آپ کے پسندیدہ اشعار!

[سردار محمد نعیم]

آتش عشق وہ جہنم ہے
جس میں فردوس کے نظارے ہیں
۔ ۔ ۔ ۔ ۔ جگر مراد آبادی ۔ ۔ ۔ ۔ ۔

 

[سردار محمد نعیم]

ابھی آئے ابھی جاتے ہو جلدی کیا ہے دم لے لو
نہ چھوڑوں گا میں جیسی چاہے تم مجھ سے قسم لے لو

۔ ۔ ۔ ۔ ۔ ۔ امیر مینائی ۔ ۔ ۔ ۔ ۔ ۔ ۔

 

[رباب واسطی]

افسردگی بھی حسن ہے تابندگی بھی حسن
ہم کو خزاں نے،،، تم کو سنوارا بہار نے

 

[مبشر ڈاہر]

داغ تھا درد تھا غم تھا کہ الم تھا کچھ تھا
لے لیا عشق میں جو ہم کو میسر آیا
۔۔۔۔۔۔ داغ ۔۔۔۔۔۔۔۔

 

[زیرک]

بنام امن ہیں جنگ و جدل کے منصوبے
بہ شور عدل، تفاوت کے کارخانے ہیں
ساحر لدھیانوی

 

[محمد عدنان اکبری نقیبی]

کشتیاں سب کی کنارے پہ پہنچ جاتی ہیں
ناخدا جن کا نہیں ان کا خدا ہوتا ہے

بیدم شاہ وارثی

 

[محمد عدنان اکبری نقیبی]

مڑ کے دیکھا تو ہمیں چھوڑ کے جاتی تھی حیات
ہم نے جانا تھا کوئی بوجھ گرا ہے سر سے

زاہدہ زیدی

 

[محمد عدنان اکبری نقیبی]

تصدق اس کرم کے میں کبھی تنہا نہیں رہتا
کہ جس دن تم نہیں آتے تمہاری یاد آتی ہے

جلیل مانک پوری

 

[زیرک]

ہاتھوں میں لیے سنگِ سزا سوچ رہا ہوں
ایسا بھی کوئی ہے جو گنہگار نہیں ہے؟؟
تنویر سپرا

 

[زیرک]

منافقت کا ہے احسان، بچ گئے ہم بھی
وگرنہ سر کسی نیزے پہ چڑھ گیا ہوتا
رضا نقوی

 

[ام اویس]

زنداں میں بھی شورِش نہ گئی اپنے جنوں کی
اب سنگ مداوا ہے پریشاں نظری کا

 

[زیرک]

مجھے کافر کہو گے تو تمہارا کیا بھلا ہو گا
مِرا بھی وہی خدا نکلا تو پھر تمہارا کیا ہو گا

 

[نسیم زہرہ]

ہر گام اک ستم ترے اسلام پر ہوا
اُس پر ستم ہوا کہ ترے نام پر ہوا

 

[محمد عدنان اکبری نقیبی]

کشتیاں سب کی کنارے پہ پہنچ جاتی ہیں
ناخدا جن کا نہیں ان کا خدا ہوتا ہے

بیدم شاہ وارثی

 

[محمد عدنان اکبری نقیبی]

کہوں کس سے میں کہ کیا ہے شب غم بری بلا ہے
مجھے کیا برا تھا مرنا اگر ایک بار ہوتا
مرزا اسد اللہ غالب

 

[محمد عدنان اکبری نقیبی]

اس طرح زندگی نے دیا ہے ہمارا ساتھ
جیسے کوئی نباہ رہا ہو رقیب سے

ساحر لدھیانوی

 

[نسیم زہرہ]

جھانک لیں جو اپنے گریباں میں کہیں
شرم سے ہی لوگ مر نہ جائیں کہیں

کاش

 

[محمد عدنان اکبری نقیبی]

تمام جسم کی عریانیاں تھیں آنکھوں میں
وہ میری روح میں اترا حجاب پہنے ہوئے

ساقی فاروقی​

 

[نسیم زہرہ]

رحمتِ سَیدِ لَولاک پہ کامِل ایماں
اُمتِ سَیدِ لَولاک سے خوف آتا ہے

افتخار عارف

 

[زیرک]

دل ہے بے رخت مسافر، لیکن
قُربِ سلطانِ ﷺحِرا مانگتا ہے