آپ کے پسندیدہ اشعار!

[ظہیراحمدظہیر]

آگہی بھی دامِ شنیدن بچھانے سے باز آئی!

یہ ہوائی فائر تھا فرقان بھائی ۔ یہ دیکھنے کے لئے کہ "نشانچی" لوگ دوسروں کا بھی سن رہے ہیں یا صرف اپنا اپنا طپنچہ چلا رہے ہیں ۔
یعنی بہ الفاظِ دیگر پہلے مصرع میں مدعا عنقا نہیں بلکہ سرے سے مفقود ہے ۔

 

[syed Kashif Rizvi]

کواڑ بجنے لگے ہیں ، یہ لگ رہا ہے مجھے
ہوا کے ہاتھ چراغوں کے سر اتاریں گے
سجاد لاکھا

 

[فرقان احمد]

یہ ہوائی فائر تھا فرقان بھائی ۔ یہ دیکھنے کے لئے کہ "نشانچی" لوگ دوسروں کا بھی سن رہے ہیں یا صرف اپنا اپنا طپنچہ چلا رہے ہیں ۔
یعنی بہ الفاظِ دیگر پہلے مصرع میں مدعا عنقا نہیں بلکہ سرے سے مفقود ہے ۔

سر! آپ ہمارا امتحان لے رہے ہیں گویا!

 

[عدنان عمر]

‏شرم اک ادائے ناز ہے اپنے ہی سے سہی
ہیں کتنے بے حجاب کہ ہیں یُوں حجاب میں
― غالب

 

[عدنان عمر]

شوخی سی ہے سوالِ مکرر میں اے کلیم
شرطِ رضا یہ ہے کہ تقاضا بھی چھوڑ دے
۔۔۔۔
علامہ اقبال

 

[عدنان عمر]

‏وہ نہیں بھولتا جہاں جاؤں
ہائے میں کیا کروں کہاں جاؤں

(ناسخ)

 

[عدنان عمر]

لفظ کے پھول کہاں میری زبانی مہکے
اس کے ہونٹوں پہ جو آئے تو کہانی مہکے
۔۔۔۔
مہتاب قدر

 

[syed Kashif Rizvi]

یوں نہ مل ______ مجھ سے خفا ہو جیسے
ساتھ چل ________ موجِ صبا ہو جیسے

بہت عمدہ ، شاعر کون ہے ؟

 

[syed Kashif Rizvi]

دل میں جو تھا اُسے لفظوں کے حوالے کر کے
کیا ملا سینکڑوں کاغذ مجھے کالے کر کے
مجتبی حیدر شیرازی

 

[آورکزئی]

میرے پیچھے تو ہے ہر آن یہ خلقت کا ہجوم
اب خدا جانے یہ شہرت ہے کہ رسوائی ہے

شیخ الاسلام مفتی محمد تقی عثمانی صاحب

 

[عدنان عمر]

‏کتنی آہستہ پڑ رہی ہے پھوار
تیرے لہجے کی نرمیاں جیسے

 

[محمد عدنان اکبری نقیبی]

‏مثلِ تعویز ہیں تیرے اشعار
پڑھ کے اکثر شِفا ملتی ہے

 

[عرفان سعید]

‏مثلِ تعویز ہیں تیرے اشعار
پڑھ کے اکثر شِفا ملتی ہے

بہت شکریہ!

 

[اویس رضا]

ہم سے کیا ہوسکا محبت میں
خیر تم نے تو بے وفائی کی
فراق

 

[کاشفی]

ہارنے جیتنے سے کچھ نہیں ہوتا وامقؔ
کھیل ہر سانس پہ ہے داؤں لگاتے رہنا
(وامق جونپوری)

 

[کاشفی]

ہزاروں کام محبت میں ہیں مزے کے داغؔ
جو لوگ کچھ نہیں کرتے کمال کرتے ہیں
(داغ دہلوی رحمتہ اللہ علیہ)

 

[کاشفی]

جن سے انساں کو پہنچتی ہے ہمیشہ تکلیف
ان کا دعویٰ ہے کہ وہ اصل خدا والے ہیں
عبد الحمید عدم

 

[اویس رضا]

ہوشیار لوگوں سے اے عدم
لوگ منکر نکیر ہوتے ہیں

 

[فہد اشرف]

"اے جان قیس تیرا ارادہ کدھر ہے آج"
فرقان احمد بھائی اس شعر کا دوسرا/ پہلا مصرعہ معلوم ہے آپ کو؟

 

[فرقان احمد]

"اے جان قیس تیرا ارادہ کدھر ہے آج"
فرقان احمد بھائی اس شعر کا دوسرا/ پہلا مصرعہ معلوم ہے آپ کو؟

ابنِ انشاء کو پڑھ رہے ہیں آپ آج کل، بہت خوب! دراصل، یہ مصرع تو بہت مشہور ہے، تاہم، یہ معلوم نہیں، ہے کس کا؟ معلوم ہوتا ہے، یہ شعر شاید ابن انشاء کے دیوان سے ہی برآمد ہو گا۔ تلاش جاری ہے! یہ آپ کا دیا ہوا دوسرا امتحان ہے جس میں ہم فیل ہو گئے۔