آپ کے پسندیدہ اشعار!

[محمد عدنان اکبری نقیبی]

جو ہوے فرشتوں میں مشورے، کرے کون عشق کی راہ طے
کمر اپنی باندھ کے جو اٹھا، تو جگرؔ سا مردِ جواں اٹھا
جگر بریلوی

 

[محمد عدنان اکبری نقیبی]

زخموں کو گوارا نہیں یک رنگی حالات
نشتر کی طرح آ ، کبھی مرہم کی طرح آ
فنا نظام کانپوری

 

[محمد عدنان اکبری نقیبی]

بھول کر او چاند کے ٹکڑے ادھر آ جا کبھی
میرے ویرانے میں بھی ہو جائے دم بھر چاندنی
امام بخش ناسخ

 

[محمد عدنان اکبری نقیبی]

تمہارے نام سے منسوب ہو جاتے ہیں دیوانے
یہ اپنے ہوش میں ہوتے تو پہچانے کہاں جاتے
مخمور دہلوی

 

[محمد عدنان اکبری نقیبی]

خود کو دُھتکار دیا میں نے تو اِس دُنیا نے
میری اوقات سے بڑھ کر مِری عزت کی ہے
انجم سلیمی

 

[سردار محمد نعیم]

یہ کہاں کی دوستی ہے کے بنے ہیں دوست ناصح
کوئ چارہ سازہوتاکوئ غم گسارہوتا
مرزا غالب

 

[فہد اشرف]

خود عشق کی گستاخی سب تجھ کو سکھا دے گی
اے حسن حیاپرور شوخی بھی شرارت بھی
مولانا حسرت موہانی

 

[محمد عدنان اکبری نقیبی]

مانگی نہ تھی دعا توبھرم کچھ خودی کا تھا
بدنام کر گیا مرا دست دعا مجھے
ساغر نظامی

 

[عبید انصاری]

کہیں نہیں ہے، کییں بھی نہیں لہو کا سراغ
نہ دست وناخن قاتل، نہ آستیں پہ نشاں
نہ سرخئ لب خنجر، نہ رنگ نوک سناں
نہ رزم گاہ میں میں برسا کہ معتبر ہوتا
کسی علم پہ رقم ہوکے مشتہر ہوتا
تڑپتا رہا بے آسرا یتیم لہو
کسی کو بہر سماعت نہ وقت تھا نہ دماغ
نہ مدعی نہ شہادت حساب پاک ہوا
یہ خون خاک نشیناں تھا رزق خاک یوا
فیض احمد فیض

 

[فرقان احمد]

ایک نگاہ کا سناٹا ہے اک آواز کا بنجر پن ...!!
میں کتنا تنہا بیٹھا ہوں قربت کے ویرانے میں...؟؟

عزم بہزاد

 

[محمد وارث]

تجھ کو کیا معلوم گزری کس طرح فرقت کی رات
کہہ پھرے اک اک ستارے سے ترا افسانہ ہم
احسان دانش

 

[فرقان احمد]

یہ وہ منزل ہے کہ الیاس بھی گم، خضر بھی گم
ہائے آوارگیِ شوق ۔۔۔۔۔۔۔۔۔۔۔۔۔۔۔۔۔ کِدھر سے گزرے!

غلام ربانی تاباں

 

[طاہر راجپوت ملتان]

کیا قدر ترے مصحف عارض کی کرے غیر
کافر نے کبھی آنکھ سے قرآن نہیں دیکھا

ابرو جو دکھایا ہے تو رخ کو بھی دکھا دو
میں نے مہ نو دیکھ کے قرآن نہیں دیکھا

سید ڈاکٹر اصغر حسین فاخرؔ
1851-1909لکھنؤ
✍دیوان فاخرؔ

 

[محمد وارث]

میں واصفِ بسمل ہوں، میں رونقِ محفل ہوں
اک ٹوٹا ہوا دل ہوں، میں شہر میں ویرانہ
( واصف علی واصف)

 

[Faiz Roonjha]

تم کو اتنی شدت سے چاہا ہے

کہ مجھے میری کائنات تو ہی لگتی ہے

 

[سردار محمد نعیم]

تمہیں اپنا بنانا چاہتا ہوں
مقدر آزمانا چاہتا ہوں
یہی بس اک مقام عافیت ہے
ترے دل میں ٹھکانہ چاہتا ہوں
پیر نصیر الدین نصیر

 

[فرقان احمد]

ہوگا کسی دیوار کے سائے میں پڑا میر
کیا کام محبّت سے، اُس آرام طلب کو

میر تقی میر

 

[فرقان احمد]

اک شمع بجھائی تو کئی اور جلالیں
ہم گردشِ دوراں سے بڑی چال چلے ہیں

(ادا جعفری)

 

[سردار محمد نعیم]

پوچھا کسی نے حال کسی کا تو رو دئیے
پانی میں عکس چاند کا
دیکھا تو رو دئیے

ساغر صدیقی

 

[زارا آریان]

رضواں سے بغاوت ہے نشورؔ اور مئے کوثر
عقبیٰ میں بھی کچھ کام ہمارے نکل آئے

نشور واحدی