آپ کے پسندیدہ اشعار!

[سیما علی]

کر اپنی نظر سے مرے ایمان کا سودا
اے دوست تجھے میری محبت کی قسم ہے
فنا بلند شہری

 

[سیما علی]

زخم لگا کر اس کا بھی کچھ ہاتھ کھلا
میں بھی دھوکا کھا کر کچھ چالاک ہوا

 

[سیما علی]

عقل کہتی ہے دوبارہ آزمانا جہل ہے
دل یہ کہتا ہے فریب دوست کھاتے جائیے
ماہر القادری

 

[سیما علی]

مجھی کو پردۂ ہستی میں دے رہا ہے فریب
وہ حسن جس کو کیا جلوہ آفریں میں نے

 

[علی وقار]

جو بھی گزرنی ہے آنکھوں پر کاش اِک بار گزر جائے
سرد ہوا میں ،ظلم تو یہ ہے، پتہ پتہ گرتا ہے ۔۔۔۔۔۔


ڈاکٹر توصیف تبسم مرحوم

 

[لاريب اخلاص]

ہوا ہی ایسی چلی ہے کہ جی بحال نہیں
وگرنہ ہم تو بہت کم اُداس رہتے ہیں
عدم

 

[علی وقار]

ہُوں قید حصارِ رگِ گرداب میں ، سرمد
کوئی نہیں جو مجھ کو کِنارے کا پتہ دے!

سرمد صہبائی

 

[سیما علی]

لوگ کہتے ہیں فقط ایک ہی پاگل ہے فراز
ایسے ایسے ہیں محبت میں گرفتار کہ بس

 

[سیما علی]

ہم کو جانے کیا سمجھ کر وہ بھلا بیٹھے، شکیبؔ
پھر بھی ان کی یاد جانے کیوں ہمارے دل میں ہے

شکیب جلالی

 

[سیما علی]

شکیبؔ، اس طرح کچھ قفس راس آیا
کہ گلشن جلانے کو جی چاہتا ہے
شکیب جلالی

 

[سیما علی]

اک عمر سے ہوں لذت گریہ سے بھی محروم
اے راحت جاں مجھ کو رلانے کے لئے آ
اب تک دل خوش فہم کو تجھ سے ہیں امیدیں
یہ آخری شمعیں بھی بجھانے کے لئے آ
احمد فراز

 

[محمد آصف میؤ]

مجھ سے ملنے کو آپ آئے ہیں
بیٹھیے، میں بُلا کے لاتا ہوں!

جون ایلیا

یہ جون ایلیاء کا شعر ہے؟ میرا نہیں خیال ۔ آپ کے پاس کوئی حوالہ ہے تو عنایت فرما دیں۔

 

[La Alma]

وہ تُو کہ عقدہ کشا و مسبب الاسباب
یہ میں کہ آپ معمہ ہوں آپ اپنا ہی حل

(احمد فراز)

 

[علی وقار]

مجھ کو منظور ہے وہ سلسلۂ سنگِ گراں
کوہکن مجھ سے اگر وقت بدلنا چاہے
خورشید رضوی

آہ!

 

[علی وقار]

سب ہی کے گھر بسے رہیں سب کے مکاں کی خیر ہو
آ مرے دل دعا کریں سارے جہاں کی خیر ہو

جانے میں تجھ سے کیا کہوں جانے تُو خود سے کیا لکھے
تیری لکھت کے درمیاں میرے بیاں کی خیر ہو

 

[محمد عبدالرؤوف]

سب ہی کے گھر بسے رہیں سب کے مکاں کی خیر ہو
آ مرے دل دعا کریں سارے جہاں کی خیر ہو

جانے میں تجھ سے کیا کہوں جانے تُو خود سے کیا لکھے
تیری لکھت کے درمیاں میرے بیاں کی خیر ہو

یہ کس کی لکھت ہے؟

 

[محمد آصف میؤ]

یہ جون ایلیاء کا شعر ہے؟ میرا نہیں خیال ۔ آپ کے پاس کوئی حوالہ ہے تو عنایت فرما دیں۔

شاید میں غلطی پر ہوں ۔ شاعر کا نام معلوم پڑے تو مجھے بھی مطلع کیجیئے گا۔

 

[علی وقار]

یہ کس کی لکھت ہے؟

روفی بھائی، یہ سلیم کوثر صاحب کے تازہ اشعار ہیں۔ وہ ٹوئٹر (ایکس) پر خاصے فعال ہیں، اُن کی اپنی لکھائی ہے۔

 

[سیما علی]

سب ہی کے گھر بسے رہیں سب کے مکاں کی خیر ہو
آ مرے دل دعا کریں سارے جہاں کی خیر ہو

جانے میں تجھ سے کیا کہوں جانے تُو خود سے کیا لکھے
تیری لکھت کے درمیاں میرے بیاں کی خیر ہو

کیا خوبصورت اشعار کہنے والے شاعر ۔۔

 

[صابرہ امین]

رسم دنیا ہے جو ہر سال ادا ہوتی ہے
ورنہ سورج کی کہاں سالگرہ ہوتی ہے