آپ کے پسندیدہ اشعار!

[فرقان احمد]

یہ ہمیں تھے جن کے لباس پر سرِ رہ سیاہی لکھی گئی
یہی داغ تھے جو سجا کے ہم سرِ بزمِ یار چلے گئے ۔۔۔۔۔!

(فیض احمد فیض)

 

[رباب واسطی]

نجانے کتنے چراغوں کو مل گئی شہرت
اِک آفتاب کے بے وقت ڈُوب جانے سے

 

[سردار محمد نعیم]

کام تھے عشق میں بہت پر میرؔ
ہم ہی فارغ ہوئے شتابی سے
. . . میر تقی میر . .

 

[فہد اشرف]

اے جنوں، چل خمِ گیسو کی طرف، دل تو ابھی
عالمِ خواب میں آداب کے پیچاک میں ہے
سید عابد علی عابد

 

[م حمزہ]

جس کی فطرت ہو بے تابی
ایسی قوم کہیں تھمتی ہے

اے آسائش کے متوالو
موج پہ کائی کب جمتی ہے

شادؔ عارفی

 

[الماس حسین قاسمی]

میرے حجرے میں نہیں، اور کہیں پر رکھ دو
آسماں لائے ہو ؟ لے آؤ، زمیں پر رکھ دو

اب کہاں ڈھونڈنے جاؤ گے ہمارے قاتل
آپ تو قتل کا الزام ہمِیں پر رکھ دو

میں نے اُس طاق میں کُچھ ٹوٹے دئیے رکھے ہیں
چاند سورج کو بھی لے جا کے وہیں پر رکھ دو

راحت اندوری

 

[الماس حسین قاسمی]

جن کے آنگن میں غریبی کا شجر ہو محسنؔ
ان کی ہر بات زمانے کو بری لگتی ہے

جن کے آنگن میں امیری کا شجر لگتا ہے
ان کا ہر عیب زمانے کو ہنر لگتا ہے

 

[الماس حسین قاسمی]

محبت کے لیے دل ڈھونڈ کوئی ٹوٹنے والا
یہ وہ مے ہے جسے رکھتے ہیں نازک آبگینوں میں

خموش اے دل بھری محفل میں چلانا نہیں اچھا
ادب پہلا قرینہ ہے محبت کے قرینوں میں

علامہ اقبال

 

[فہیم]

جی کی جی میں رہی بات نہ ہونے پائی
ایک بھی ان سے ملاقات نہ ہونے پائی

خواجہ میر درد

 

[فہیم]

سینہ دل حسرتوں سے چھا گیا
بس ہجوم یاس جی گھبرا گیا

خواجہ میر درد

​

 

[رباب واسطی]

پہلے یہ مان لو ہے شاعری فطرت کی عطا
پھر اسے دائرہِٗ علم و ہنر میں رکھنا
عبداللہ ناظرؔ

 

[رباب واسطی]

یا تیرا تذکرہ کرے ہر شخص
یا کوئی ہم سے گفتگو نہ کرے

 

[رباب واسطی]

مجھ کو مری حیات تک محدود مت سمجھ
دنیا میں اپنے بعد بھی زندہ رہوں گا میں
قمر زیدی

 

[محمد عدنان اکبری نقیبی]

اب تک میری یادوں سے ، مٹائے نہیں مٹتا
بھیگی ہوئی اِک شام کا منظر , تیری آنکھیں

محسن نقوی

 

[رباب واسطی]

جیسے ساحل سے چھڑا لیتی ہیں موجیں دامن
کتنا سادہ ہے تیرا مجھ سے گریزاں ہونا

 

[محمد عدنان اکبری نقیبی]

کرے کلام جو مجھ سے تو میرے لہجے میں
میں چپ رہوں تو میرے تیوروں کا ساتھی ہو

افتخار عارف

 

[رباب واسطی]

نظر کو پھیر کر ہم بھی گذر جاتے تو اچھا تھا
محبت کے اوائل میں مُکر جاتے تو اچھا تھا

 

[رباب واسطی]

عقل نے دیر کردی آنے میں
عشق کے کام آچکے تھے ہم

 

[جاسمن]

بیٹھے بیٹھے پھینک دیا ہے آتش دان میں کیا کیا کچھ
موسم اتنا سرد نہیں تھا _______جتنی آگ جلا لی ہے

ذوالفقار عادل

واہ!
سوچنے پہ مجبور کرتا شعر ہے۔
جتنی آگ جلا لی ہے۔۔۔۔آہ!
بیٹھے بیٹھے پھینک دیا ہے جلتی آگ میں کیا کیا کچھ
واہ!

 

[جاسمن]

یہ ہمیں تھے جن کے لباس پر سرِ رہ سیاہی لکھی گئی
یہی داغ تھے جو سجا کے ہم سرِ بزمِ یار چلے گئے ۔۔۔۔۔!

(فیض احمد فیض)

بہت مشہور شعر ہے یہ فیض صاحب کا۔