آپ کے پسندیدہ اشعار!

[محمد عدنان اکبری نقیبی]

لاعلم امکانی طور پر شاعر کا تخلص ہو گا!

نہیں بھیا ،ہم شاعر کے نام سے لاعلم ہیں۔

 

[فرقان احمد]

ہم کیا کریں، اگر نہ تِری آرزو کریں
دُنیا میں اور کوئی بھی تیرے سِوا ہے کیا

 

[فرحان محمد خان]

بات تو دل شکن ہے پر، یارو!
عقل سچی تھی، عشق جھوٹا تھا
جون ایلیا

 

[محمد عدنان اکبری نقیبی]

یہ گرد بیٹھ جائے تو معلوم کرسکوں
آنکھیں نہیں رہیں کہ تماشا نہیں رہا
عباس تابش

 

[طاہر راجپوت ملتان]

حضرت نوح سے کہتا ہے بس ڈوب مرو
طفل اشک اے فلک پیرّ ہے لڑکا گستاخ

اے ہمّا یہ بھی ہے طاقت کہ ادب منہ سے رکھیں
ہڈیوں سے ہے ہماری سِگ لیلیٰ گستاخ

مرزا حاتم علی مہرؔ
الماس درخشاں✍

 

[طاہر راجپوت ملتان]

بتاں ہند پسند آئے ہیں خدائی میں
رہے گی بعد فنا بھی اسی دیار میں روح

ذرا بھی گر لب جان بخش کا اشارہ ہو
تو ڈال دے دِم خنجر ترا شکار میں روح

مرزا حاتم علی مہرؔ
الماس درخشاں✍

 

[فرقان احمد]

مُدّت سے تو دِلوں کی مُلاقات بھی گئی
ظاہر کا پاس تھا، سو مدارات بھی گئی

پِھرتے ہیں میر خوار کوئی پُوچھتا نہیں
اِس عاشقی میں عزّتِ سادات بھی گئی

میر تقی میر

 

[سردار محمد نعیم]

قفس میں ساتھ ہے جن کے خیال لالہ وگل
تمام عمر کبھی باغ کی ہوس نہ کریں
عمر فیضی​

 

[فرقان احمد]

یہاں کسی کو کسی کی خبر نہیں ملتی
بس ایک رشتۂ آب و ہوا غنیمت ہے

تمام راہیں ہوئیں گردِ ممکنات میں گم
مسافروں کو ترا نقشِ پا غنیمت ہے

سلیم کوثر

 

[محمد عدنان اکبری نقیبی]

دوستو میں تو نہ مانوں گا وہ ہے خشک مزاج
اس نے آنکھوں کو سکھایا ہے مری تر ہونا

طفیل چترویدی

 

[فہد اشرف]

در بہ در ٹھوکریں کھائیں تو یہ معلوم ہوا
گھر کسے کہتے ہیں کیا چیز ہے بے گھر ہونا
سلیم احمد

 

[فرقان احمد]

ہر سُو ہے اِک ملال کی دُنیا بسی ہُوئی
رُوئے خیال، آہ کدھر ہو کدھر نہ ہو

بیخود موہانی

 

[محمد عدنان اکبری نقیبی]

بجھ نہی سکا چراغِ عشق
ہوئے بہت مگر نمرود پیدا

خاکی

 

[فرقان احمد]

افسوس تو کم ہوتا، گر ساتھ ذرا چلتے
تا عمر کے وعدے پر دوگام نہ تم آئے

شفیق خلش

 

[محمد عدنان اکبری نقیبی]

مَیں نے کہا، خراب ہوں، گردشِ چشمِ مَست سے
اُس نے کہا کہ رقص کر، سارا جہاں خراب ہے
علی زریون

 

[محمد عدنان اکبری نقیبی]

وہ اور ہونگے جنہیں شوق خود نمائی ہے
یہاں تو عمر ہی گزری ہے نکتہ چینوں میں
.کلیِم عاؔجز

 

[فہد اشرف]

ہوئی مدت کہ غالبؔ مر گیا پر یاد آتا ہے
وہ ہر اک بات پر کہنا کہ یوں ہوتا تو کیا ہوتا
مرزا غالب

 

[فرقان احمد]

اے وعدہ فراموش تو آیا نہیں اب بھی
دن کٹ گیا ہے یوں ہی گزر جائے گی شب بھی

انور صابری

 

[فرقان احمد]

اب یادِ رفتگاں کی بھی ہمت نہیں رہی
یاروں نے کتنی دور بسائی ہیں بستیاں !

فراق گورکھپوری

 

[محمد عدنان اکبری نقیبی]

میری باتیں مہکی مہکی جیسے میر کے نازک شعر
انکی باتیں سوچی سمجھی جیسے غالب کا دیوان ۔
شبنم رومانوی۔