آئینہ دیکھتے ہی وہ دیوانہ ہوگیا - ریاض خیرآبادی

[کاشفی]

غزل

(ریاض خیرآبادی)
آئینہ دیکھتے ہی وہ دیوانہ ہوگیا
دیکھا کسے کہ شمع سے پروانہ ہوگیا

گل کرکے شمع سوئے تھے ہم نامراد آج
روشن کسی کے آنے سے کاشانہ ہوگیا

منہ چوم لوں یہ کس نے کہا مجھ کو دیکھ کر
دیوانہ تھا ہی اور بھی دیوانہ ہوگیا

توڑی تھی جس سے توبہ کسی نے ہزار بار
افسوس نذر توبہ وہ پیمانہ ہوگیا

مے توبہ بن کے آئی تھی لب تک اے ریاض
لبریز اپنی عمر کا پیمانہ ہوگیا​

 

[طارق شاہ]

توڑی تھی جس سے توبہ، کسی نے ہزار بار
افسوس! نذرِ توبہ، وہ پیمانہ ہوگیا

کیا کہنے

 

[کاشفی]

شکریہ طارق شاہ صاحب!

 

[x boy]

یہ کس کے لئے کہا ہے شاعر نے۔

منہ چوم لوں یہ کس نے کہا مجھ کو دیکھ کر
دیوانہ تھا ہی اور بھی دیوانہ ہوگیا

 

[سید عاطف علی]

یہ کس کے لئے کہا ہے شاعر نے۔
منہ چوم لوں یہ کس نے کہا مجھ کو دیکھ کر
دیوانہ تھا ہی اور بھی دیوانہ ہوگیا

بھائی فرضی لڑکے !۔یہ شعر شاعر نے اس کے لیے کہا ہے جس نے شاعرکو دیکھ کے یہ کہا ۔۔ "دیوانہ تھا ہی اور بھی دیوانہ ہوگیا"
آپ کیا سمجھ گئے ؟

 

[یوسف-2]

یہ کس کے لئے کہا ہے شاعر نے۔

منہ چوم لوں یہ کس نے کہا مجھ کو دیکھ کر
دیوانہ تھا ہی اور بھی دیوانہ ہوگیا

ہا ہا ہا
آپ ذرا جلدی سے تھوڑا اور ”بڑے“ ہوجائیں، پھر سمجھاتے ہیں آپ کو

 

[عمر سیف]

بہت خوب ۔۔

 

[افسر خان]

بہت خوب

 

[محمداحمد]

بہت خوب۔۔۔۔!

 

[نیرنگ خیال]

لاجواب انتخاب کاشفی بھائی! بہت اعلیٰ