آپ کے پسندیدہ اشعار!

[گُلِ یاسمیں]

اس کے وصالِ ہجر میں یونہی گزر گئی
دیکھا تو ہنس دیا جو نہ دیکھا تو رو دیا

 

[شمشاد]

مرہم ترے وصال کا لازم ہے اے صنم
دل میں لگی ہے ہجر کی برچھی کی ہول آج
سراج اورنگ آبادی

 

[گُلِ یاسمیں]

اب تری گفتگو سے مجھ پہ کھُلا
کیوں طبیعت اداس تھی میری

 

[اے خان]

اتنا ترسایا گیا مجھ کو محبت سے کہ اب
اک محبت پہ قناعت نہیں کر سکتا میں
انجم سلیمی

 

[حسرت جاوید]

وفا، اخلاص، قربانی، محبت
اب ان لفظوں کا پیچھا کیوں کریں ہم

جون ایلیا

 

[شمشاد]

ضبط سوز دل ہے وجہ حیرت اظہار حال
داغ ہے مہر دہن جوں چشم قربانی مجھے
مرزا غالب

 

[حسرت جاوید]

مجبوریوں کے نام پہ سب چھوڑنا پڑا
دل توڑنا کٹھن تھا مگر توڑنا پڑا

میری پسند اور تھی سب کی پسند اور
اتنی ذرا سی بات پہ گھر چھوڑنا پڑا

انجم رہبر

 

[حسرت جاوید]

پتھر نہ بنا دے مجھے موسم کی یہ سختی
مر جائیں مرے خواب نہ تعبیر کے ڈر سے

پنہاں

 

[شمشاد]

میرے دکھ کی دوا بھی رکھتا ہے
خود کو مجھ سے جدا بھی رکھتا ہے
وشال کھلر

 

[گُلِ یاسمیں]

اے موت تو ہی آ کے قصہ تمام کر دے
ہم زندگی کے ہاتھوں قسطوں میں مر رہے ہیں

 

[گُلِ یاسمیں]

دل میں اب کوئی آرزو ہی نہیں
یعنی تکمیل ہو گئی میری

 

[شمشاد]

تری زمیں سے اٹھیں گے تو آسماں ہوں گے
ہم ایسے لوگ زمانے میں پھر کہاں ہوں گے
ابراہیم اشکؔ

 

[گُلِ یاسمیں]

رات بھر دل میں غُل مچاتی ہے
آرزو کوئی سرپھری میری
میری آنکھوں میں آکے بیٹھ گیا
شامِ فرقت اجاڑ دی میری

عرفان ستار

 

[شمشاد]

قالب کو اپنے چھوڑ کے مقلوب ہو گئے
کیا اور کوئی قلب ہے اس انقلاب میں
پنڈت جواہر ناتھ ساقی

 

[گُلِ یاسمیں]

چلے کہ ایک نظر تیری بزم دیکھ آئیں
یہاں جو آئے تو بے اختیار بیٹھ گئے

 

[حسرت جاوید]

زندگی اک دکان کھلونوں کی
وقت بگڑا ہوا سا بچہ ہے

آئنے میں جو عکس ہے امجد
کیوں کسی دوسرے کا لگتا ہے

امجد سلام امجد

 

[گُلِ یاسمیں]

اُس کو پانے کی اب جستجو بھی نہیں، جستجو کیا کریں آرزو بھی نہیں
شوقِ آوارگی بول جائیں کدھر، ہو گئے در بہ در، زندگی اور میں

عرفان ستار

 

[سیما علی]

دل کو جلا کے دی ہے زمانے کو روشنی
جگنو پکڑ کے ہم نے اُجالا نہیں کیا

 

[سیما علی]

نہ کسی کو فکرِ منزل،نہ کہیں سراغِ جادہ
یہ عجیب کارواں ہے جو رواں ہے بے ارادہ

 

[سیما علی]

خواب ہوتے ہیں دیکھنے کے لئے
ان میں جا کر رہا نہ کرو