آپ کے پسندیدہ اشعار!

[زیرک]

قرعہ نکلا تو مِرے نام ہوئی ویرانی
یہ مِرا پہلا تعارف تھا فراوانی سے​

 

[محمد عدنان اکبری نقیبی]

کیوں پرکھتے ہو سوالوں سے جوابوں کو عدیمؔ
ہونٹ اچھے ہوں تو سمجھو کہ سوال اچھا ہے

عدیم ہاشمی

 

[محمد عدنان اکبری نقیبی]

سنے جاتے نہ تھے تم سے مرے دن رات کے شکوے
کفن سرکاؤ میری بے زبانی دیکھتے جاؤ

فانی بدایونی

 

[زیرک]

تُو آدھی عمر کہاں پر گنوا کے آیا ہے
مِرے حوالے یہ باقی کا سب خزانہ کر​

 

[زیرک]

دونوں کو جدائی کی چبھن کاٹ رہی ہے
مدت سے پریشان ہیں میں اور تری تصویر​

 

[زیرک]

دِلا! وہ جا بھی چکا، مر بھی رہ، قرار بھی کر
طنابِ خیمۂ احساس کیوں تنی ہوئی ہے​

 

[زیرک]

میں جیت لوں تو لپٹ کر مجھے مبارک دے
تُو ہار جائے، تو پھر اپنی ہار مانا کر​

 

[زیرک]

دکھ یہ ہے مِرا، یوسف و یعقوب کے خالق
وہ لوگ بھی بچھڑے جو بچھڑنے کے نہیں تھے
راکب مختار​

 

[رباب واسطی]

یاد آتے ہیں مگر آ تو نہیں سکتے ہیں
وہ جو کہتے تھے گیا وقت نہیں ہوں جاناں

 

[عبدالرحمن آزاد]

کعبہ کس منہ سے جاوگے غالبؔ
شرم تم کو مگر نہیں آتی

 

[زیرک]

درد ہلکا ہے، سانس بھاری ہے
جیے جانے کی رسم جاری ہے​

 

[زیرک]

کہاں تُو ڈھونڈنے آیا گلِ اخلاص کی خوشبو
یہاں تو بغض اگتا ہے محبت کی زمینوں میں​

 

[زیرک]

جینے کی حسرتوں میں سحرؔ دفن ہو گئے
اب زندگی سے کہہ دے مزاروں میں رقص کر​

 

[زیرک]

بھول جانا تو رسمِ دنیا ہے
آپ نے کون سا کمال کیا
سحر انصاری​

 

[محمد حسن شہزادہ]

شباب نام ہے دل کی شگفتہ کاری کا
وہ کیا جوان رہے جس کا دل جواں نہ رہے
سیماب اکبر ابادی

 

[زیرک]

کس طرح جمع کیجے اب اپنے آپ کو
کاغذ بکھر رہے ہیں پرانی کتاب کے
عادل منصوری​

 

[محمد حسن شہزادہ]

ہم کو سمجھنے کے لئے ہم جیسا ہونا ضروری ہے ،،
ہمارا دیدار الگ ہمارا معیار الگ اور ہمارا پیار الگ .....

نامعلوم

 

[زیرک]

لباسِ درد بھی ہم نے اتارا
یہ کپڑے اب پرانے ہو چکے ہیں
سلیم احمد​

 

[زیرک]

ادھر تو درد کا پیالہ چھلکنے والا ہے
مگر وہ کہتے ہیں یہ داستان کچھ کم ہے
منظر بھوپالی​

 

[زیرک]

کرو کج جبیں پہ سر کفن مرے قاتلوں کو گماں نہ ہو
کہ غرورِ عشق کا بانکپن پسِ مرگ ہم نے بھلا دیا
فیض احمد فیض
​