آپ کے پسندیدہ اشعار!

[سحر کائنات]

زندگی! دیکھ تیری خواہشوں کا سحر کہ ہم
آبلہ پا ہیں مگر شوقِ سفر قائم ہے


سحرشعیل

 

[گُلِ یاسمیں]

جب ان کی پتیاں بکھریں تو سمجھے مصلحت اس کی
یہ گُل پہلے سمجھتے تھےہوا بیکار چلتی ہے

مضطر خیر آبادی

 

[شمشاد]

دنیا جسے کہتے ہیں جادو کا کھلونا ہے
مل جائے تو مٹی ہے کھو جائے تو سونا ہے
ندا فاضلی

 

[علی وقار]

دل کی دھڑکن کا اعتبار نہیں
ورنہ آواز تو تمہاری ہے!


شاعر: قابل اجمیری

 

[لاريب اخلاص]

یہ خاموش مزاجی تمہیں جینے نہیں دے گی
اس دور میں جینا ہے تو کہرام مچا دو
نامعلوم

 

[یاسر شاہ]

اک آدمی کی رہائی سے بھی تو ہو جاتا
جو شہر بھر کی گرفتاریوں کے بعد ہوا

جمال احسانی

 

[یاسر شاہ]

جمع کرتے ہو کیوں رقیبوں کو
اک تماشا ہوا گلہ نہ ہوا

اسد اللّٰہ خاں غالب

 

[لاريب اخلاص]

دل تو میرا اداس ہے ناصرؔ
شہر کیوں سائیں سائیں کرتا ہے
ناصر کاظمی

 

[علی وقار]

ہوا نے گرد میں تحلیل کر دیا، ورنہ !
غرورِ نغمہ تھے،نکلے تھے جب رباب سے ہم

شاعر: حفیظ احمد

 

[سیما علی]

یہ سانحہ بھی محبت میں بارہا گزرا
کہ اس نے حال بھی پوچھا تو آنکھ بھر آئی
ناصر کاظمی

 

[سیما علی]

اے دوست ہم نے ترکِ محبت کے باوجود
محسوس کی ہے تیری ضرورت کبھی کبھی
ناصر کاظمی

 

[سیما علی]

کہیں ملا تو کسی دن منا ہی لیں گے اسے
وہ زود رنج سہی ،پھر بھی یار اپنا ہے
ناصر کاظمی

 

[سیما علی]

ترے جلو میں بھی دل کانپ کانپ اٹھتا ہے
مرے مزاج کو آسودگی بھی راس نہیں
ناصر کاظمی

 

[گُلِ یاسمیں]

ہماری پسندیدہ ایک مختصر سی نظم

ہمیشہ ایک سا موسم نہیں رہتا
کبھی دل میں ہزاروں دیپ جلتے ہیں
کبھی گہرا اندھیرا پھیل جاتا ہے
کبھی اک اجنبی آواز بھی
مانوس لگتی ہے
کبھی اپنا ہی سایہ
اجنبی معلوم ہوتا ہے
ہمیشہ ایک سا موسم نہیں رہتا

 

[سیما علی]

گزرے ہیں ترے بعد بھی کچھ لوگ ادھر سے
لیکن تری خوشبو نہ گئی راہگزر سے
(امجد ‌اسلام ‌امجد)

 

[گُلِ یاسمیں]

ہمیں بھی ضد ہے کہاں عمر بھر نبھانے کی
مگر وہ ترکِ تعلق کا اختیار تو دے

احمد فراز

 

[علی وقار]

شام کے سائے بالشتوں سے ناپے ہیں
چاند نے کتنی دیر لگا دی آنے میں ۔۔۔

گلزار

 

[سیما علی]

دلوں کا خوں کرو سالم رکھو گریباں کو
جنوں کی رسم زمانہ ہوا اٹھا دی ہے