آپ کے پسندیدہ اشعار!

[زارا آریان]

دل میں ہے عشقِ صنم نامِ خُدا ہونٹوں پر
میں ہوں وہ رند کہ کہتے ہیں مسلماں مجھ کو

فتح الدولہ بہادر
کتاب ۔ کُلیاتِ برق

 

[زارا آریان]

بُت تو کیا ہیں جو بنوں کافر حر بھی مل کر
خلد دوزخ ہو جو بیزار خُدا مجھ سے ہو

فتح الدولہ بہادر
کتاب ۔ کُلیاتِ برق

 

[زارا آریان]

دیکھا کثرت میں جلوۂ وحدت
جس کو سمجھے تھے بُت خدا نکلا

نظام الدولہ نواب محمد مردان علی خان

 

[رباب واسطی]

زلفیں بکھیر دو کہ زمانے کو علم ہو
ظلمت حسین تر ہے شبِ ماہتاب سے

 

[رباب واسطی]

کل رات اُس نے جشنِ چراغاں کے نام پر
وہ داستاں سنائی کہ دامن بھگو دیئے

 

[رباب واسطی]

سانس اُلجھی، کبھی ہونٹوں پہ تبسم آیا
یوں بھی اکثر ترے آنے کی خبر آئی ہے

 

[زیرک]

چراغ بجھتے رہے اور خواب جلتے رہے
عجب طرز کا موسم میرے شہر میں تھا
پروین شاکر

 

[زیرک]

کل بزرگوں کے اثاثے کی جو تقسیم ہوئی
مال و زر چھوڑ دیا میں نے، قناعت رکھ لی
فرتاش سید

 

[زیرک]

غم گلے پڑ گیا، زندگی بجھ گئی، عقل جاتی رہی
عشق کے کھیل میں کیا تمہارا گیا، میں تو مارا گیا
فرتاش سید

 

[رباب واسطی]

جانے کب تک تیری تصویر نگاہوں میں رہی
ہو گئی رات تیرے تیرے عکس کو تکتے تکتے

 

[سردار محمد نعیم]

• آگيا اس کا تصور تو پکارا يہ شوق​

• دل ميں جم جائے الہي يہ خيال اچھا ہے​

• امیر مینائی​

 

[رباب واسطی]

کیا ابتدائے عشق کا قصہ بیاں کروں
آنکھیں ملیں، کتاب کی تصنیف ہوگئی

 

[زیرک]

میں قصۂ مختصر نہیں تھا
ورق کو جلدی پلٹ گئے ہو تم

 

[زیرک]

قصے سے اٹھ نہ جائے کہیں قصہ گو کا دل
رونا پڑا مجھے کہیں ہنسنا پڑا مجھے

 

[زیرک]

بیچ نفرت گھسیٹ لائے ہو
کیا محبت کی مار تھوڑی ہے

 

[رباب واسطی]

ہلکی اُس نظر میں تھی تحریرِ التفات
دل نے جسے حیات کا عنواں بنا لیا

 

[زیرک]

عجب قصہ کہانی ہے، نہ راجہ ہے نہ رانی ہے
نہ تُو نے بات مانی ہے، نہ میں نے ہار مانی ہے

 

[زیرک]

دل کو غم راس ہے یوں گل کو صبا ہو جیسے
اب تو یہ درد کی صورت ہی دوا ہو جیسے

 

[زیرک]

پہلے کے جیسی آج وہ دلداریاں کہاں
رشتے، خلوص، پیار، وفا، یاریاں کہاں

 

[زیرک]

یہ ہوائیں اڑ نہ جائیں لے کے کاغذ کا بدن
دوستو! مجھ پر کوئی پتھر ذرا بھاری رکھو
راحت اندوری