گے۔

 

بہت شکریہ جناب محمد وارث صاحب۔۔
بالکل مزید کلام بھی شیئر کرونگا انشا اللہ خان صاحب کا انشاء اللہ۔

 

بہت عمدہ ۔۔۔۔۔۔۔۔۔۔۔۔۔

 

بہت شکریہ جناب فرحان دانش بھائی۔۔۔خوش رہیں۔۔

 

بہت خوب جناب کاشفی صاحب عمدہ انتخاب ہے ۔

 

شکریہ جناب شاہ حسین صاحب۔۔خوش رہیں۔۔

 

السلام علیکم
بہت خوب

 

وعلیکم السلام
شکریہ جناب!

 

مکمل غزل

غزل
(اِنشاء اللہ خاں "انشا")
خیال کیجئے گا، آج کام میں نے کیا
جب اُس نے دی مجھے گالی، سلام میں نے کیا

کہا یہ صبر نے دل سے کہ "لو خدا حافظ"
حقوقِ بندگی اپنا، تمام میں نے کیا

جنوں یہ آپ کے دولت، ہوا نصیب مجھے،
کہ ننگ و نام کو چھوڑا ، یہ نام میں نے کیا

لگا یہ کہنے کے خیر اِختلاط کی خوبی
حوالے یار کے خالی جو جام میں نے کیا

جھڑک کے کہنے لگے لگ چلے بہت اب تم
کبھی جو بھول کے اُن سے کلام میں نے کیا

کیا زبانی دل گریباں کہ کہتا ہے
صنم کو اپنے غرض اب تو رام میں نے کیا

کہیں نہ مانیو بہتان ہے یہ سب اُس پر
ہنسی کے واسطے یہ اتہام میں نے کیا

تمہارے واسطے ٹک دل میں اپنے غور کرو
کبھی کسی سے نہ ہو، سو مدام میں نے کیا

مقیم کعبہء دل جب ہوا تو زاہد کو
روانہ جانبِ بیت الحرام میں نے کیا

عجب طرح کے مزے چاندنی میں دیکھے رات
قرار جا کے جو برپشتِ بام میں نے کیا

مزا یہ دیکھئے گا، شیخ جی رُکے اُلٹے،
جو اُنکا بزم میں ، کل، احترام میں نے کیا

ہوس یہ رہ گئی، صاحب نے پر کبھی نہ کہا
کہ "آج سے تجھے انشا غلام میں نے کیا"​

لگ چلے - بے تکلّف ہوگئے

 

طارق شاہ صاحب! غزل کی پسندیدگی کے لیئے بیحد شکریہ۔۔خوش رہیئے۔۔

 

بہت عمدہ انتخاب، شکریہ شئیر کرنے کا۔

 

تھینکس۔