آپ کے پسندیدہ اشعار!

[زیرک]

اس کے حصارِ خواب کو مت کربِ ذات کر
اس خوشبوئے خیال کو تُو کائنات کر

 

[زیرک]

کبھی کبھار تو بدعت بھی ہو ہی جاتی ہے
ہر ایک لمحہ ترا دھیان تھوڑی ہوتا ہے

 

[رباب واسطی]

تو نے کہا نہ تھا کہ میں کشتی پہ بوجھ ہوں
آنکھوں کو اب نہ ڈھانپ مجھے ڈوبتے بھی دیکھ

 

[زیرک]

بہا رہی تھی وہ سیلاب میں جہیز اپنا
بدن کی ڈوبتی کشتی سنبھالنے کے لئے

 

[زیرک]

چند الجھی ہوئی سوچوں کو تحریر میں لا کر
بس بانٹ لیا کرتے ہیں غم، شعر سنا کر

 

[رباب واسطی]

خوشی چھنی ہے تو غم کا بھی اعتماد نہ کر
جو روح غم سے بھی اکتا گئی تو کیا ہوگا

احسان دانش

 

[رباب واسطی]

محسن کرم بھی ہو، جس میں خلوص بھی
مجھ کو غضب کا پیار ہے اُس دشمنی کے ساتھ

محسن نقوی

 

[رباب واسطی]

لُٹ گئی دل کی زندگی ساغر
دل جواں‌تھا بہار سے پہلے

ساغر صدیقی

 

[رباب واسطی]

مجھ سا جہان میں نادان بھی نہ ہو
کر کے جو عشق کہتا ہے نقصان بھی نہ ہو

سعداللہ شاہ

 

[رباب واسطی]

کہتے تھے ایک پل نہ جیئیں گے ترے بغیر
ہم دونوں رہ گئے ہیں وہ وعدہ نہیں رہا

امجد اسلام امجد

 

[رباب واسطی]

اس رہِ عشق کو ہم اجنبی سمجھے تھے مگر
جو بھی پتھر ملا ، برسوں کا شناسا نکلا

سرورعالم

 

[محمد عدنان اکبری نقیبی]

چلے تو پاؤں کے نیچے کچل گئی کوئی شے
نشے کی جھونک میں دیکھا نہیں کہ دنیا ہے

شہاب جعفری

 

[محمد عدنان اکبری نقیبی]

اپنے جلنے میں کسی کو نہیں کرتے ہیں شریک
رات ہو جائے تو ہم شمع بجھا دیتے ہیں

صبا اکبرآبادی

 

[رباب واسطی]

بعض اوقات کسی اور کے ملنے سے عدمؔ
اپنی ہستی سے ملاقات بھی ہو جاتی ہے

 

[زیرک]

ہجر پہ شعر تھے پسند اس کو
درد کے رنگ بھر گئی مجھ میں
عطش نقوی

 

[زیرک]

گھیر رکھا ہے اسے جھوٹ کی دلدل نے
یوں سچ بھی لگتا ہے کہ ہو پھول کنول کا جیسے

 

[زیرک]

آمد پہ تیری عطر و چراغ و سبُو نہ ہوں
اتنا بھی بُود و باش کو سادہ نہیں کیا
پروین شاکر

 

[رباب واسطی]

بس اک قدم اُٹھا تھا غلط، راہِ شوق میں
منزل تمام عمر مجھے ڈھونڈتی رہی

 

[زیرک]

لوگ کہتے ہیں کے آتے نہیں جانے والے
لوٹ آیا ہے، نظر اس کی اتاری جائے
سعدیہ صفدر سعدی

 

[زیرک]

ہماری آنکھ کے صحرا بڑے قدیمی ہیں
ہماری پیاس گھٹے گی کہاں گھٹا کے ساتھ
سعدیہ صفدر سعدی